صف صف صيــــــفي بنات

[.,.نيــــــــــــــــــــران.,.]

لقيت مادة حرة حطوها في بالكم:

أدب وثقافة الطفل
من الاقتصاد المنزلي chs 428
عجبني اسمها بس ماادري عن سهولتها ولا صعوبتها

يللا سي يو

[طالبة محاسبة]

يامتمرده انا بعد شفت هالماده بس مدري عن سهولتها

[رهف]

السلام

شكرا متمرده ...
كيفك قلبي شخبارك ؟؟

احاول ارسلك خاص ما يسكح لي لاني لسه ماشاركت كثير ...
بسالكم بنات الحين انا اول سنه كنت علوم ودرست سنه فيعا وبعدين حولت

بالنسبه للمواد الحره ما تنحسب لي موادحره من العلوم ؟؟؟؟

من جد حوسه .. ما يوضحون شي ولا يستقرون على شي

بالاول زبطت لي جدول والحين حاسونا

احتمال مبداي انزل نظم معلومات _ وانقليزي 2 بس

الماده اللي قلتي عليها يا متمرده عجبتني فكرتها اني انزلها لكن لو اتاكد من السئوال اللي سالته

احتمال كبيير انزلها

بالتوفيق بنوتات

[عسل ورد]

بنات نزلت الاضافه ولا باقي ؟؟؟؟
الموقع مو شغال معي

[loletaaaaa]

عسل الورد لاما فتح لسه
المتمرده قالولي اي شي اقتصاد منزلي معناتو صعب وفي طفل ومدري ايش حيدخلك فكلام احياء مسلا يعني طفل حيقولك حليب الام وتكوينو ووووو
ماانصحك بيها ايش رايكم ناخد نظم معلومات اداريه وماليه شركات بس حيبقا فيها بريك ساعتين من 11 الى 1
وده البريك ناخد في حره من التاريخ 334حركه العلوم العربيه الاسلاميه وكده نكون اخدنا كل 9 ساعات
احياء واقتصاد منزلي ولا تاريخ احفظي والطعي!!!
انا لو مااتغير شي خلاااااااص ومالعبو فالمواعيد حتم على كده
رهف
اول ترمين مواد عامه تتعادل ومواد اللي مو من الاقتصاد والاداره بيحسبوها حره ليكي اي شي اساليني ان شالله اقدر اجاوبك ووضحيلي اكتر ..

[loletaaaaa]

المشاركة الأصلية كتبت بواسطة المتمردة لقيت مادة حرة حطوها في بالكم: أدب وثقافة الطفل من الاقتصاد المنزلي chs 428 عجبني اسمها بس ماادري عن سهولتها ولا صعوبتها يللا سي يو

CHS 428 HA 3 منال ابراهيم عبدالله مديني TBA TBA .S.T... 9.00 11.50 0 25 007
ماتيجي مع وقتنا الماده كمان احد وتلوت واحنا اهم شي عندنا سبت واتنين وربوع عشان ماليه ودحين نظم كمان صدقوني محا يجي الا انا نخاطر وناخد تاريخ ولا ناخد بريك ساعتين ونقعدفالكافتيريا وحررررر
ههههههه
وتسيرلنا بس 6 ساعات
والتاريخ محد قال لاصعبه ولاسهله طالبه محاسبه شفت ردود البنات على موضوعك فالاداب محد قال شي عن الماده ورقمها300يعني مو مره متقدمه
دي اللي حتورطونا فيها 400يعني تخرج واحنا مالنا خلفيه فالاقتصاد المنزلي
كنا يادوب نروح المطبخ وانا كمان قطعتو من اولى سنوي هههههه يعني مافي امل بس التاريخ لنا خلفيه
على فكره اللي يشوفني اتكلم كده يحسب اني احب التاريخ بس انا مااطيقو
بس مافي غيرو

[charming lady]

هاااااااااااي بنات..
ماشاءالله متحمسين ذكرتوني بنفسي ايام الاختبار كنت مخططه ايش اسوي بالصيف .. بس قدر الله وماشاء فعل تلخبطت الامور كللللللللها

الموهم.. كنت بسألكم عن حاجه مره ضروريه دحين انا الله يسلمني ويخليني راح اخد ماليه مع سحر وفكرت اخد كمان بحوث عمليات بعد ماغيرو البعبع دكتوره اسماء باهرمز وحطو امل تركستاني
بس المشكله تكمن >> متعوب عليها تكمن لووووووووووووول.. لا عن جد المشكله انه مااعرف كيف امل تركستاني دي.. هيا باين عليها كتكوته ياناسو عليها ..بس الاستاذات وقت التدريس مره مايكونو كتاكيت .. عشان كدا ابغى اعرف هيا كيف اسلوبها شرحها طريقة الاسأله يعني لو احد يعرفها واخد عندها ياليت يديني موجز عنها.. لانه مره محتاره

وبنسبه للماده نفسها كيف؟؟ صعبه سهله؟؟ لانه انا باخدها مع ماليه وابغى اجيب فيها علامات كويسه مره خايفه اخبص

واخر سؤال.. لو لاقدر الله ومااخدت بحوث عمليات لأي سبب من الاسباب تعتقدو اني اقدر اخد ماليه شركات واستثمار مع بعض؟؟؟.. طبعا كلنا عارفين انه ماليه متطلب لاستثمار
تتوقعو يوافقو اني اخدها الاتنين مع بعض ولا حيقعدو يتفلسفو على اهلي ويقولو لي ليس من الممكن

والله انا مره محتاااااااااااااااره .. ياله استنى ردودكم ياأماريييييير

[loletaaaaa]

امل وعمليات مدري عنها دي المواد بس اتوقع مستحيل يدوكي ماليه واستثمار لانو متطلب لها زي ماقلتي
بس امل اكيد احسن من اسماء الكل يقولو انو اسماء مو كويسه

[!!توصي شيء!!]

الأستاذة أمل مختار تركستاني ،،

أنا أخذت معاها بحوث عمليات ،،

خذي معاها وإنتِ مغمضة ،،

بجد خطيـــــــــــرة ،،

ربي يسعدها ،،

اسئلتها موضوعية وتجيب مسائل بس كلها واضحة ونفس اللي تقوله ،،
.
.
.

[.,.نيــــــــــــــــــــران.,.]

أهلين رهوفة أنا تمام إنتي كيفك يالغالية؟

موادك اللي في العلوم تتعادل مع الحرة ...
الله يوفقك يارب


لوليتا أنا راسي داخ أستشير الرعية وأقولك