معدلي مقبول وناوي على الماجستير فما الحل

[mido0o]

والله مدري لكن احنا محنا موظفين جامعات ولا شيى
بس برضوا لو تساهل يعني نقول يخليه يحضر كل شهر مره برضوا اعتقد انها صعبه لمدة سنتين شهرياَ يروح

[بدر الحربي1430]

المشاركة الأصلية كتبت بواسطة tallness man اتمنى لك التوفيق اخي بدر الحربي ودمتـ متوفق

الله يوفقنا واياك

[بدر الحربي1430]

المشاركة الأصلية كتبت بواسطة شموسـه الله يعنكـ ويوفقكـ دمــت

جزاك الله خيراً ووفقك

[بدر الحربي1430]

المشاركة الأصلية كتبت بواسطة max93 مصر الله يفك عوقها يقبلون بشهادة البكآلوريوس ولا يشترطؤن المعدل بس على حسآبك

ممكن تفيدنا عن كيفية الدراسة عندهم ،الله يعدل اوضاعهم الى الاحسن

[بو عزوز]

اولا يااخ بدر اسال الله ان يوفقك ويوفقنا وجميع الزلاء والمسلمين اجمعين اما بالنسبة لدراسة الماستر في الاردن فقد صدر مؤخرا قرار من وزارة التعليم العالي مفادة عدم قبول التقدير الذي يقل عن جيد وكذلك حملة البكالوريوس عن طريق الانتساب (يعني ماراح يعادلونها) وانا بحثت عن مصداقية الخبر ووجدت تصريح على لسان الملحق الثقافي بالسفارة السعوديه بالاردن الزهراني واكد هذا الخبر بالاضافه الى اني وجدت هذا الخبر في موقع اتحاد الطلبة السعوديين وللاسف كان هذا الخبر تحطيم بالنسبة لي لان معدلي جيد ولكن لا نقول الاحسبنا الله ونعم الوكيل (واتمنى من الزملاء في الرياض ان يخدمونا بزياره وزارة التحطيم العالي والاستفسار عن هذي المعلومه)

[بدر الحربي1430]

المشاركة الأصلية كتبت بواسطة المنسية عادي صديق أخوي معدلة مقبول والحين يحضر الدكتورا في الأردن كمل الماستر هناك وكان يروح يومين أعتقد كل أسبوع اوي اسبوعين مش فاكره وخلص الماستر وعلى طووول دكتورا يعني مادامك بفلوسك تقدر وحتى في مصر نفس الشيء أهم شيء أنت تكون عندك رغبة .

الرغبة موجودة والاردن كويسه ،كنت محطم جداً وذلك لظني انه لا يوجد مجال لقبولي بالماستر لكن من هذا المنتدى الرائع وتعاون الاعضاء عاد الى تحقيق حلمي شاكراً ومقدراً لكل من ادلا بدلوه بموضوعي والله يوفقنا واياكم

[بدر الحربي1430]

المشاركة الأصلية كتبت بواسطة mido0o اخوي بدر كلامك سليم الجامعات في السعوديه ما تقبل اقل من جيد لدراسة الماستر والي يقول بفلوسك تقدر تدرس حتى لو المعدل نازل انا اقوله ,, اصلن الجامعات في السعوديه تدرس الماستر بفلوس كلها ومع هذا يشترط من جيد وفوق يعني مثل ماقلت 2.75 ,, و ازيدك من الشعر بيت جامعه الملك سعود تدرس الماستر بـ 80 الف يعني السنه بـ 40 الف ومعى هذا مافيه امكانيه الدعوه مفاضله لكن سؤالك هل فيه تغاضي والله مدري بس ما اتوقع لانهم مشددين في هذا الموضوع لان انا اعرف واحد بكالوريوس راح لجامعه الامام محمد بن سعود في الرياض يبي يكمل ماستر قالوا له لازم اقل شيى جيد مع انها بفلوس بس مدري كم رسومها طبعا انت تقول فيه امكانيه ترفع المعدل لا بعد التخرج مافيه ,, ممكن قبل التخرج لو حبيت ممكن تنزل ساعات اضافيه يعني مواد من تخصصات اخرى بس هذا قبل التخرج بعد التخرج لا اما بالنسبه لبرى السعوديه عادي تقدر تكمل بس هل انت تبي تدرس برى ؟؟ طبعا فيه جامعه في الاردن الي قالت عنها اختنا المنسيه فعلاً تحضر يومين في الاسبوع فقط الظاهر اربعاء و خميس مدتها سنتين و تاخذ الماستر و جامعه معترف فيها عندنا بس مشكلتها لازم الحضور طبعا اغلب طلابها من شمال المملكه تبوك و ماجاورها بحكم القرب مافيه اي مشكله في الحضور لكن زي وضعك انت اذا كنت من الرياض او جدة اتوقع صعب جدا اسبوعياَ تسافر الاردن لمدة سنتين مع تمنياتي لك بالتوفيق ,,,

بارك فيك على هذا التوضيح واتمنى لك التوفيق

[ابن المبارك]

شوف يا ابن الحلال

دامك موظف المعدل ماهو مشكلة

المشكلة في الحصول على موافقة مرجعك على إبتعاثك لإكمال الدراسة

قدم على مرجعك بطلب الابتعاث لإكمال الدراسة

والله يعينك إذا كان في إدارتك واحد متخلف من المسؤولين

إذا أخذت الموافقة

لازم تجيب قبول من أحد الجامعات المعترف بها لدى وزارة التعليم العالي

يوجد في موقع الوزارة قائمة بالجامعات المعترف بها

طبعاً بتروح لأحد المكاتب في الرياض أو جدة ليقوم بمخاطبة الجامعة التي تنوي إكمال الدراسة فيها ويجيبلك القبول منها
(رسوم هذه المكاتب من 2000 إلى 2500 تقريباً)
أهم شيء أن يكون القبول الذي تحصل عليه من الجامعة غير مشروط
بمعنى
بعض الجامعات تذكر في خطاب القبول
إذا تجاوز الطالب الدورة الأنجليزية بنجاح قبلناه في الجامعة
هذا القبول غير مقبول لدى وزارة التعليم العالي
بل يجب أن يكون القبول تام وكامل لدراسة اللغة الأنجليزية وإكمال الماجستير دون قيد أو شرط

إذا دخلت على موقع وزارة التعليم العالي للبحث عن الجامعة
تحدد الشهادة التي ترغب الحصول عليها
والتخصص
والدولة

وأنا أفضل جامعة في الولايات المتحدة

مع أنه يذكر إنك تستطيع الحصول على الماجستير من جامعات إستراليا خلال سنة

يعني سنة لدراسة الإنجليزي والسنة الثانية للماجستير

والله يوفقك

[المصرقع الجامعي]

الله يعينك وعقبال الدكتوراه
الجامعات تقبل وأعتقد جامعة ام القرى بمكه

[d15d15]

بالتووفيق لكم

وعقبال الماستر ان شاء الله لنا