كيفية معرفة الفرق بين المواد الحرة والاختيارية في نظام الخدمات الإلكترونية ( بالصور )

[أبو فاتن]

المشاركة الأصلية كتبت بواسطة خلف الف شكر اخوي ابو فاتن والشكر موصول للاخ زياد لعطائك ان تستخدم حسابه الشخصي على هذه المعلومات المفيدة..

هلابك أخوي خلف وأنت تستاهل الطيب الله يحفظك


وفعلاً الأخ يـزيـد يستاهل كل علم غانم ربي يوفقه ويسعده ولاهي بغريبة عليه العلوم الطيبة مثلك وشرواك

[أبو فاتن]

المشاركة الأصلية كتبت بواسطة nokia ابو فاتن والله كفيت ووفيت . الله يخلي لك فاتن وامها ولا يحرمكم من بعض . بالعكس ياخي ترى فيه ناس للحين ماتعرف تفرق بين المواد الحره والاختيارية وانا كنت من ضمنهم ابي اضيف ولا اعرف وطالب الله يصلحه صلخني بجواب من راسه . ياهلا وغلا أخوي وأنا عشانك وعشان هالناس طرحت الموضوع وكلي شرف وانا أقدم لك ولبقية الاخوان الطلاب أي خدمة اقدر عليها بس يابو فاتن اقتراح بسيط وصراحه اشوف فيك الخير انك تقدر عليه لانك ماشاء الله موضيعك مفيده ويستفيدون منها اغلب الطلبه . لو تنزل موضوع يكون فيه استيان عن المواد الحره والاختيارية يعني يدخلون ا لطلاب ويختارون من المواد الحرة او الاختيارية الي يشوفونها سهله حسب تجربتهم وتكون اهم شي هالمواد مشتمله على اسماء الاساتذه لان بعض المواد تسهل باستاذها واحيانا تصعب فيه. صدقني هالموضوع بيخدم كثير. بين فتره وفتره ادخل والقى طالب ومنزل موضوع يبي اسهل المواد الحره او الاختيارية. ويجي كم طالب يردون لكن ياخي ومع احترامي الشديد لهم تكون الردود غير مقنعه. فكرة ممتازة جداً وأنا اخوك بس أتوقع فيه موضوع مثل اللي قلت للأخ القدير تركي الجدعاني عن المواد الحرة والاختيارية ,, وفيه نقطه ثانية أخوي أحب أوضحها بصراحة أنا أتجنب أي شي بخصوص النصح بالمواد الحرة والاختيارية لاني الله يحفظك ما أحب أتحمل مسؤولية أي شخص ممكن يتعلق ذنبه برقبتي وهذي حقيقة مشكلة كبيرة بالنسبة لي ماعليش يابو فاتن طلبت منك هالشي وحنا مانعرف بعضنا بس متاكد اننا اخوان.. أفاااااااااااااا ليش هالكلام والإعتذار الله يهديك حنا بكل الأحوال اخوان وتشرفني خوة الناس الطيبين اللي مثلك بارك الله فيك وتمون اخوي الي مستغرب منه ان فيه كم موضوع والله تخدم اغلب الطلبه ومع هذا ماشوفها يكون لها تثبيت . الموضوع تلقاه مره بالصفحه الاولى ومرة بالصفحه العشرطعش. لو سمحتوا يامشرفين والله فيه مواضيع تحتاج تثبيت مثل هالموضوع وموضوع الي فيه تحديد المواد الحرة والاختيارية لابو فاتن . هالكلام أنا مالي دخل فيه لأنه خاص بالحكومة وأنا أخاااااف حيل من الحكومة ههههههههه <<< تاجر سلاح على غفلة الله يجزاك كل خير يابو فاتن ولا يحرمك الاجر .

اللهم آمين ولك بالمثل أخوي نوكـيـا

وجزاك الله ألف خير على هالكلام وهالمشاعر الطيبة بارك الله فيك

[نايف الجعيد]

الله يسعدك ويعطيك العافية يا ابوفاتن على الموضوع المفيد

تمنياتي لك بالتوفيق

[RAUL 7]

مذهل ،، رائع ،، مميز ،، امير ،، ملك ،، كبير ،،


اختار وحده منها يابو فاتن ،،،


لان بصراحة كلها لايقه عليك ،،،

[سـ ـ ـ ـاب]

الله يجزاك الجنه ابو فاتن


مجهود رائع غير مستغرب منك

دائما مواضيعك مميزه و مفيده

[أبو فاتن]

المشاركة الأصلية كتبت بواسطة نايف الجعيد الله يسعدك ويعطيك العافية يا ابوفاتن على الموضوع المفيد تمنياتي لك بالتوفيق

يا هلا وغلا بصديقي الغالي نايف وصديق مواضيعي الدائم


دائماً ما يشرفني حضورك وتسعدني بصمتك بارك الله فيك فلا تحرمني من طلعة الحلوة

[أبو فاتن]

المشاركة الأصلية كتبت بواسطة raul 7 مذهل ،، رائع ،، مميز ،، امير ،، ملك ،، كبير ،، اختار وحده منها يابو فاتن ،،، لان بصراحة كلها لايقه عليك ،،،

شرايك لو بختارها كلها مو وحدة وبس <<< طماع ههههههههههههههههه



المذهل والرائع والمميز والأمير والملك والكبير وقائد الملوك هو أنت أيها الرائع بحظورك الكريم

ويا هلابك

[أبو فاتن]

المشاركة الأصلية كتبت بواسطة سـ ـ ـ ـاب الله يجزاك الجنه ابو فاتن مجهود رائع غير مستغرب منك دائما مواضيعك مميزه و مفيده

وياك إن شاء الله أخوي ساب

وأنت كذلك دائماً مميز بحضورك بارك الله فيك



وتأكد الله يحفظك بأن الأختلاف لا يفسد للود قضية




شاكر ومقدر لك حضورك الغالي الله يوفقك

[ام سعوودي]

مرحبا ابو فاتن
اذا معليك امر انا نازل لي بلاضافه هذي المواد بس مو عارفه الحره من الاختياري
انا تخصص تنظيم وتطويور اداري

ادارة العلاقات العامه
ادارة تنميه
النظام السياسي السعودي
محاسبه
تحليل كمي
تحليل كلي
مبادء الادارة
قانون تجاري

[أبو فاتن]

المشاركة الأصلية كتبت بواسطة ام سعوودي مرحبا ابو فاتن اذا معليك امر انا نازل لي بلاضافه هذي المواد بس مو عارفه الحره من الاختياري انا تخصص تنظيم وتطويور اداري ادارة العلاقات العامه ادارة تنميه النظام السياسي السعودي محاسبه تحليل كمي تحليل كلي مبادء الادارة قانون تجاري

هلابك اختي أم سعودي

المواد الاختيارية لتخصصك هي :


محاسبة acct 102

قانون تجاري bl 211

مبادئ إدارة أعمال bus 101

مبادئ الاقتصاد الكلي econ 102

تحليل كمي econ 204

إدارة خدمات صحية pad 370

إدارة التنمية pad 431

إدارة المشروعات العامة pad 432

إدارة العلاقات العامة pad 461

النظام السياسي السعودي ps 111




وما عدا هالمواد إما متطلب متبقي عليك أو مواد حرة إن شاء الله




بالتوفيق لك يارب