همسة في اذن كل من يسأل عن اي شيء بخصوص كليه الهنا !! الاقتصاد المنزلي ..!!

[ساكنه في بيتنا]

السلام عليكم ورحمه الله وبركاته



حأدخل في الموضوع على طول


يليز بنات لمن بدكم تسألو عن قسم معين أو اي شي شوفوا اول اذا كان في موضوع متعلق بالشي اللي تسألو عنو ولا لا


الف مليون موضوع انفتح يسأل عن قسم التصميم الداخلي وزيو عن الطفولة وزيو عن التغذيه و و و و و و ......



وانا متأكده حتى لو نزلت مواضيع عن كل قسم بالتفصيل << ناويه اعملها ان شاء الله بس مدري متى

المهم نكمل الهرجه , متأكده لو نزلت موضوع عن كل قسم بالتفصيل برضو راح اشوف اسئله اجوبتها انقالت في الموضوع


والله ما عندي اي مانع انكم تسألوا في اي سؤال تبغوه بس مو اجاوب على وحده عن التصميم الداخلي مثلا في موضوع .. شويه اليوم التاني افتح الا نفس السؤال من وحده تانيه في موضوع جديد ..

دا الشي قاهرني كتييييييييييييييييييييييييييييييييييييير لو بيدي ما اخلي ولا موضوع ينزل الا لمن اوافق عليه ..


معليه إذا كان كلامي ضايق احد منكم بس بجد حسيت الموضوع دا قاهرني من صميم قلبي

يعني بالله ما تعرف تكلف خاطرها وترفع عيونها وتشوف انو في موضوع مفتوح عن نفس استفسارها !!!! يعني لو الموضوع بعد كم صفحه ممكن بس في نفس الصفحه واسأل نفس السؤال .. ما ادري ايش اقول عنها دي ..


لو الموضوع ضايق احد ممكن ينحذف ما عندي اي مشاكل بس حبيت اخرج اللي في نفسي ..


أختكـــــــــــــــــــــــــــــم : ساكنه في بيتنا << انتي خليتي فيها اختنا ..


عارفه انو اقل جواب ممكن تقولوه .. محد قلك جاوبي !!

بس والله لو ما احبلكم الخير ما كان شفتو المنتدى المهجور دا اموجود من الاساس : ..

[toto1986]

هلا فيكي والله كنت مره محتاجه لهالموضوع
اسمعي حبيبتي ....(((((وراها شرح كثير........

انا كنت ادرس بجدة بكلية الاقتصاد تخصص تغذيه
المهم تزوجت واترميت بالرياض
وماقدرت انقل ملفي ع الرياض لانهم مره يقهروا طفشوني وجلست بالبيت
وانطوى قيدي

المهم دحين ودي ادخل جامعه انتساب بتخصص تغذيه اقدر؟
ياليت القى عندك الجواب؟

وانصحيني ...ودي اكمل دراستي...بس محتاره كثير فياريت تنصحوني ومااقدر اكون منتظمه لازم انتساب...


واطالب بتثبيت موضوعك............وبقوه لان الكل بيستفيد...

[PiNk]

الللي اعرفو الاقتصاد المنزلي مافي انتساب
بس الاقتصاد والإدارة والآداب...
اسألي برضو واتأكدي
ربنا يوفقك