مشكلتي مع اماكن المحاضرات :(

[calibrator]

انا عندي محاضرة كيمياء في مبنى 81 تبدأ من الساعة 2 الى2:50(بعض الأحيان الدكتور يخرجنا 2:55 )وبعدها اقتصاد هندسي في مبنى 79تبدأ الساعة 3 ... مبنى 81 بعيد جدا عن مبنى 79 عشان اوصل مبنى 79 لازم اقل شئ اخذ 15 دقيقة لأنه ماعندي سيارة وعلى بال ما اوصل تكون محاضرة الإقتصاد بدأت واخاف في الأيام القادمة انه الدكتور مايدخلني المحاضرات عشان التأخير

ايش الحل؟

الجامعة المفروض تخلي جميع مواد طلاب كلية الهندسة قريبة من كليتهم او على الأقل توفر المواصلات بين المباني البعيدة.

[yes it is]

مالك الا تتفاهم مع الدكتور اللي تشوفه طيب

او تتفاهم مع الاثنين

تروح للاول تقوله يطلعك بدري عشان كذا وكذا .,... وتروح للثاني وتقوله يدخلك لانه كذا وكذا

وافضل انك تروح مكاتبهم ... يعني لاتقولهم في المحاضرات ولا بعد المحاضرات

روحله المكتب واشرحله وهو رااايق

[dre]

في محاضرة الكيميا اول ما يخلص الوقت
ارفع يدك وقولو يا دكتور عندي محاضره
راح يقولك اتفضل
وانت فهم دكتور الاقتصاد الهندسي انك لازم
تتأخر 5 دقايق عشان بتجي مشي

والله يعينك

[مهندس مخ]

والله انا نفس معاناتك عندي محاضرة mathفي مبنى 026وبعدها لاهنت على مبنى79رسم هندسي والفرق بينهم 5دقايق،لكن ما اقول الا الله يعييين

[جون سينا]

حتى انا والله انجنيت

[HsMx90]

كان عندي ce201 في 79 وبعدها بـ 10 دقايق phys202 في 26 O_o
رحت اليوم وحذفت الـ ce وحطيت بدالها math204 في نفس التوقيت لكن في مبنى 26
فالله يعينك ولو تقدر تغير الشعبة يكون افضل لك واريح

[Eng:da7moon]

والله نفس الشي معايا ياريت لو يكون في باصات توصل الطلاب بين المباني

[ss11mm]

والله نفس القصه معاي والمشكله حتى لو رحت بالسياره مافي مواقف

[مستشار]

المشاركة الأصلية كتبت بواسطة yes it is مالك الا تتفاهم مع الدكتور اللي تشوفه طيب او تتفاهم مع الاثنين تروح للاول تقوله يطلعك بدري عشان كذا وكذا .,... وتروح للثاني وتقوله يدخلك لانه كذا وكذا وافضل انك تروح مكاتبهم ... يعني لاتقولهم في المحاضرات ولا بعد المحاضرات روحله المكتب واشرحله وهو رااايق

كلام سليم جدا
حتى لو معاك سيارة بتأخذ 20 دقيقة
والله الجامعة موت في الزحام
الحمد لله اللي خارجنا

ربنا يوفقكم جميعا

-------------------------

مهندس مخ
انت تقول رسم هندسي في مبنى 79 ؟
من متى ؟

----------------------

اخ HsMx90
فكرت قبل حذف الاستاتيك
لان المادة متطلب للمدنية والانتاج والطيران والحرارية

[HsMx90]

اخ HsMx90 فكرت قبل حذف الاستاتيك لان المادة متطلب للمدنية والانتاج والطيران والحرارية

<كهربه