بدء التحويل الخارجي إلى جامعة الملك عبد العزيز وجامعة جدة لعام 1436هــ

[بنت ناس وقلبي ألماس]

السلام عليكم ورحمة الله وبركاته

أعضاء المنتدى الكرام

أسعد الله سائر أيامكم بالبركاات والمسرااات


نفيدكم بأن التحويل الخارجي إلى جامعة الملك عبد العزيز وجامعة جدة قد بدأ من 20-7-1436هــ وسينتهي بتاريخ 25-8-1436هــ


ولمعرفة شروط التحويل لجامعة الملك عبد العزيز والدخول على البوابة الرجاء زيارة الرابط التالي:

http://transfer.kau.edu.sa/



أما لمعرفة شروط التحويل لجامعة جدة والدخول على البوابة الرجاء زيارة الرابط التالي:

http://transfer.uj.edu.sa/


وللإطلاع على المزيد من المعلمومات الرجاء الدخول على الرابط التالي:

http://www.skaau.com/vb/showpost.php...3&postcount=14


تمنياتنا لكم بالتوفيق والنجاح

[Sophia]

السلام عليكم
حابه استفسر عن التحويل الخارجي
دحين في الموقع جايبين انو فتح بس لمن اجي اسجل يكتبلي انتهى التسجيل لهذا العام يمكنك التقديم العام القادم
مو عارفه ايش المشكله ولا انو لسى بيفتحو التسجيل بعدين

و استفسار تاني
في جامعتي الحاليه دا الترم عديت الخمسين بالميه من الخطه تلاته ساعات تقريبا يعني ساعات الخطه 134 انا درست 70 و باقيلي 64
و مضطره أحول لجامعه الملك عبدالعزيز فممكن يتغاضو عن الساعات الشويا الزياده ولا بيكون في اشكال

اتمنى تساعدوني

[بنت ناس وقلبي ألماس]

المشاركة الأصلية كتبت بواسطة sophia السلام عليكم حابه استفسر عن التحويل الخارجي دحين في الموقع جايبين انو فتح بس لمن اجي اسجل يكتبلي انتهى التسجيل لهذا العام يمكنك التقديم العام القادم مو عارفه ايش المشكله ولا انو لسى بيفتحو التسجيل بعدين و استفسار تاني في جامعتي الحاليه دا الترم عديت الخمسين بالميه من الخطه تلاته ساعات تقريبا يعني ساعات الخطه 134 انا درست 70 و باقيلي 64 و مضطره أحول لجامعه الملك عبدالعزيز فممكن يتغاضو عن الساعات الشويا الزياده ولا بيكون في اشكال اتمنى تساعدوني

وعليكم السلام ورحمة الله وبركاته

أختي لا تقلقي الموقع ممكن يفتح على الساعة 12 في الليل أو غداً إن شاء الله

أما بالنسبة لاستفسارك الثاني فقدمي و يارب يكون القبول من نصيبك

وبالتوفيق

[Maha Alamri]

السلام عليكم
ليا يومين ابا اسججل يطلعلي انتهى التسجيل وكمان اليوم
طالعتلي صفحه بيضاء !!!
متى حيفتح الموقع اكيد مخي حيتفجر من الانتظار
وششكراّ لكم

[مجنونة بيبي]

لوسمحتي حبيبتي انا قريبتي تدرس في جامعة مكه ومااخدت السنه التحضيري علطول دخلت تخصص

ودارسه في الجامعه السنه دي بس .. يعني ترمين .. وهيا حاليا تبغا تحول لجامعة الملك عبدالعزيز

بس ابغا اعرف ينفع التحويل من جامعة مكه لجامعتنا وايش تنصحيني ربي يسعدك ...

[بنت ناس وقلبي ألماس]

المشاركة الأصلية كتبت بواسطة maha alamri السلام عليكم ليا يومين ابا اسججل يطلعلي انتهى التسجيل وكمان اليوم طالعتلي صفحه بيضاء !!! متى حيفتح الموقع اكيد مخي حيتفجر من الانتظار وششكراّ لكم

وعليكم السلام ورحمة الله وبركاته

الموقع مفتوح الآن

وبالتوفيق

المشاركة الأصلية كتبت بواسطة مجنونة بيبي لوسمحتي حبيبتي انا قريبتي تدرس في جامعة مكه ومااخدت السنه التحضيري علطول دخلت تخصص ودارسه في الجامعه السنه دي بس .. يعني ترمين .. وهيا حاليا تبغا تحول لجامعة الملك عبدالعزيز بس ابغا اعرف ينفع التحويل من جامعة مكه لجامعتنا وايش تنصحيني ربي يسعدك ...

ايوه ينفع إذا انطبقت عليها الشروط

وراح يتم تحويلها لدراسة السنة التحضيرية

وبالتوفيق

[ميجو14]

السلام عليكم ورحمه الله وبركاته
يعطيكم العافية
عندي استفسار اتمنى تفيدوني
اخي درس في الكلية الجامعية بينبع تبع الهيئة الملكية تخصص لغويات وخرج لظروف عائلية وتقريبا له 3 سنوات منقطع عن الدراسة ومحصل عدد الساعات الي اجتازها في سنه ونصف تقريبا 38 ساعه
السؤال اخي يريد تخصص لغويات اوروبية بجامعه المؤسس انتساب ماهي الطريقه للقبول ويريد ربط ساعاته واكمال دراسة بهذا التخصص
ولكم جزيل الشكر والعرفان

[Bushrabb]

السلام عليكم،،، مساااء الخير

بسأل

هل فيه تخصص فيزياء فلكية للبنات؟؟

ثاني حاجه انا درست بجامعتي جامعة طيية فيزياء عامه اقدر احول عندكم فيزياء فلكية؟؟

ثالث حاجه طالب مني بالموقع بالملفات شهادة اللغه الانجليزيه؟؟؟ هذي من فين اجيبها؟؟!


اخر حاجه استمارة شهادة الثانوي هل هي الاصليه؟



وجوووزيتم خيرررا

[Maha Alamri]

ي جميلين عندي استفسار صغنن
دحين اذا مثلا حفظت البيانات وطلعت من الموقع
وابآ ارجع اعدل , اقدر ؟
ولا بس اكتب بياناتي الاكاديميه مره وحده وبعدها م اقدر اعدل لو طلعت؟

[بنت ناس وقلبي ألماس]

المشاركة الأصلية كتبت بواسطة ميجو14 السلام عليكم ورحمه الله وبركاته يعطيكم العافية عندي استفسار اتمنى تفيدوني اخي درس في الكلية الجامعية بينبع تبع الهيئة الملكية تخصص لغويات وخرج لظروف عائلية وتقريبا له 3 سنوات منقطع عن الدراسة ومحصل عدد الساعات الي اجتازها في سنه ونصف تقريبا 38 ساعه السؤال اخي يريد تخصص لغويات اوروبية بجامعه المؤسس انتساب ماهي الطريقه للقبول ويريد ربط ساعاته واكمال دراسة بهذا التخصص ولكم جزيل الشكر والعرفان

وعليكم السلام ورحمة الله وبركاته

الله يعافيكم ونحن هنا لخدمة الجميع

هذا التخصص غير متاح للانتساب ( فقط للانتظام والتعليم عن بعد)

إما يقدم على طلب التحويل الخارجي في حال انطباق شروط التحويل عليه

أو يسحب ملفه ولكن ما أنصحه بهذا الخيار لأن فيه نسبة مخاطرة عالية و احتمال ما ينقبل

المشاركة الأصلية كتبت بواسطة Bushrabb السلام عليكم،،، مساااء الخير بسأل هل فيه تخصص فيزياء فلكية للبنات؟؟ ثاني حاجه انا درست بجامعتي جامعة طيية فيزياء عامه اقدر احول عندكم فيزياء فلكية؟؟ ثالث حاجه طالب مني بالموقع بالملفات شهادة اللغه الانجليزيه؟؟؟ هذي من فين اجيبها؟؟! اخر حاجه استمارة شهادة الثانوي هل هي الاصليه؟ وجوووزيتم خيرررا

وعليكم السلام ورحمة الله وبركاته

مساء الأنوار أختي الكريمة

بالنسبة لتخصص فيزياء فلكية لا أعتقد أنه موجود للطالبات لكن الأفضل تستفسري في قسم الفيزياء عنه


السؤال الثاني على حسب انطباق شروط التحويل الخارجي عليك بمعنى ممكن تتحولي للسنة التحضيرية أو ممكن تتحولي للكلية على طول وإذا انطبقت عليك شروط التخصص تحولي عليه ( في حال كان التخصص موجود)

الأفضل ترفقي المستندات الأصلية

ثالث حاجه طالب مني بالموقع بالملفات شهادة اللغه الانجليزيه؟؟؟ هذي من فين اجيبها؟؟!

^^ ممكن تعلمي برنت سكرين حتى أستطيع إفادتك

وبالتوفيق

المشاركة الأصلية كتبت بواسطة Maha Alamri ي جميلين عندي استفسار صغنن دحين اذا مثلا حفظت البيانات وطلعت من الموقع وابآ ارجع اعدل , اقدر ؟ ولا بس اكتب بياناتي الاكاديميه مره وحده وبعدها م اقدر اعدل لو طلعت؟

طيب بسألك هل توجد خانة اسمها إرسال الطلب أو تأكيد الطلب ؟

وممكن تعملي برنت سكرين لشاشة البرنامج

والله يوفقكم