طلب من خارج الجامعه

[anas_bin_ibrahim]

السلام عليكم و رحمة الله و بركاته
اتمنى تكون بدايتكم في هذا الفصل بداية طيبة
عندي ولد عمي يدرس في كندا
و في الصيف يبغى يسجل ترم صيفي في جامعتكم (جامعه الملك عبدالعزيز)

بس نحتاج مفردات المادة عشان ياخد خطاب الموافقة وما عرفت من فين اجيبه ممكن تساعدوني؟؟؟؟؟
المواد هي Discrete Mathematics-
the Porgraming Language
اتوقع اسمها ( CPCS301, CPCS 222)

[شايل جروحي بروحي 2010]

Discrete Mathematics- اللي هي تراكيب متقطعة - CPCS222
the -Porgraming Language اللي هي لغات برمجة - CPCS301
بالتوفيق

[anas_bin_ibrahim]

يعطيك العافية حبيبي
بس انا كنت احتاج المفردات اللي هي السليبوس
syllabus تبع المادة اذا كان موجود عشان نطابق المواضيع
اذا تقد ترفعه لي اذا ما عليك امر

[شايل جروحي بروحي 2010]

الله يعافيك
شوف بالنسبة لـــــ لغات البرمجة باقي ماادرسها اما التراكيب لسع الى الحين ماتفقوا على اللي معنا واللي مو معنا اول
مايتفقوا ويعطونا التوزيع اعلمك ان شاء الله
بالتوفيق

[زهرة البنفسج]

في المرفق الخطة الدراسية لعلوم الحاسبات....
و كل مادة ووصفها .....
إن شاءالله يساعدك....

[anas_bin_ibrahim]

الله يعطيكيم العافية جميعا ما قصرتوا
اختي زهرة البنفسج المرجع اللي حطيتيه حلو
بس لو في مرجع زيه بالتمام بس بالانجليزي اكون لكي من الشاكرين
لانه زي ما قلت ولد عمي بياخد موافقه من جامعته في كندا انه يدرس المادة كطالب زائر في جامعه الملك عبدالعزيز
و يحتاج يوريهم الوصف اللي حطيتيه بس بالانجليزي
و سامحوني انا حاسس اني تقلت عليكم

[Mrs]

اتوقع انك تحتاج مقرر رسمي ومختوم
تقدر تاخدة من سكرتارية القسم
يعني بساطة
اسأل وين مكتب رأيس علوم حاسب او تقنية المعلومات او نظم الحاسب
روح لسكرتير المدير
واطلب نسخة مختومة من وصف مقرر المادة اللي تبغاها
وراح تكون ورقة رسمية ومفيدة بالنسبة لك
اكثر من اي ورقة راح تاخدها من المنتدى


وبالتوفيق

[Violet Heart]

لقيت وصف للمقررين من موقع الكلية
بالعربي والانجليزي

المصدر
http://computing.kau.edu.sa/Show_fil...D=61117&Lng=AR
الملفات -> أخرى -> الصفحة 14

[anas_bin_ibrahim]

الله يعطيكم العافية جميعا ما قصرتوا
ان شاء الله الوصف اللي بالانجليزي يمشي حاله و تتيسر الامور
انا اتمنيت يكون في وصف يعطي اسماء المواضيع محددة
بس نشوف مبدئيا بهذا الوصف

بس عندي سؤال و معليش انا طولت عليكم بالطلبات و الاسئلة
هذه المادتين تنزل عادة في الصيف و لا لا؟

[شايل جروحي بروحي 2010]

ممكن تنزل هي او مواد ثانية
بالتوفيق