شاركونا تجاربكم مع ماده النقد الأدبي lane446

[داانه]

السلام عليكم ورحمة الله وبركاته

حبيت انزل دا الموضوع واكتب تجربتي مع مادة النقد الأدبيLANE 446
وكل وحده تدخل بعد كده تشاركنا تجربتها ..

عشان الكل يستفيد وان شاء الله بعد كده ما يسير فيها رسووب كتيير زي كل مره

اول حاجه الماده دسمه شوي بصراحه مو شوي كتير
عباره عن 8 فلاسفه :
1-Plato-
-2-Aristotle
-3-Longinus
-4-Sidney
-5-Coleridge
-6-Dryden
-7-Carl Jung
-8-Freud
كل واحد فيهم لو كتاب تكلم فيه عن وجهه نظره وفلسفتو
:

كيف تقدري تعدي من هادي الماده من غير ما توقعي بمطب F
طبعا بعد المزاكره الجيده جدا لدي الماده وعن جد يابنات يحتجلها مجهووود ومزاكره بالورقه والقلم
وعن تجربه خدووها مني لازم بالورقه والقلم......واكتر من مره على فترات
بعد دي الخطوه
ايوة... فيه نقطه مهمه ..اكيد بتعرفو انو فيه ملزمه اللي بتشرح منها الدكتورة وبرضو موجوده عند البنات
دي بتعطيكي نظره شاامله للمقرر بشكل نقاط مرتبه ممكن تزاكري منها وتعتمدي عليها في حاله انك قادره تصيغي منها اسي متكامل عن العالم وعملو .. اما اذا شفتي نفسك حتحوسي فنصيحه اشتري الكتاب المقرر وحاولي تختصري قد ما تقدري..( او ممكن شوفي صحباتك اللي اخدو الماده وعندهم تجميع لاوراق على شكل اسي للمقرر)
الخطوه الاساسيه في قاعه الاختبار هيا انو تراعي الاتي:
1- لا تكتبي بالقلم الرصاص
2- خطك واضح
3- تجنبي الاخطاء الاملائيه
4- علامات الترقيم ..وبنيه الجملة تكون صحييييحه انتبهو لدا الشي
5- لازم تبدأي افتتاحية الاجابه باسم العالم واسم كتابو(لاتنسي تحطي تحت اسم الكتاب خط)
6- الاجابه تكون مختصره ومركززه بنفس الوقت على قد السؤال
7- لا تتركي سؤال من غير اجابه

حطو ببالكم يا بنات انو الوقت ما يسااعد ابدا على حل الاسئله كلها عشان كدا بقلكم لازم لما تزاكرو ..زاكرو بالورقه والقلم...تكون تعودتوو تحطوو يدكم بالكتابه.

ان شاء الله الكل يتفاعل وليا عوده بإذن الله احاول اجمع فيها الأسئله واجاباتها

دعوااتكم,,

[ساسا999]

شكرا لك اخت دانه المادة هذي صراحة انا متخوف منها وشكلها معقدة راح انزلها الترم الجاي والله يستر ما عندك اسئلة لها

[نص دافوره]

في انتظاارك يادانه

يسلموووووووووو

[داانه]

ساسا

نص دافورة

شكرا لتفاعلكم

اخ ساسا بإذن الله رح انزل اسئله للماده مرفقه باجابات نموذجيه ومختصره
انتظرووني

بس اللي اعرفو انو هناك تقارب بين منهجنا ومنهجكم بس مو نفس المنهج

بالتوفيق ان شاء الله ,,

[khalil]

السلام عليكم ورحمة الله وبركاته
الله يعطيكي العافية اخت دانة على المبادرة الطيبة لمساعدة زميلاتك الطالبات وزملائك الطلاب
واسمحيلي اشاركك بعض الآراء في موضوعك المفيد

اول حاجه الماده دسمه شوي بصراحه مو شوي كتير
عباره عن 8 فلاسفه :
1-Plato-
-2-Aristotle
-3-Longinus
-4-Sidney
-5-Coleridge
-6-Dryden
-7-Carl Jung
-8-Freud
كل واحد فيهم لو كتاب تكلم فيه عن وجهه نظره وفلسفتو

بالإضافة للي ذكرتيهم بس عند الطلاب بعض الفلاسفة يختلفوا زي مثلاً :
1- Alexander Pope
2- T.S.Eliot
3- Gerard Genette
4- Virginia Woolf
5- Gayatri Spivak
6- Walfgang Iser
7- Ihab Hassan
طبعا هذا على حسب المذكرة اللي يقررها القسم -إذا ما غيروها زي ما سووا لنا الترم الفايت
كيف تقدري تعدي من هادي الماده من غير ما توقعي بمطب F
طبعا بعد المزاكره الجيده جدا لدي الماده وعن جد يابنات يحتجلها مجهووود ومزاكره بالورقه والقلم
وعن تجربه خدووها مني لازم بالورقه والقلم......واكتر من مره على فترات
بعد دي الخطوه
ايوة... فيه نقطه مهمه ..اكيد بتعرفو انو فيه ملزمه اللي بتشرح منها الدكتورة وبرضو موجوده عند البنات
دي بتعطيكي نظره شاامله للمقرر بشكل نقاط مرتبه ممكن تزاكري منها وتعتمدي عليها في حاله انك قادره تصيغي منها اسي متكامل عن العالم وعملو .. اما اذا شفتي نفسك حتحوسي فنصيحه اشتري الكتاب المقرر وحاولي تختصري قد ما تقدري..( او ممكن شوفي صحباتك اصحابك اللي اخدو الماده وعندهم تجميع لاوراق على شكل اسي للمقرر)

* بصراحة زيادة على اللي ذكرتيه انا اشوف الكتاب اولاً وبعدين المذكرات "ليش ؟" وعن تجربة في بعض المعلومات يجيبها الدكتور/ة من بين السطور ؛ وبعضها فيها شرح اكتر من المذكرة وبعض الأحيان المذكرة تذكر لك المرجع اللي في الكتاب عشان التوضيح اكتر، وفي غالب الأحيان يكون اللي في المذكرة مفاتيح ومداخل لفهم الكتاب
وفعلاً المادة دي اصعب مادة في القسم وتعتمد على القراءة الكتيرة والفهم والتركيز العالي مع التلخيص والتدوين زي ما ذكرت الأخت دانه
ونصيحة لازم الواحد يخصص لها وقت كافي ويبدأ يقرا فيها من بدري مع إنو المنتسبين ح يعانوا بس يحاولوا في الشهر والنص او الشهرين الفاضلين انهم يقروا كتير

الخطوه الاساسيه في قاعه الاختبار هيا انو تراعي الاتي:
1- لا تكتبي بالقلم الرصاص
2- خطك واضح
3- تجنبي الاخطاء الاملائيه
4- علامات الترقيم ..وبنيه الجملة تكون صحييييحه انتبهو لدا الشي
5- لازم تبدأي افتتاحية الاجابه باسم العالم واسم كتابو(لاتنسي تحطي تحت اسم الكتاب خط)
6- الاجابه تكون مختصره ومركززه بنفس الوقت على قد السؤال
7- لا تتركي سؤال من غير اجابه

حطو ببالكم يا بنات انو الوقت ما يسااعد ابدا على حل الاسئله كلها عشان كدا بقلكم لازم لما تزاكرو ..زاكرو بالورقه والقلم...تكون تعودتوو تحطوو يدكم بالكتابه.


* معاكي في دي النقطة 100%- مع اني احب اكتب بالرصاص -بس حسب طلب الدكتور ؛ في البعض يحدد بالقلم بدلاً من الرصاص

وربنا يوفق الجميع ويعدوا من المادة هادي بكل يسر وهولة

اطيب امنياتي

[shinystar]

بصراحه يا اخوان انا درست الماده ذي 3 مرات اخذتها في الصيف اللي فات واخذتها الترم الاول و اخذتها الترم الثاني و نجحت , وفيه غيري درسها على اربع مرات, السبب كالآتي:
ماده دسمه بمعنى الكلمه.
8 نقاد والله كثير و جدا بعد .
الاختبارات الدوريه مجرد اختبارين تشمل الخمسه نقاد الاوائل ,على كل واحد ثلاثين يعني ما تجيب حتى نصها افقد الامل انك تنجح.
الاختبار الدوري الواحد 8 صفحات متنوعه ما بين مقالي ,اختياري , اكمال الفراغ. حلو ماقلنا شي لكن لمدة ساعه وحده فقط والله ظلم كبيييير في حقنا وعلى فكره رع الوقت يضيع مابين البحث عن قاعه مناسبه وتوزيع الورق وقراءة الاسئله وهرج ماله معنى بالاضافه الى سواليف المراقبه - استاذة الماده- على الجوال او مع استاذه اخرى مما يسبب للبعض بشوشره. هذه بالله مو اهمال من المراقب؟
في الاختبار النهائي يدخل الثمان نقاد معنا و نتفاجأ بان الاسئله عن الثلاث النقاد الاخير اللي ماكانوا داخلين في الاختبار الدوري يعني ضيعنا ثرث ارباع الوقت نذاكر في شي محذوف اصلاً !!!! طيب اش الحكمه من ذي الحركه ؟

وبسبب الحركات ذي كلها نزل تقدير من جيد جدا مرتفع الى جيد حااااااااف , ولما نزل المعدل للدرجه ذي نجحت لا وبعد ع الحاااافه مع اني والله صاااااااااامه الماده مثل اسمي و كتابتي ممتازه , اش السبب؟
I dont know

اسفه يمكن ما افدتكم بشيء لكن مقهوره على اللي صار لي و لغيري و حسيت اني دخلت فقط عشان افضفض.
اللي من جد يقهر انه ما يدرس الماده ذي الا دكتوره وحده فقط الله المستعان هل جامعتنا فعلا تعاني من نقص في هيئة التدريس؟
على العموم وفقكم الله ولا اراكم مكروها ابداً

تحيااااتي

[غـــرور]

^

وأستـاذه سهآم فطآني الله بالخيــر ..

لآتحضيــر تقولين يمكن يشفع لك إذآ مآغبتي ولآ محآضــره ..


ضحك وسوآلف طول الكلآس وزنقه على آخر الترم ..

هـذآ والله أعلم .. عَ حسب كلآم اللي جربوآ معـآهـا


لكن .. ربك مآيضيع حقّ أحـد ..

ننتظرك أختي وآلله يجزيك بالجنه على هالمجهـود .. وبتخدمين بوه بنآت كثيييييييير


:)

[السحر الحلال]

مادة صعبة

[التفاحه المجتهده]

جــــآأري الانتـــظأإر دانــــــــه
راح انــزلها الترم الجي
لانو ماعد عندي خيارات مواد الادب وبس :(

[شذى الوادي]

رائعة بمعنى الكلمة يا دااااااااااااااااااااانه

الله يجزاك الجنة