إلى كل بيوكيميائية ناوية على تدريب

[مياسة العود]

سلام لكل بيوكيميائية

كيف اجازتكم وكيف تدريبكم ماشي

ان شاء الله بخير

تعالو نتكلم عن المستشفيات حبة حبة

وعن عيوب التدريب فيها وعن محاسنها

عن الناس اللي بيدربونا فيها وعن مستوى التدريب فيها

عن التقارير وكيفية كتابتها عن الأستاذات وأحسنهم

و زي كدا حاجات

ياليت اللي اتدربوا واللي راح يتدربوا يقولولنا ويفيدونا

وينصحونا

خولنا نبدأ

بمستشفى عرفان

بمستشفى غسان

بمستشقى الملك فهد

وانتو كملوا اللسته



ياليت يكون الموضوع مرجع لكل وحده حابه تدرب مستقبلا

[batbot]

اهلين حبيبتي انا حبدأ
انا ادربت في مستشفى الولاده بالمساعدية
صراخة مررره انبسطت بالتدريب معاهم
اول اسبوع لينا رتبونا وسوا لكل متدربة جدول على حسب المده اللي حتدرب
فيه واذا مو عاجبك شي في الجدول ممكن يغيروا
وطبعا فيه ناس تشرحلك تمام
وفيه ناس ماتحب تشرح بس يخلوكي تتفرجي عليهم وهما يشتغلوا
وبالنسبة للشغل يخلوكي تشتغلي معاهم الا بعض الاختبارات ما يخلوكي تسويها
وكمان سوا لنا محاضره عن مكافحة العدوى وتاخذي شهاده عليها


اما بالنسبة للدكتوره كنت
مع الدكتوره مديحة الصيني
ياناس عليها دي الدكتوره مرررررررره طيبة
ومناقشتها شي بسيط

اما بالنسبة للتقارير
اعتمدت على ملزمة كانت بالعربي البنات اللي بالمستشفى اعطوني هيا
وكتبت اول شي مقدمه فيها مكان ومده تدريبي
وكمان كتبت كل قسم لوحده
كتبت فيها مده التدريب اقسام القسم اللي انا فيه والانابيب المستخدمة وكمانالاختبارات اللي في المعمل والاجهزه

وده الرابط راح يفيدكم كتييييييييييييير
http://www.labtestsonline.org/

وانشاءالله اكون افدتكم
واي استفسار انا بالخدمة

[وفاء جدة]

انا لسا بدري عليا وللاسف مااعرف اي شئ عن التدريب...
ان شاء الله نستفيد منه في المستقبل...
شكرآآآآآآ لك ِ

[كتكوته؟؟؟]

وانا بعد باااااااقي ماتدربت
بس يعطيييييييكم الف عافيه على الموضوووع
وعلى المعلووومات الحلوه الي إن شاء الله تفيدنا

[مياسة العود]

babot

ياعسل مبروك التخرج

وعقبالنا ان شاء الله

ربي يعطيك العافيه على شرحك

نفعتينا كثير

ياليت الكل يكتبولنا تجاربهم وخبراتهم

[مياسة العود]

للرفع

ياليت الموضوع يكون مرجع لكل وحده ناوية تدرب

ياليت اننا نفيد بعض

[بيو كيميائية ^_^]

مشكورين تحمـست للتدريب

إن شاء الله السنة الجاية في الصيف ناخذ التدريب الميداني

بس ايش المواد اللي لازم آخذهـا قبل ماأروح

[batbot]

هما يقولوا لازم تاخذي طبية وتحليلة
بس ان كنت بس ماخذه تخليلة
والتدريب مرره افادني في ماده طبية

وبالتوفيق

[مياسة العود]

بيوكيميائيه

سمعت انه التدريب حيفيدك بالمادتين ( طبية وتحليليه)

وانه لازم قبل لا تدربي تاخدي تحليليه ومصطلحات طبية

وفي بنات يقولوا اساسا التدريب مااله علاقه بتحليليه

على كل انا حاخد تحليليه وبعدين الصيف الجاي حدرب

بس بيوكيميائيه مو بدري عليك التدريب ولا حتزنقي نفسك بالمواد

[بيو كيميائية ^_^]

المشاركة الأصلية كتبت بواسطة batbot هما يقولوا لازم تاخذي طبية وتحليلة بس ان كنت بس ماخذه تخليلة والتدريب مرره افادني في ماده طبية وبالتوفيق

أها

مشكورة

المشاركة الأصلية كتبت بواسطة مياسة العود بيوكيميائيه سمعت انه التدريب حيفيدك بالمادتين ( طبية وتحليليه) وانه لازم قبل لا تدربي تاخدي تحليليه ومصطلحات طبية وفي بنات يقولوا اساسا التدريب مااله علاقه بتحليليه على كل انا حاخد تحليليه وبعدين الصيف الجاي حدرب بس بيوكيميائيه مو بدري عليك التدريب ولا حتزنقي نفسك بالمواد

مدري أنا قلت الصيف الجاي باخذهـ وبامشي على الخطة

لأني مااتوقع أزود المدة إلا ممكن بالكثير ترمـ واحد

بس لو ينزلوا لنا مواد في الصيف كان آخذ السنة الجاية

مشكورين

الله يوفقنا يارب