يوم الاخلاء كشفت لي حقيقة موظفات الأمن !!!

[NOIR]

السلام عليكم

هذي السنة الرابعة لي في الجامعة و كل يوم اسمع قوانين جامعية جديدة تنافي العقل
و المنطق
بس المشكلة مو في القوانين هذي ممكن نعديها و نستحملها 4 سنين
المشكلة في نفس الموظفات الي الجامعة موظفتهم عشان يحرسونا أو يعرفو يتصرفو
لمن تصير مشاكل بالجامعة ..
و من موقف الاخلاء الي صار بيوم الثلاثاء الي فات عرفنا انهم من جممممبها
بس ببدأ من القوانين و بعدين نحكيكم ايش صار بيوم الاخلاء ...

القانون الأول
اخراج البطاقة من حاملة البطاقة
اليوم و انا داخلة البوابة الغربية و بطلع بطاقتي عشان اوريها لموظفات الأمن ( الي سمعت انه جايبينهم من السجون )
و انا بطاقتي حاطتها في (card hold) الي هيا بالعربي الفصحى حاملة بطاقة
تعرفو ايش هو الكارد هولد ؟ صح ؟
هو اختراع عبارة عن بلاستيك تعلقيه حول رقبتك عشان عشان تحطي فيها هويتك !
طيب ...
المفاجأة في الموضوع انهم صارو يطلبو مني اخرج البطاقة من الكارت هولد !!!!!!!!!!!!!

القانون الثاني
ممنوع استخدام فيش الكهربا
هذا القانون لغز صعب و مو عارفين على اي اساس مانعينه
صحبتي جابت لابتوبها و بطارية لابتوبها خلص قامت راحت و شبكته في الكهربا
جات الأمن تقولها ...
ممنوع تستخدمي الكهربا !!
ههههههههه نكتة
و على قولة صحبتي طيب ليش حاطين فيش الكهربا على الجدار ؟ ايش فايدتها ؟ منظر ؟


القانون الثالث
ممنوع خروج الطالبة من الجامعة قبل الساعة 9
انا قعدت افسر القانون هذا قلت يمكن عشان يضيقو على البنات الي يخرجو مع اولاد و يخلوهم ملطوعين ساعة عشان توحشه و يوحشها
و بعد الساعة 9 تنفتح المطاعم و المحلات و يروحو يتمشو مع بعض ..


القانون الرابع
عند الدخول للجامعة و عند( الخروج ) منها ابراز البطاقة الجامعية
اوكي لمن ندخل الجامعة معاهم حق في هذا القانون .. بس لمن نخرج منها بالله من فين اكون جاية ؟! مو من الجامعة


و غيرها من القوانين التي لا تطابق العقل و لا المنطق !!


كذا يا جامعة الملك عبدالعزيز ؟

موظفين ناس اتحدى لو عندهم شهادة روضة و المسمى الوظيفي حقها (موظفة أمن) !
جايبينهم عشان يستقبلونا من عند البوابات و يطفشونا و يخلونا ندخل بوجيه كشرة

عشان يسحبو في جوالاتنا و لابتوباتنا و يصادروها ( أي تعني ياخذوها )
أنا لمن صادرو مني الايفون كنت مقفلة جوالي
و لمن جيت اليوم الثاني اخذه منهم لقيت الجوال مفتوح و البطارية


مخلصة


.. عرفتو ايش كانو يسوو ؟



أنا كنت ساااااكتة على حركاتهم و قوانينهم الهبلة الي كل يوم تطلع بشكل
الين ما جاء يوم الثلاثاء الي فات و صارت حكاية الاخلاء
لو سكتنا عليهم بيجي يوم يا احنا حنضيع او بناتنا في المستقبل الي حيدخلو الجامعة راح يضيعو
أنا ما كنت فيه وقتها بس صحباتي كانو في و حكوني ايش الي صار
بحكيكم و انتو استنتجو على اي أساس مسمينهم (موظفات أمن) ...!!

طبعاً تعرفو بعد حادثة السيل الي صارت في جدة و الناس كلما تشوف غيمة سودا يرتعبو و يخافو
و بيوم الثلوث جات غيمة سودا و على حسب كلام صحبتي تقولي وقتها كانت الساعة 12 الظهر بس الدنيا كأنها بالمغرب
فعملو اخلاء للجامعة و خرجو البنات من كلياتهم و حتى الناس الي كانت تمتحن خرجوهم و سحبو منهم الاوراق
و طبعاً اتوقعو انه راح يكون في ازدحام شدييييد عند البوابات
و كل بنات الجامعة انحشرو في منطقة وحدة و يستنو سياراتهم عشان تاخذهم و يرجعو بيوتهم سالمين

الي صار


كانت الساعة 12 و نص و موظفات الأمن الكرام قاعدين يقولو " يا بنات عجلو سواقينكم" ..
و لمن تأخر الوقت و صارت الساعة 1 و نص أو 2 تغيرت الجملة الى :
"اطلعو برة الجامعة احنا ما نبغى نتحمل مسؤوليتكم" !!!!!!!!!!!!!!!
و طلعو البنات برا الجامعة و جلسو يستنو السواقين
مو مشكلة نموت برة الجامعة بس جوة الجامعة حتكون مسؤولية عليهم

قال أمن قال
.. شكراً يا جامعة الملك عبدالعزيز على توظيف موظفات أمن ما يبغو يتحملو مسؤولية !!
فالحين بس في التطفيش و تطويل اللسان و يستفردو على البنات الضعاف و يخافو من البنات البوية و الشلق
بالله لو جاء السيل و البنات برا
و لا صارت حوادث بسبب الازدحام الشديد و ماتو ناس بسببها
بس الحمدلله ربي ستر

و ما رااااااااااااح اسكت عليهم و اخلي الموضوع يصير نسياً منسيا
لا احد يقولي لا تكبري الموضوع لأنه الموضوع اصلاً كبير !!!!
الكل ساكت و مو راضي يتكلم و المفروض انه نشتكي
لازم صوتنا يوصل للمسؤولين الي فوق و يشوفو حل معاهم

و بس اترك باقي التعليق لكم !!!

[الحنين للثانوية]

السلام عليكم
اول شي اشكرك اختي على طرحك للموضوع لكن من جد الجامعه صايره ماتنطاق ويارب يتعدلون بعد الكلام والهرج اللي يعيني انا اللي بااموت من القهر تدرون ليش؟؟؟؟؟؟؟؟لاني تعجيزي قصدي تحضيري

[ro7i Leek]

والله شي مااااااااااينسكت عنه ابدا ابدا ... خييييير إن شاء الله؟؟؟ ايش هالتعاامل؟؟ لازم يوصل الموضوع للمسؤولين بأقصى سرعه ممكنه

[جيجي_جده]

لا حول ولا قوة الا بالله

فعلا سمعت عنهم شكاوي كثير

ياناس الدين المعاملة

مشكورة حبيبتي ولازم يكون لهم حل

[امونة المزيونة]

وعليكم السلام عسوووووووووله

والله معاكي حق والوضع ابدن ماينسكت عليه بس خلااااااص انا صابني تبلد لاني عارفة ومتيقنه نو مستحيل تتعدل ذي الجامعة خلااص هذي اللى يميز جامعتناا ..

ومو جامعتنا كل الجامعات السعودية باختلافات بسيطة يعني مالك امل ..!!
كلها سنة وترم وانشاءالله اتخرج من ذي الجامعة
ومستحيييييييل يصير شي بدي الفترة!!

المشاركة الأصلية كتبت بواسطة noir القانون الأول اخراج البطاقة من حاملة البطاقة اليوم و انا داخلة البوابة الغربية و بطلع بطاقتي عشان اوريها لموظفات الأمن ( الي سمعت انه جايبينهم من السجون ) و انا بطاقتي حاطتها في (card hold) الي هيا بالعربي الفصحى حاملة بطاقة تعرفو ايش هو الكارد هولد ؟ صح ؟ هو اختراع عبارة عن بلاستيك تعلقيه حول رقبتك عشان عشان تحطي فيها هويتك ! طيب ... المفاجأة في الموضوع انهم صارو يطلبو مني اخرج البطاقة من الكارت هولد !!!!!!!!!!!!!

خخخخخ والله فهمناا اش هيه

وتبغاكي تخرجيها عشن تشوف صورتك الحلوة وتفتح نفسها من الصباح وانتي تجيك الكأبه!!

المشاركة الأصلية كتبت بواسطة noir القانون الثاني ممنوع استخدام فيش الكهربا هذا القانون لغز صعب و مو عارفين على اي اساس مانعينه صحبتي جابت لابتوبها و بطارية لابتوبها خلص قامت راحت و شبكته في الكهربا جات الأمن تقولها ... ممنوع تستخدمي الكهربا !! ههههههههه نكتة و على قولة صحبتي طيب ليش حاطين فيش الكهربا على الجدار ؟ ايش فايدتها ؟ منظر ؟

والله هذا القانون مت ضحك عليه لانو قد صارلي كذاا مره انا وصحبتي جالسين في الثامن وصحبتي تشحن جوالهاا وجات المشرفة قومتناا عشن قال ممنوع تجلسو ع اي جدار وراة قاعة قالت صحبتي طيب بس اشحن جوالي قالتلها المرة الجاية حجيك واقولك ممنوع تشحني بالجامعة خخخ
قلت خير..؟! قالت واللهي هذي القوانين ..

ماشاءالله جامعتنا توفر كهرباا شكلنا بنقلب ونستفيد من الطاقة الشمسية اللي لعبت فيناا !!

المشاركة الأصلية كتبت بواسطة noir القانون الثالث ممنوع خروج الطالبة من الجامعة قبل الساعة 9 انا قعدت افسر القانون هذا قلت يمكن عشان يضيقو على البنات الي يخرجو مع اولاد و يخلوهم ملطوعين ساعة عشان توحشه و يوحشها و بعد الساعة 9 تنفتح المطاعم و المحلات و يروحو يتمشو مع بعض ..

ههههههههه تفكيرك منحرف
بس لا ممنوع تخرجي عشن كل المحاضرات بالجامعة تبدء 8 واقل محاضرة تخلص 9 فإذا خرجتي قبل ال9 شو معناتهاا؟!
معناتها انك ماجيتي عشن تحضري محاضرات!!
والاكيف تخرجتي قبل ماتنعطى اي محاضرة ليه جاية اجل؟!

بس اذا عندك ظرف يخروجك عادي صحبتي قيد صارلها حالة وفاة من الصباح _الله يرحم ميتهم_ وطلعت قبل ال9 كلمت اللى ع الباب وطلعتهاا..

المشاركة الأصلية كتبت بواسطة noir القانون الرابع عند الدخول للجامعة و عند( الخروج ) منها ابراز البطاقة الجامعية اوكي لمن ندخل الجامعة معاهم حق في هذا القانون .. بس لمن نخرج منها بالله من فين اكون جاية ؟! مو من الجامعة

امكن ههههههههههه نطيتي من فوق السور...!!








وع موظفااااااات الامن واللى مسوين نفسهم بسجن ابو غريب تجيك الوحدة ماشية كانهاا وحش مسوية رعب لكل البنات والله اشكالهم شبهه وتخوووووووووووف مع انهم هم ام المصاايب الله لايسامحهم وانشاءالله ترجع فيه الظلمة والله ظااااااااالميييييييييين النظام ماشي ع ناس ونااااااااااس آآآآآآآآه يالقهررر
حسبنا الله ونعم الوكيييييييييييييل..
اخر زمن والله..








ومشكوررررررة عسولة بس لاحياة لمن تنادي ..
تقبلو مروري ..

[منتسبة !!]

حسبي الله ونعم الوكيل ...

وكمان نحنا الانتساب معاملتهم لينا زفت مرا .. وفلوسنا الـ 3000 هادي قد رواتبهم واكتر

لكن شايفين نفسهم مادري على ايش هما على حقون الشؤون اللي ما ينقصو عنهم بحاجه

الجامعه من سنه لسنه بتتدهور مو معقوله ماحد شايف او سامع ؟؟؟؟؟؟

[سواليف ليل]

والله أنا معاكم بكل كلمه تقولها ومستعده أسوي أي شي

بالذات طريقه الاخلاء أنا مره قهرتني والله حرام عليهم كدا المفروض ما يطلعوا البنات يخلوهم في الدور التاني

لا سمح الله اذا جا شي يكونوا في امان بس من جد تفكير اهبل

[عازفه الناي]

انا شفت شي مرررررررررررررة قهرني
وحدة بوية لابسة بنطلون جو الشؤؤن مسكوها
ولا سولها شي يضحكو معاها عاااااااااادي
بعدين راحو وقامت هيه فتحت عبايتها وتقول هههههههههههههههههها
ما قدرو يسوولي شي
وربي لو وحدة تكلمني لاوريها
اصلا كيف ترضي تشتغل الشغلة الي زي كذا
تا خذي اغراض الناس
ولا كمان تفتشي فيها
لا تعليق اعوذ با الله

[لوحة مفاتيح..]

هههههههههههههههههههههههههههههههههه

ذكرتيني بيوم السبت ...طلبت مني انزع البلاستيك اللي على الكارد هولد

قومت قولت لها يعني بالله ايش تفرق الصورة اذا نزعت البلاستيك عنها ياشيخة الله ياخذك انا اشتريت هالحاملة حقت البطاقة عشان ماضيع وقت لمن افتح الشنطة واطلعها ليك من المحفظة

تقوم تقولي انززززززززززعها ايش هالتخلللف !!!

قامت قالت لا بس الصورة مش واضحة يعني مغبشة

قولت لها اها يمكن جا ندى عليها في الصبآآآآح خخخخخخخـ

الحمار الله يعزكم يفكر احسن منها

قسم اكره جامعة شوفتها

[joudy Abbout]

من جد يقهرو الامن حقكم وربي

كانها شرطي ولارقيب

تتكلم من خشمها ياسلام
على حقوننا يجننو ورحمه قدام حقون الجااامعه