افيدوني عن مقدمة في الادب واللغويات

[dedo11]

السلام عليكم ورحمه الله وبركاته

لاصحاب الخبرة ولكل من اخد مقدمة في اللفويات ومقدمة في الادب

عن ايش مقدمة في اللغويات تكون ؟ واش اسم كتابها ؟ والادب كذلك ؟

صراحة انا خايفة من الادب لاني اكره

واللغويات عبارة عن ايه ؟
وشكرا جزييييييييييلا

وصح : مين في استاذة كويسة للمادتين لانها حتنزلي وايييييييييييييييييييييييييييييييييييييييه

[abohalah2020]

انا افيدك بالنسبة لمقدمة في اللغويات

اسم الكتاب / The study of language
المؤلف / George yule درس سابقا في الجامعة وياليتني لحقنا عليه اكيد كان استفدنا كثير
الطبعة / الثانية (مصورة في المكتبات القريبة من الجامعة) هناك الطبعة الثالثة موجودة في مكتبة جرير والعبيكان لون الكتاب ازرق اوضح من المصور
الكتاب حسب خبرتي (اخذته مرتين والترم الجاي تكون المرة الثالثة) رائع ومفيد جدا وفيه الكثير من المعلومات المفيدة لطلاب اللغة الإنجليزية
مكون من عشرين فصل
في بدايته يتكلم عن اللغة وتكونها ومصادرها وتطور اللغة والكتابة والأصوات ثم يعطينا لمحة عن ال morphologyثم grammar ثم لنحو والصرف ثم مناقشة اللغويات واكتساب اللغة وتعلمها و ال bodylanguage

هذي لمحة موجزة عن هذا الكتاب والله يوفق الجميع لكل خير

[سهر]

افضل استاذه للغويات بلامنازع آلاء المحمدي
اما الادب كان طول الكم سنه اللي فاتت تعطيه سوزان فكهاني انتبهي تاخذي معاها لانها بصراحه مايعجبها العجب
على حظي الترم اللي هذا فتحوا شعبه ثانيه كانت مع دكتور سد احسان هو من باكستان اظن ماشاءالله البنات اللي كانوا ياخذوا مع سوزان ورسبوا 3 4 مرات جابوا عنده تفوق انا بالنسبه لي اول مره اخذ الماده الحمدلله نجحت فيها جبت 62 وفرحااااااااااااااااانه كني جبت 90 الله يوفقك

[داانه]

اهلا dedo

بالنسبه لمقدمه في اللغويات انا اخدتها مع استاذه ايمان عبده من زمان

وعديت الحمدلله

بس فيه بنات كتييير ماعدووو وحملوها اكترمن مره

انا مو حابه اخوفك منها الماده حلوه بس هيا شامله فرووع اللغويات كلها يعني تقدر تقولي هيا المفتاح لفروع الللغويات

سينتاكس- فونيتيكس- ابلايد .....

من تجارب البنات اللي رسبو فيها شافو انو بعد ما اخدوا هادي الفروع زي السينتاكس والفونتكس والمرفولوجي

لما جوا ياخدوا مقدمه في اللغويات نجحوا فيها بكل سهوله

وبدرجه حلوه كمان

بس عالعمووم اذا انتي ناويه تشدي حيلك وتزاكريها كويس ما يحتاج تعملي كده وباذن الله تنجحي فيها وبامتياز كمان

بالنسبه لمقدمه في الادب

اذا اخدت مع دكتوره سوزان لازم تراعي اساسيات الكتابه من سبيلنق وقرامر وبنكتويشن وكل شي في كتابه الاسي

والشي التاني المصطلحات اللي تكتبيها لازم ما يكون فيها اي غلط زي
simile,personification ,phor ... etc
لانو افتكر من ضمن اسئلتها كان فيه سؤال يقللك

اكتبي نوع فيقر او سبيتش في العبارات التاليه اعتقد كده

فلازم السبيلينق تبع المصطلحات يكون صح والا الدرجه حطيير

وبالاخير اتمنالك التوفيق والنجاح

[JASSAR]

شوفي الموضوع هذاو شرحت فيه تجربتي مع lane 341 مقدمة في الادب
http://www.skaau.com/vb/showthread.php?t=62869

وما ادري اذا منهج البنات زي منهجنا ؟؟

عموما المادتين هذي تعتبر عن اربع مواد

الافضل ما تاخذيها في نفس الترم

وذاكريها من بدري اول باول

والله يوفقك

[ابوطلحة]

انا درست المادة الترم هذا ... المادة ليست سهلة وأنصحك بمذاكرتها من اول الترم وعند الأستاذة المناسبة....انا نجحت فيها ولله الحمد وأعرف عدد من اصحابي نجحوا فيها بس كلنا بصراحة ...على شارع الستين60

[Reem-]

مادة الأدب أخذتها مع الاستاذة رشا قزاز ..
المنهج طويل يحتاج وقت تذاكرين وتراجعين ..
تحاسب على الاسبلنج .. الاسئلة مقالية وموضوعية مو سهله .. مااخوفك بس لازم تشدين حيلك اذا شديتي حيلك تمشين .. المنهج عبارة عن كتاب "an out line" مو كله طبعاً وملزمة Master >> نسيت الاسم بس تحصلينها في مكتبة الامين عند الجامعة فيها قصايد وقصص مو كله برضو .. وسلايدات بوربوينت ومسرحية The rader to the sea اعتقد برضو كذا اسمها .. وقصص موجوده في موقعها .. ولازم تقرأين عن القصص والمسرحيات والقصايد في النت
أما الاستاذة ايمان حمزة اللي سمعته ماتنقص ع الاسبلنج واسئلتها اسهل بكثير ومنهجها اسهل .. بس لازم تحضرين الدرس
... اذا عرفتي مين استاذتك الترم الجاي روحي اسئليها على طول على المنهج وش معاكم وش مو معاكم وابدأي من أول يوم لانه المنهج عبارة عن مسرحية ورواية وشعر يعني دسم واذا قسمتيه وذاكرتيه بتحسينه ظريف

[Reem-]

اللغويات من ناحية الاساتذة انا أخذتها مع الاستاذة آلاء اسئلتها حلوة موضوعية وقليل مقالية .. مثلا عرفي وقارني .. ومرة جابت عددي
بس في الفاينل كانت اسئلتها صعبة شويتين
يقولون مس هيفاء اسئلتها اسهل والله أعلم

[ghost]

المشاركة الأصلية كتبت بواسطة jassar شوفي الموضوع هذاو شرحت فيه تجربتي مع lane 341 مقدمة في الادب تجربة أدبية (مقدمة في الادب341) وما ادري اذا منهج البنات زي منهجنا ؟؟ عموما المادتين هذي تعتبر عن اربع مواد الافضل ما تاخذيها في نفس الترم وذاكريها من بدري اول باول والله يوفقك

جمليلة جداً تجربة الأخ جسار بصراحة انا طبقتها والحمدلله عديت المادة الله يجزاك خير أخوي

[JASSAR]

^
^
مبروك اخوي

( لاني عانيت منها انا واثنين من زملائي ، قلت لازم اشرح طريقة لمذاكرتها)

وما سوينا الا الواجب،،

بس قل لي انت عديتها من اول مرة ، وكيف درجتك؟