تجمع طلاب و طالبات ماجستير محاسبة

[ابتسامة امل]

^

حتى انا مستجده واضفت مادة اختياريه اسمها دراسة الجدوى مع د. عبدالرحيم يقولون انها سهله وحلوه ..
بالتوفيق


الدر المصون

بالنسبة لشعبة الادارية والتكاليف ..
امس طلبنا توسعه وكنا 4 بنات والحمد لله اضفناها ..
روحي عند دكتوره هيام , واسأليها هل في امكانية توسعه ولا لا ؟

وبالتوفيق

[روروروز]

حتى أنا اضفت مادة دراسات الجدوى
يارب تكون حلوه وسهله

[الدر المصون]

المشاركة الأصلية كتبت بواسطة ابتسامة امل ^ حتى انا مستجده واضفت مادة اختياريه اسمها دراسة الجدوى مع د. عبدالرحيم يقولون انها سهله وحلوه .. بالتوفيق كويس انو ربي يسرلي واخدتها انا سمعت ان الدكتور مرررة كويس الدر المصون بالنسبة لشعبة الادارية والتكاليف .. امس طلبنا توسعه وكنا 4 بنات والحمد لله اضفناها .. روحي عند دكتوره هيام , واسأليها هل في امكانية توسعه ولا لا ؟ ياااارب انا بادن الله بكرة رايحة الجامعة يارب ترضى توسع وتضيفني وبالتوفيق

شكرا عزيزتي ربي يوفقك يارب

[سوسو العسولة]

مواد المحاسبة اللى نازلة نظرية المحاسبة وادارية وتكاليف وفكر محاسبي اسلامي >>> بمبني 3 الدور الارضي غرفة رقم sr3 يعني الغرفة الذكية 3
وبالتوفييييييييييييييييييق لنا
اشوفكم على خير >>> بس منو بتداوم بكرا لانى رحت اليوم ومافيه شي
شكله كل الاسبوع كذا اااااااااا!!!!!!!!!

[miss_jeje]

كيفكم بنات

انا ان شاء الله بداوم من يوم السبت لأنه واضح انه مافي شي هذا الاسبوع

هذا غير ان جدولي يمكن اغير فيه و خصوصا بعد ما وحدة خوفتني من د. نهال

بس بسالكم مادة دراسة الجدوى عسى فيها تكاليف ثقيلة لأني من واقع خبرة دكاترة الاقتصاد طلباتهم كثيره

و بصراحة ما احب مواد الاقسام الثانية و احس نفسي غبية فيها


سوسو
يسلمو يا قمر على افادتك بخصوص مكان المحاضرات

روروروز
مو 3 مواد مع دورة اللغة كثيرة و يمكن تكون ضغط عليكي

[روروروز]

مس جي جي
يمكن ٣ مواد كتير بس وحده قالتلي الدوره سهله وربي يسهل ان شاء الله

[سوسو العسولة]

اللى بساله كيف تقدرون تضيفون مواد اختيارية ؟؟؟ وهل ينفع ذا الكلام مو الاهم الحين الاجبارية

[روروروز]

سوسو العسوله
تقدري تضيفي المواد الاختيارية من الاودس اذا كانت مفتوحه الشعب
أكيد المواد الإجبارية اهم بس عشان أنا عندي الدوره حقة الانجليزي وقتها يتعارض مع وحده من المواد الإجبارية فكدا ما اقدر أخذ غير مادتين إجبارية وانا نفسي أخد ٣ مواد عشان كدا لقيت مادة دراسات الجدوى مناسبه لجدولي وأضفتها والبنات بيقولوا انها ماده حلوه
ربي يسهلها علينا ويوفقنا يااااارب

[خوخه110]

شكرًا للاخت صاحبة الموضوع
أنا معاكم توني مستجده
المواد اللي نزلتها نظريه وفكر محاسبي ودراسة جدوى المشاريع
مالقيت الاهي مفتوحه وأضفتها بس عندي تعارض مادة النظريه مع الدوره البديله أنا مسجله بالدوره 2 4 وللحين مااعرف كيف بيكون الوضع وانا ماابي احذف الماده فيه احد نفس حالتي ؟؟وبرايك ايش ممكن نعمل ؟ أنا مااقدر اراجعهم لأني مو بجده
لو يتم تغيير الموعد بشكل ودي مع الدكتور نفسه يكون افضل
أنا اول مره ادرس بعبدالعزيز فماادري كيف النظام عندهم
بالنسبه الدوام راح أداوم السبت بإذن الله
ياليت من الأخوات والاخوه اللي أخذوا قبلنا يمدوننا بنصائح
ولهم منا خالص الشكر

[miss_jeje]

المشاركة الأصلية كتبت بواسطة روروروز مس جي جي يمكن 3 مواد كتير بس وحده قالتلي الدوره سهله وربي يسهل ان شاء الله

امين يارب

و اللي فهمته كمان ان الدورة مو ضروري تجيبي علامة عالية و اهم شي تعدي الاختبار و بس يعني ان شاء الله الامور ميسرة