افضل سكن في جده و قريب من الجامعه ,,

[انوثتي طاغيه]

السلام عليكم و رحمة الله و بركاته ,,

و لله الحمد تم قبولي للماجستير و بإذن الله ابدا مع بداية السنه الجديده , و لكن انا لست من اهل جده
و عرفت ان سكن الجامعه صعب الحصول عليه و بذات للماجستير , اتمنى ان تفيدوني بأفضل سكن بجده من ناحية الامن و المواصلات و النظافه و التعامل , و اتمنى ان اجد سويت يكون افضل بالنسبة ليا لان أمي حتكون معايا . و بصراحه انا اتشتت ناس تمدح سكن و ناس تذمه ما اعرف ايش الافضل .

الله يسعدكم يأهل جده ساعدوني ,,

[عاشق مكة بجنون]

والله فيه فندق بحي النسيم على الشارع العام
والله أظنه طيب
من برا رائع جد والحي راقي جدا والمحلات التجارية تتوفر بكثرة
يالبى جدة بس

أنا من مكة بس اهلي ساكنين بالنسيم ودايم امر من الفندق هذا واشوف انه قريب وشكله ممتاز من برا
بس وانا اخوك مدري عن سعره وعن الغرف من جوا

الله يوفقك وحبينا نساعد لو بالقليل

[ام عيون سود]

ااااب للاستفاده

[أخصائي نفسي]

المميز لسكن الطالبات ،،

http://www.skaau.com/home/momaiz.htm

بالتوفيق يا رب ،،

[همة همة همة]

مرحبا اختي


يوجد سكن طالبات في جامعة الملك عبد العزيز في المقر نفسه ..

وويوجد سكن للطالبات جدا منظم قريب من فرع الفيصلية جامعة الملك عبد العزيز ..وكمان قريب من حديقة الامير ماجد ودوار الهندسة ..خلف العائلة مول الي على شارع الاربعين ...طبعا هو تابع للجامعة حتى الباصات متوفرة ...


اتمنى اكون افدتك والله ييسر لك اختي

[انوثتي طاغيه]

أشكر لكم جميعا ,,

اتمنى أني أشوف تجارب البنات الله يسعدكم من حيث الامان و المواصلات و التعامل و قرب السكن من الجامعة ساعدوني و الله بالمره محتارة بقصة السكن ,, فين أهل جده ليه ما يرد

[t3bt ashtag]

شوفي ياحلوة انا بسكن اسمه سكن سلطانه بحي الصفا مشكلته الوحيده انه بعيد عن الجامعة لكن خدماته الباقيه جدا مميزه من ناحية النظافه والتعامل وجميع الخدمات
اذا تبين ارسل لك رقم المشرفه خاص وتكلميها

[كريستاله*]

بالنسبه للسكن بجده انا راح اقولك تجربتي

انا لسا ماسكنت لاكن لما رحت اطابق اوراقي حجزت سكن على طول لانه يقولو بداية السنه ماعاد الاقي سكن كلها تكون فل

وسكن الجامعه قالو لي مستحيل الاقي فيه فما تعبت نفسي
وطبعا قريت في النت الكثير من العروض وهذا يمدحوه وهذا يذموه واختلفت الاراء والتقيت ببنات في الجامعه كل وحده لها رأي
المهم الوقت كان ضيق وماكان يسمح لي الف وادور كل المساكن هذي كلها بس كان الاهم عندي انه سكن يكون قريب من الجامعه ويكون آمن
ومالقيت احد مدح لي من ناحية الأمان مثل سكن البتول
توكلت على الله ورحت احجز فيه وطبعا هو مقابل لسور الجامعه على طول مقابل البوابه الشماليه رقم 3و4
مشرفة السكن كانت حرمه لاكنها جدا كانت شديده وعنيييفه في التعامل لدرجة انها تكلمك باسلوب عنيف تخافي
يعني حتى لما جيت استفسر ماعطتني مجال
كل الي تقوله انا سكني مافيه لف ولادوران وسمعته طيبه واللي عندها لكاعه ولف ودوران سكني يتعذرها والي تبغى تحجز تدفع نص المبلغ وبعد شهر تكمل لي كامل المبلغ قبل ماتسكن
والعربون لايسترد حتى لو انتي ماعاد تبغي السكن
قلتلها طيب والمواصلات ؟
قالت تدفعي 400 اضافيه للمواصلات والسايق بس يوصلك الجامعه ويستقبلك بس مره وحده بالمطار بداية الترم ويرجعك نهاية الترم ومايوديك اي مشاوير ثانيه غير صيدليه او مستشفى والي يقول لك من الطالبات غير هذا الكلام كاذب واذا تبغي طلبات من برا في خادم عن الباب يخدمكم
قلتلها طيب عالاقل يوديني مكتبة الجامعه لاني ماجستير واكيد بحتاج المكتبه
وابغاه يوديني المطار كل اسبوعين قالت المشاوير الخارجيه تدفعي عليها ماتدخل في الحسبه
المهم وافقت لان الوقت ضيق وماعندي وقت الف وادور كنت مسافره
انا بصراحه اول شي يوم شفتها شديده فرحت وتطمنت على نفسي اكثر
لاكن كثر الشده واسلوبها في الكلام مستفز حسستني اني فلتانه جايه استأجر
المهم انا استأجرت غرفه خاصه من البدايه لاني ماابغى اشارك احد وابغى اخذ راحتي وفي مطبخ وحمام وانتي بكرامه بس قالت الحمام والمطبخ مشترك مع خويتك الي بالغرفه المقابله قلتلها وريني مين خويتي ؟ قالت مااقدر احددها لسا نشوف مين الي بيحجزو للسنه الجايه انتي وحظك
المهم انا كنت رافضه من البدايه اني اسكن بغرفه مشتركه ولما حسيت ان السعر غالي شوي قلت خليني اسكن بمشتركه الا وانا داخله اسمع وحده من البنات تشتكي من شريكتها بالغرفه
قال زوجي احذري اسكني لحالك افضل اخاف تطلع شريكتي تدخن والا تأرقل ماينضمنون هالبنات
المهم انا قلتلها انا عندي بنتي صغيره عمرها 11 سنه يمكن اجيبها معي نفس غرفتي لانها خاصه قالت اذا بحدود 10 او11 ممكن نتغاضى عنها

المهم اليوم قررت اخذ بنتي معي ودقيت عليهم قلتلها ترى ان باخذ بنتي معي ماراح اسيبها لحالها مو تقولو بعدين ماقلتلكم قالت اجل تدفع قيمة الشريكه لانها مشاركتك بالغرفه قلتلها بس انا حاجزه الغرفه كامله لي وما بطلب منكم سرير بفرشلها بالارض عندي قالت لا تضيفي االفين عالاقل عالمبلغ عشان مااتعرض للمسائله
المشكله ان الغرفه انا حجزتها ترم واحد بس ب8500 ريال
وتبغاني اضيف الفين زياده
ولو حجزت الترم الثاني كمان بدفع 8500 والالفين كمان زياده لبنتي
الا وانا في 21 الف على غرفه ماتسوى والباب مقفل عليه كاني بسجن وماراح اكون ماخذه راحتي
ندمت اني حجزت سكن خاص قلت لو اني مستأجره شقه كامله من غرفتين لي لحالي كان افضل لي من كل هالمرمطه
بس الي يجي جديد اول مره دايم مايعرف يصرف ويكون في خوف ونبحث عن الامان وخفت اني ماالاقي سواق يلبي طلباتنا
بجرب هالترم معهم لو انبسطت بواصل لو حسيت الوضع مو تمام يمكن استأجر لي شقه وابعد عن المساكن الخاصه
حبيت اقولك تجربتي عشان تستفيدي منها انتي والطالبات

ولاتغرك العروض الي بالنت الي يحطو جداول للمواصلات ومدري ايه وكل شي مجاني تريها كلها اخرطي لما تجي للحقيقه كل شي يحسبوه استنزاف مو طبيعي

واذا بتسكني بسكن لازم تتاكدي من كل شي بنفسك الثلاجه والغساله والمكيف والحمام الله يكرمك والمواصلات الي بيوصلوك وكل شي
والله يسهل لكل مغتربه


الشهاده لله صاحب السكن ابو محمد انسان ملتزم ومطوع مايرضى الغلط وانا اقول يمكن شدتهم هذي من عمايل البنات
بس من الناحيه الماديه كل المساكن الخاصه استنزاف مادي وغير طبيعي على كل شي

[مجرم غلا]

انا بصراحة مدري كيف طريقة السكن عندكم يا البنات اللي لوحدكم بدون محرم بس اذا كنتي تبين شقة مفروشة انا اعرف لك شقة سكنت فيها هذا الترم بس مدري يأجروها بالترم والا رح يحسبوها عليك شهريا الايجار .......
المهم ان الشقة كأنها بيت مو شقة غرفتين نوم ومجلس وصالة ومطبخ ومكان صغير فيه طاولة طعام ودورتين مياة وانتو بالكرامة وطبعا الشقة كلها مفروشة بدون سيراميك المطبخ صغير وفيه ثلاجة مرة حلوه وفرن واغراض بسيطه وايضا موجود غسالة كويسة وكمان باب الشقة يفتح بكرت الكتروني وموجود ايضا وايرلس وموجود تحويلة للبقالة والمغسلة والمطعم بس سائق ما سألت اذا كان موجود أو لا المهم الشقة بالنسبة لي مرة حلوه واعجبتني .....
وللمعلومية انا سكنت في الشقة لمدة اسبوع وكان ايجارها اليومي 350 ريال وما ادري اذا كان فيه ايجار شهري ....
الشقة جنبك ماكدونالدز ومقابلها على الشارع الثاني مكتبة جرير ......
المهم الشقق اسمها ( دار الثغر ) على شارع فلسطين وشرق شارع المكرونة مقابل مكتبة جرير والموقع قريب من الجامعة .......
على العموم اتمنى اني افيدك او افيد اي شخص يبحث عن سكن واهم شي لا أحد يفكر اني اسوي دعاية للشقق او اعرف صاحبها والله مااعرفه ولاني من اهل جدة واول مرة اسكن فيها بس بصراحة اعجبتني ورح اجيها كل مرة اجي لجدة .......
وشكرا .......

[انوثتي طاغيه]

t3bt ashtag

الله يعطيكي العافيه و ياليت يا قلبي لو تقوليلي اكثر عن السكن و ممكن لو ترسليلي رقم المشرفه و اكون لك من الشاكرين

كريستاله ,,

اهلا فيكي و الله ,, و الله حسيت اني بالمرة ما ادري عن الدنيا توي الي اصحى و افتكر موضوع السكن و بالنسبة للبتول انا قرات عنه و كان ببالي و الي عاجبني فيه انه قريب من الجامعه بس كيف شفتي الغرفه كبيرة و شرحه و لا كيف و انا يمكن امي تجي معايا كم اسبوع يعني لحد ما استقر ما اعرف كيف حاسه بالخبطه فضيعه .