متى اخر يوم في تسليم بحث استاذة ريم مشاط!!

[roro69]

مين يعرف متى اخر يوم في تسليم البحث للاستاذة ريم مشاط!!
افيدوني. ..

[حصار الثلج]

قالت اول ماتكملي بحثك تروح عندها وتناقشك فيه

اول شئ ارسلي لها ايميل بموضوع البحث علشان تقولك تكملي او لا

وابدي فيه من الحين علشان تكملي بدري

بالتوفيق

[roro69]

يعني في هادا الاسبوع ول بعد الحج!!

[حصار الثلج]

بعد الحج بس يكون قبل نبدا في الاختبارات

تواصلي معها على الايميل بعد كل خطوة تسويها عشان تشوف ماشية تمام او لا ..
يعني كل ماتخلصي جزء من بحثك..

بالتوفيق

[roro69]

متأكدة الله يسعدك لأنو مررة شايلة هم
اخاف يكون في هادا الاسبوع وتروح عليا المادة
وماترد على الايميلات

[حصار الثلج]

ايه متأكدة وتوها قالت لنا بعد بس يكون قبل الاختبارات

لاتخافي ماراح تروح عليكِ المادة

واعطتنا المخطط موجود ايميلها فيه شوفي الملف في المرفقات

وقت ماتروحي لها وقت المناقشة يكون معك

- البحث جاهز ومغلف تغليف حلزوني مو شرط التغليف القوي

- ورقة التقييم من جهة التدريب تكون في ظرف

- تقرير التدريب

- cd او usb للعرض البوربوينت نقاط ورؤؤس اقلام عن بحثك
وتعرضينه خلال 10 دقائق او اقل ماتتعدي العشر دقائق وتناقشك فيه

وانتِ اطلعي على الملف

بالتوفيق

[roro69]

مررة شكرا على مساعدتك ليا
الله يوفقك يارب
الايميل حقها عندي بس ماترد بسرعة
ومحاضرات السنترا عندي ماتنفتح ، بس لو في اي جديد قوليلي الله يسعدك
وشكرا مرة تانية. ..

[roro69]

ولازم في البحث يكون في مراجع واسم مؤلف ؟؟

[حصار الثلج]

العفو ولو ماسويت شئ

بخصوص الايميل هي تقول مو كل شوي تفتحه علشان عندها محاضرات اول ماتفتحه ترد عليكِ

ان شاء الله ولا يهمك

ايه لازم مراجع وتكتبيها بعد الخاتمة

دعواتك

بالتوفيق ()

[roro69]

تسلمي حبيبتي الله يوفقك يارب
زي ماريحتيني