لأهل الاختصاص لا تبخلوا علي بنصيحة في هذه المواد؟

[الشريف سلطان آل غالب]

أفضل الدكاترة من ناحية الشرح و الدرجات و سهولة المواد من صعوبتها و يجزاكم الله ألف خير.
1-إدارة عمليات انجليزي
2-تمويل انجليزي
3-احصاء اعمال انجليزي
4-سلوك تنظيمي إنجليزي
5-قانون تجاري عربي
6- تحليل كمي الأعمال انجليزي

شاكر لكم تعاونكم و تفاعلكم في المنتدى مع تحياتي

[عبدالرحمن ال]

احصاء اعمال > دكتور عز <

سلوك تنظيمي اذ1 حضورك تمام وماتغيب > نائل مؤمني <

الباقي ماخذتها بس جدولك :( ثقيييل

[باور هورس]

اذا تبغى درجة فوق ال 75
بشرط انك تحضر وتسلم واجبات وتنسى الماده ( بدون ما تفهم ولا تذاكر في الاختبارات )

خذ العمليات والتحليل الكمي عند محمد يغمور

واذا ما تبغى كذا
العمليات والتحليل باقي دكاترتها تقريبا زي بعض ما تفرق


التمويل اذا العيادي موجود خذها عنده اهم شيء تشبكه وتسولف معاه وتخليه يحفظ اسمك وبأذن الله ناجح ( واكثر شيء يسولف ما يشرح )

القانون التجاري

عندك عبدالرزاق جاجان
طيب
أسئلته سهلة لكن مقسمة على 10 أسئلة صح وخطا وعليها 20 درجة ( و 10 كلمات من مصطلحات القانون التجاري تكتب ترجمتها وعليها 10 درجات ) >>> اكثر من 300 مصطلح مطالب فيها كل اختبار

السلوك التنظيمي
محمد تحليل
طيب ومتعاون مع الطلاب افضل من نائل

الإحصاء خذها عند اي دكتور غير سعودي
سهلة وكلها تست بانك

[girl.k.s.a]

إدارة العمليات للآن ما نعرف كيف حتكون الدرجات النهائية!!!
لكن لاحظت إنو د. هاني العمري عندو أهم شي يكون معاك كتاب وتحضر وتركز معاه ما تنشغل في شي
ولماا يطلب واجب تهتم مو تجيبو آخر السمستر وما تكذب عليه و لا تغش ولا تتأخر دايما عن الكلاس
لو عملت دا كلو أتوقع حتكون درجتك عاللللللية ، هادا على كلامو ما اعرف إذا بيصير كدا والا لا !

الدكتور بيتعب نفسو كتيرعشان يشرح ويوصل المعلومة في نظري إنو تمام ما جربت غيرو ولا أعرفهم

ومن جد جدولك أحسو مراااااا حيكون صعب عليك :/
على الأقل خليها 5 مواد وأحس المواد ما تجي مع بعض في أشياء تحتاج سمستر مع مواد تانية
يعني أنا أشوف ترتيب الخطة تمام