ساعدونا يا زملاء في هذي المادة العجيبة cpcs-214

[عطونا فرصة]

السلام عليكم ..

مادة بنيان حاسب 214 للهاشمي ..

بدون مقدمات انتم عارفينها عن المادة وغثاثتها وشرح دكتورها ..

تراني تورطت فيها وماني فاهم اي شئ الى الان ..

فاللي منكم قد اخذها من قبل وعنده ملخصات لها او مذكرات او اي شئ يساعد في فهمها ..

يحطها بالردود بسرعة لأن اختبارها قرب والوضع صعب ..

ها نبغى شئ مفيد يا جماعة بلييييييييز ..

وبارك الله فيكم .

[CS-9]

انت صاحي !!

احد يقرب من الهاشمي ولا ياخذ عنده ماده

من الحين خذ الــ f في جيبك

قبل سنتين اخذو عنده فطالحة السي اس حوالي 7 طلاب دواااافير

جو اخر الترم كلهم f

وهذي الحادثه معروفه فالكليه و من الحوادث التي تثير الاستغراب !!

شعبه كامله f !!

الحق نفسك واحذفها بسرررررعه باي طريقه

[عطونا فرصة]

طمن الله قلبك ..

ياخي ما قريت اني اقول تورطت ..

والحذف وقف من اسبوعين ..

والوضع صعب ..

فلو عندك مساعدة هاتها ..

ماعندك .. لا تنسانا من الدعاء واترك عني غيره ..

[Al-AzDi]

" بسم الله أول مشاركة "

الله يعينك أخوي

وإن شاء الله تنجح فيها

والتوفيق بيد الله ..

[سلطان111]

الظاهر يمديك تحذفها لأنوا مو معقول اذا انت ما تبغى المادة و حترسب فيها و باقي لسة ما اختبرت اختبارها الأول رحلهم و لا روح لوكيل الكلية و قله ابغى اخذفها و انا ادبست فيها

[CS-9]

اقول لحق على عمرك واحذفها

دبر عمرك روح لوكيل الكليه روح لاي واحد

حتى لو ما حذفوها لك روح لوكيل الجامعه ولا عميد القبول والتسجيل

يعني احذفها باي طريقه

والله اني اريد لك الخير

والماده هذي تنزل صيفي عند دكتور ثاني لا تفوتها

نزلها و انجح فيها لانها ماده مهمه و تفتح لك حوالي ثلاث مواد خاصه بالمسارات

وارجع واعيد لا تغامر عند الهاشمي !!


تحياتي للجميع

[عطونا فرصة]

مشكورين يا جماعة ..

وان شاالله بحاول احذفها السبت ..

لكن ياخي هي صعبة والا دكتورها مصعبة والا الثنين سوا ..؟؟ والله مادري

لكن عامة ما تفهم شئ من المحاضرة ابد ..

والله لاقريت الكتاب يمكن تفهم شوي ..

ومازال الباب مفتوح لأي شئ مفيد عن المادة من ملخصات او غيره في حال استعصى علينا حذفها ..

الله يوفق الجميع ..

[CS-9]

انا درست عنده اسبوعين والله ما فهمت شي حسيت ان الماده صعبببببببببه

واستخرت ربي ورحت حذفتها وزملائي كملو معاه واخر شي الشعبه كلها راسبين !!!


وجلس لدكتور سنه ونص محتكر الماده ولا احد اخذها عنده خلال هذي المده تخيلوا !!

يعني الدفعه تاخرت بسببه وفكرت انا وبعض زملائي ناخذ ترم في جامعة مكه عشان نعدي الماده هذي وصارت الدفعه ما تقدر تزل ساعات معقوله بسببه لان الماد هذي تفتح مواد ثانيه !!

بعدين سوينا احتجاجات و مظاهرات <<< هههههههه

و مسكها الدكتور عبدالله باسهيل ونزلناها كلنا عنده و تفجائت بسهووووولة الماده !!!

ماني مصدق الماده بهذي السهوله والحمد لله الغالبيه عدو بدرجات حلوه والبعض جاب الفل مارك !!

والحين رجع ومسك الماده خوينا !!

هذي من بعض المآسي الي حصلت لدفعتنا وخصوصا قسم cs !!

بس الحمد لله الوضع بدا يتعدل بقدوم نبراس الكليه ورئيس قسمنا الدكتور احمد الزهراني

[زهرة البنفسج]

بصراحة المادة صعبة ....و أنا هذا الكلام سمعته من طلاب درسوا برا ....والجميع كان بقول إن هذي المادة مررررررررة يبغالها تركيز .....
يعني المشكلة ليست في الدكتور نفسه ....و إنما من المادةلأنها مهمة للتخصص
و الدكتور ماشاءالله يشرح ....و الكتاب لوتقرأه ترى يوضح كثير أفكار ....
وبعدين تفائلو بالخير تجدوه ......
يعني أنا سمعت عن كثير بنات أخذوا معاه ....و نجحوا بدرجات عالية ......
نصيحة ....شد حيلك ......وركز مع الدكتور في المحاضرة واقرأ الكتاب ....و ضع ببالك إن المادة سهلة بإذن الله ومهمة
و إن شاءالله نجيب درجات عالية عنده

[سارة الحربي]

لآ حول ولا قوة الا بالله !
ايش التحطيم هذا ! ،

أخوي صآحب الموضوع ، مايحتاج كل هالتأزم ، أي مادة لها صعوبتها
والصعوبة هذه مع شوية اجتهاد تخف ، اذا ما راحت .

انا أدرس المادة مع نفس الدكتور . الدكتور مو بالدرجة هذه سيء
بالعكس يحاول يعطي الماادة حقها ، مع ان الماده مايستهان فيها ويبغالها مجهود !

بدون زعل ، هي محاضرة وحده انفتحت الكام على الكلاس كامل ، ماشفنا طالب يكتب مع الدكتور الا كم واحد !!!
مع ان تقريبا كلامه فالمحاضره كله مهم وكله شرح

من البداية تحتاج تركز مع الدككتور وتسجل ملاحظات وتذاكر اول بآول
المادة مفهومة ، ولها اساس . يعني مو من الهوآ !
مو شي صعب ونقول مستحيل ينفهم !
اللي عدو فيها مو احسن مننا !


المشكلة اللحين ان الاختبار الاثنين ، وانت شكلك قررت تحذف المادة ، وبطلت تذاكر للاختبار !!
وماكان هذا المفروض يصير ،
لو ذاكرت الكتاب بأمانة + رتبت افكارك من خلال السلايدات + راجعت ملاحظاتك لو كنت كتبت مع الدكتور + حليت النموذج اللي منزله فالموقع ، واتوكلت على ربي بإذن الله تعبك مارح يضيع ،

لكن سواء فهذه المادة او غيرها ، اننا نسكت ونهمل ولا نذاكر وبعد كذا نقول صعبة والا المشكلة فالدكتور هذا مو حق ولا صح ، !


الله يووفقك ويووفقنا ويسهل لنا جميعـآ ،

آسفه ع الاطاله