العياده النفسية لضحايا السنه التحضيرية (( خطة أ و ب ))

[المـآضية بأمر الله]

الله يخليك لنا يادكتوره

بس أنا مستغربه من شيء ليش الكل أو الأغلب شايف انه السنه التحضيريه أو دراستنا صعبه والله كله نفس التنوي بالزبط يمكن الي ماكانت مجتهده بالتنوي وتعودت ع شرح الاستاذات راح تتعب بالجامعه بس مو معناته ماتقدر يمكن كمان تفشل لانه النجاح مايجي بسهوله الانسان يصبر ومو معناته كرفتي نفسك ترم وماجبتي نتيجه خلاص في ناس يكرفون سنين ربي يعطي كل واحد ع اجتهاده محد مظلوم بس عن تجربتي صراحه اسهل من التنوي بكثير ومرا مبسووووطه يعني لو سمعت كلام الناس مادخلت الجامعه من كلامهم ورفعت معونياتي كثيرر والاستاذات جدا رائعات كل الي درسوني ربي يوفقهم ويوفقنا .

[الحايس]

المشاركة الأصلية كتبت بواسطة sultanooh السلام عليكم انا طالب رايح لخطة ب وخايف مرررررررررررررة من الكيمياء ماعرف من وين اذاكر افيدوني

ما يحتاج تخاف وانا اخوك بعدين تخاف من الكيمياء والاستاذة هنا افا بس.....

انت شد حيلك وتأكد ان كل هذا العبء النفسي فترة وتزول ليس الا...

وراح يجئ يوم وتضحك على هذي الذكريات((الجميلة))....

وفي الاخير لو مهما حاولت ارفع معنوياتك ماراح اجاري الاستاذة سحر البيان...

تقبل مروري وشكري وبصراحة صرت مستمتع بالحوار هنا مع انه مالي دخل في اي شئ ..

زي ما قلت سابقا,,,,

[سحر البيان]

المشاركة الأصلية كتبت بواسطة المـآضية بأمر الله الله يخليك لنا يادكتوره بس أنا مستغربه من شيء ليش الكل أو الأغلب شايف انه السنه التحضيريه أو دراستنا صعبه والله كله نفس التنوي بالزبط يمكن الي ماكانت مجتهده بالتنوي وتعودت ع شرح الاستاذات راح تتعب بالجامعه بس مو معناته ماتقدر يمكن كمان تفشل لانه النجاح مايجي بسهوله الانسان يصبر ومو معناته كرفتي نفسك ترم وماجبتي نتيجه خلاص في ناس يكرفون سنين ربي يعطي كل واحد ع اجتهاده محد مظلوم بس عن تجربتي صراحه اسهل من التنوي بكثير ومرا مبسووووطه يعني لو سمعت كلام الناس مادخلت الجامعه من كلامهم ورفعت معونياتي كثيرر والاستاذات جدا رائعات كل الي درسوني ربي يوفقهم ويوفقنا .

ماشاء الله عليك جبتيها هي نفسها مناهج الثانوي مع بعض البهارات ههههههه

ماشاء الله عليك أحييك لانك ما سمعت كلام أحد ....

و دايم خليك كذا لاتحكمي على شيئ او انسان من كلام الناس ...

أسعدني كلامك و وجودك ... بالتوفيق

[سحر البيان]

هذه رسالة وصلتني جدا حبيتها ... و أحب أنكم تقروها معايا




الزيتون عندما يُضغط: يأتي لنا بالزيت الصافي,, ~
الفواكه عـنـد عصــرها: تعطينــا ألــذ العصــائر,, ~


فإذا شعرت بمتاعب الحياة تضغطك بهمومها ..
وتعصر قلبك بآلامها .. فلا تحزن !!
إنه >> الله
يريد أن يخرج أحلى ما فيك: >> ايمانك <<
لتنال الأجر، فاستعن بالصبر .
لاَ تحزَنْ إذا مَنعَ اللهُ عَنْكَ شَيء تُحِبُه فَلَو​​​​​​​ عَلِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته .


•●•●

ان شاء الله لي عوده ...

[بسمة تشرين]

من جد حلوة حسيت بيها وبقوة
نحن لازم نصبر كل شيء ليه اجره
شكرا دكتورتنا ننتظرك في القادم

[sodelicious]

دوبني اقرا الموضوع
موضوعك جدا رائع
وبصراحة انا مبسوطة لأنك درستيني
ده تاني ترم ليا في التحضيري لأني دخلت الجامعة الترم اللي فات
وكنت قاعدة في البيت سنة ونص
وفي شي لاحظته هالترم
كان في بنات كتير "الله يصلحهم" يضيعوا وقت المحاضرة على اسئلة جوابها بديهي ومالها داعي
والمشكله انه نفس السؤال ينسأل من اكثر من بنت
وهالشي لاحظته في الكيميا والاحصاء
يعني الدكتوره تكون دوبها جاوبت على السؤال تجي التانية تسأل نفس السؤال
ما اعرف وين المشكله
هي عدم تركيز
ولا كل وحده تبغى الدكتورة تشرحلها لوحدها
وتبغى كل شي جاهز عشان ماتفكر وتتعب نفسها
بجد ماني عارفة ايش بالضبط
وبصراحه مره ينرفز
برأيي انه لازم الواحد يحاول يحل المسأله ولا يتعلم شي معين لوحده
في اشياء مو لازم تنشرح
اذا مره ما عرف عادي انه يسأل بس مو على كل شي
لأنه في اشياء الواحد مايعرفها غير اذا اتدرب او حاول يحل تمارين كثيره عليها
ومنهجنا كان نفس منهج الثانوي تقريبا بس انه بالانجليزي
يعني مالحقوا ينسوا وهما دوبهم متخرجين
ما ادري وين العيب يمكن فيا انا وقعدة البيت اثرت فيا
بس هالشي كان معصبني طول الترم وحبيت اقوله
طولت في الكلام بس اخر شي ابغى اقوله
ياريت تدعولي انه ربي يوفقني وادخل التخصص اللي ابغاه
ويوفق الكل يارب
وشكرا يا دكتوره على كل شي سويتيه معانا والله يجزاكي خير
وان شاء الله يفرحك في اولادك ويدرسوا عند اساتذة ومدرسين كويسين زيك

[سحر البيان]

المشاركة الأصلية كتبت بواسطة sodelicious وفي شي لاحظته هالترم كان في بنات كتير "الله يصلحهم" يضيعوا وقت المحاضرة على اسئلة جوابها بديهي ومالها داعي والمشكله انه نفس السؤال ينسأل من اكثر من بنت وهالشي لاحظته في الكيميا والاحصاء يعني الدكتوره تكون دوبها جاوبت على السؤال تجي التانية تسأل نفس السؤال ما اعرف وين المشكله هي عدم تركيز ولا كل وحده تبغى الدكتورة تشرحلها لوحدها وتبغى كل شي جاهز عشان ماتفكر وتتعب نفسها بجد ماني عارفة ايش بالضبط وبصراحه مره ينرفز

هذه أتفق معاكي فيها

عن نفسي كمان كان يضايقيني أنه كان في طالبات جيين يسمعوا في المحاضره ...

و يحرموا طالبات ممكن أقل منهم من سماع الدرس ....

الشيء الثاني لاحظته هنا ... شوفي كم موضوع ينفتح بنفس العنوان و المضمون

و اللي يقهر أكثر الاسئلة الغريبه ....

زي لو ذاكرت من الكتاب يكفى ؟؟؟ أنا معدلي 4.2 ... لو شديت حيلي الترم الجاي أنقبل طب ؟؟

يعني بالله لو قلت لها ذاكري من الكتاب و هي موفاهمه أو مركزه ... جابت درجه وحشه تقعد تدعي عليا .. و الله لا يوفقها ,,,,, الخ من اللي أنتي عارفته

أو الثانيه ... هذه بالله ايش تقولي لها ... يعني ندخل في الغيبيات ... و نقول لها شدي حيلك و ما تدخل ... تحسبن علينا ....

و لو قلنا لها .... مالك أمل ..... تقول حطمتوني .... الخ ...

طيب الخلاصه من سؤالها ما تبغى تشد حيلها في النهاية ... هي لازم تشد حيلها ...

هذه النوعية تذكرني لما الواحد يروح السوق و يفاصل البائع ...

هنا علم مافيه فصال .... مو المهم النجاح و لا الدرجه العاليه ... الاهم أنه الواحد يكون فاهم اللي بيدرسه

ياريت تدعولي انه ربي يوفقني وادخل التخصص اللي ابغاه ويوفق الكل يارب

الله يوفقك و يوفق الجميع

[miss you]

ممكن يادكتورة سحر قوليلي ايش هي المواضي الي راح ندرسها بالخطة ب كيمياء

[سحر البيان]

المشاركة الأصلية كتبت بواسطة miss you ممكن يادكتورة سحر قوليلي ايش هي المواضيع الي راح ندرسها بالخطة ب كيمياء

شوفي عندك هذا الموضوع فيه كل شيئ تبغي تعرفيه .... عن المنهج ...

http://www.skaau.com/vb/showthread.php?t=267400

و أتمنى قبل مايبدأ الترم تشوفي هذا الموضوع مره مفيد ....

على فكره هو مفيد لكل الطلاب مو لخطه معينه ...

أعطيت فيه أمثله من الكيمياء لانها تخصصي ...

و كمان أخر عهدي بالفيزياء و الرياضيات يمكن سنه 1994 ...

فصعب أجيب أمثله منها .. فكانت الامثله كلها من الكيمياء

http://www.skaau.com/vb/showthread.php?t=334345

و هذا فيه شرح للكيمياء ...

http://www.skaau.com/vb/showthread.php?t=280684

و في مواضيع كثيره زميلاتك حاطينها مفيده جدا ...

بالتوفيق

[سحر البيان]

في دوره أخذتها اسمها العادات السبعه للنجاح و في كتب تتكلم عن الموضوع ممكن تلاقوها في النت أو المكتبه ....

راح اعطيكم نبذه مختصره للفايده ....

يروي ستيفن كوفي قصة مزارع عنده وزة. وذات صباح ذهب لتفقدها فوجد في جوارها بيضة من ذهب. أخذ البيضة إلى بيته وهو لا يكاد يصدق عينيه، وبعد فحصها تأكد أنها من الذهب الخالص! وخلال مدة قصيرة أصبح المزارع من كبار الأثرياء، فأصيب بداء الجشع الذي دفعه لاستعجال النهاية، فذبح الوزة ليأخذ كل ما في جوفها من البيض الذهبي، فلم يجد شيئاً!
ومن تعجل الشيء قبل أوانه عوقب بحرمانه.

إن من عادة الناجحين أن يقوموا بالأمور التي لا يحب المخفقون القيام بها، وهذا لا يعني ـ بالضرورة ـ أن الناجحين يحبون دائمًا كل ما يفعلون، لكنهم يجعلون مشاعرهم تابعة لقوة إرادتهم لا مسيطرة عليها. فالعمل المفيد الذي يجب إنجازه يقومون به سواء كانوا يحبونه أم لا.


العباره الاخيره أثرت فيا بشكل كبير .... فعلا الناجحين ... مو دايم يحبوا اللي يقوموا فيه

يعني مو كل اللي جابوا 5 كانوا حابين كل المواد .... مو كل الدكاتره يحبوا كل المواضيع اللي يدرسوها

أكيد مو كل الناجحين يحبوا يصحوا بدري ... يقعدوا بالساعات على الكمبيوتر أو يقرؤا أبحاث


العادات تتكون من ثلاثة عناصر متداخلة:
1- المعرفة 2- المهارات 3- الموقف (أو الشعور تجاه أمر ما).
وبما أن هذه العناصر الثلاثة ليست وراثية، بل يمكن اكتسابها وتعلمها، لذا فإن العادات تشكل الطبيعة (الثانية) للإنسان، لا الطبيعة (الأولى). فـ (نحن) شيء، و(عاداتنا) شيء آخر، وهي أمر لا نملك تغييره. فالعادات الإيجابية يمكن (التحلي) بها، والعادات السلبية يمكن (التخلي) عنها، ويخطئ من يقيد نفسه بقيود وهمية من الأفكار والتصورات.

إن الناجحين قوم استطاعوا أن يجعلوا العادات الإيجابية المفيدة (عادات الفاعلية والتأثير) جزءاً من حياتهم اليومية. إنهم قومٌ يحركم شعور داخلي قوي نحو تحقيق أهدافهم وغاياتهم. لقد تحكموا في مشاعر إعراضهم عن القيام ببعض الأعمال، وعدم محبتهم لها، وبذلك اكتسبوا (العادات السبع) التي سنتحدث عنها، واستطاعوا أن ينظموا حياتهم على أساسها.
إن (العادات السبع) للناجحين عادات مترابطة بشكل عضوي، تعتمد إحداها على الأخرى، ويتلو بعضها بعضًا بصورة طبيعية. فالعادات الثلاث الأولى مرتبطة بالشخصية، وهي تساعد صاحبها على تحقيق (أهدافه اليومية)، وهو ما يحقق له (الاستقلالية)، والاعتماد على النفس. والعادات الثلاث التي تليها هي التعبير الخارجي الظاهر عن الشخصية، وهي توصل صاحبها إلى تحقيق (المنفعة المشتركة). أما العادة السابعة فهي تساعد على مواصلة عملية التقدم والنمو، والمحافظة عليها.