ضع إستفسارك عن كلية العلوم الطبية التطبيقية هنا وستجد الإجابه

[greenheart]

سؤال يا إخوان ملح وضروري جدا

أنا الآن أخوي في قسم المختبرات الطبية وحاب أعرف مستقبل هذا التخصص بالضبط وهل لازال فيه وظائف كثيرة ... اذا في امكانية ترتيب أقسام المختبرات اللي فيها مستقبل الأول في الأول يعني مثلا اشعة مختبرات ادارة

اللي يعرف يفيدنا أكون له من الشاكرين

[M.Alnawar]

أنا نفسي أٌقولك عن آخر دفع اتخرجت
آخر دفعه اتخرجت من المختبرات كلها اتوظفت بس في البعض اتأخر توظيفهم شويه
آخر دفعه من الأشعة = معيدين ومبتعثين
آخر دفعة من العلاج = معيدين ومبتعثين وفي ناس متوظفين
ده من ناحية الأولاد
والكلام أكيد

بالتوفيق

^_^

[نوف18]

كيف طبيعيه الدوام

(وين البنات ؟؟؟)

[*ملاذ*]

السلام عليكم :)

لو سمحتوا ابغى اعرف عن التغذيه الإكلينكيه من ناحية التوظيف ؟؟ يعني مطلوب !!

لانه انا سمعت انه اول دفعه اتخرجت العام ، ماأعرف اذا صح ؟؟!!

وبالنسبه للتوظيف وين ممكن ؟ هل ممكن يكون التوظيف بالمستشفى الجامعي؟؟ ^_^

[موناليزاا]

مرحبا مرة اخرى
في نظام سمعت عنه اسمه الطالب الزائر ممكن توضيح اكثر
و ممكن توضحلي اذا ممكن في قسم الاشعة اقدر اخذ مواد اضافية في السنة الثانية لانو نفس المواد عندنا بنفس عدد الساعات

يعني اقدر ادرس بكليتي الاهلية وكمان عندكم
لانو عندنا بالكلية ماتوفرت مدرسة المادة
وبعدين يعادلوا المواد اللي اخذتها عندكم بكليتي
انا سالت عميدتنا وقالتلي لازم موافقة من الجامعة
اقدر اخذ مواد ولالا؟ احتمال تكون مادتين

وفي كمان سؤال اذا ابغى احول عندكم ايش الشروط المتبعة للتحويل لقسم الاشعة
واسفة على الاطالة
تحياتي للجميع

[M.Alnawar]

البنات راح يكونو بين قسم البنات في الكلية وبين المستشفى واحيانا قليل يجو قسم الأولاد لو كانت في معامل ومهي متوفره في قسم البنات ..

الأخت ملاذ ..
توظيف أخصائيات التغذية يكون في اماكن كتيره منها المستشفيات وشركات الأغذيه ..

موناليزا ..
نظام الطالب الزائر موجود لكن عندنا في الكلية ماراح يقبلو بالذات في قسم الأشعه لأنو الققسم جدا مضغوط ومايستحمل زيادة طلاب ..
عموما لو حبيتي تتأكدي بنفسك ممكن اجيبلك رقم الإدارة تكلميهم بنفسك مع اني متأكد ألف بالميه راح يقولولك نفس الكلام ..


بالتوفيق للجميع وآسف ع التأخير ..

[miss.NeNo]

الله يسعدك يارب على الموضوع الراائع

وانا مررا حابة اتخصص اشعة احسو ممتع جدا

بس عندي مشكلة ... انا ابدا مااحب الكيميا ولا الفيزيا :(:(

فـ هل ممكن اني امشي في القسم دا ؟؟؟ مع اني افضل العملي جدااا

ومن كلامك انو العملي عندكم مكثف ... ودا الشي حببني اكتر

وحابة اتعمق اكتر في القسم ..

فين تكون سنة الامتياز .. في اي مستشفى يعني ؟؟

وكيف الدكاترة في دا القسم ... ؟؟ وبحث التخرج ؟؟ ... وووووو .... و ايش افضل قسم فيه ؟؟

اتمنى مااكون ازعجتك بأسئلتي :)

بالتوفيق للجميع يارب ^^

[banOta ch!c]

عندي سؤال دحين بعد مااتخصص تقنية طيبة كيف ادخل القسم هما يدخلوني على حسب المعدل ولا يخيروني

ومتى تطلع نتائج تسكين التقنية الطبية

كيف قسم التغذية ابغى احد يفصلي

وكيف الدكاترة

وشكرن

اسفة على الاطالة

[M.Alnawar]

مس نينو ..
بالنسبه انك ماتحبي الكيميا فعادي تخصصنا "الأشعة" مافيه أي كيميا ..
أما الفيزيكس فهي مهمه لكن مو بداك التركيز اللي يكره الواحد بالعكس بكمية حلوه وبسيطه ..
أما الدكاتره فكويسين الحمدلله بإستثناء دكتور واحد وبيروح نهاية السميستر ..
والعملي عندنا كتير ودراستنا جدا ممتعة وفي ناس دخلو وهما مو مقتنعين واقتنعو بعد ماشافو متعة الأشعة ..
إذا عندك ميول للأشعة بدون ماتفكري وحتدعيلي في الأخير :) ..
سنة الإمتياز في الكلية كلها انتي تنقي تبغيها في أي مستشفى ..
وعندنا في الأشعة ممكن تاخدي تدريب صيفي في أي مستشفى ..
بحث التخرج لا تشيلي همه انا دحين فيه كله يهووونن حتكوني شبه متفرغه للبحث ..

أتمنى إني جاوبتك على اسئلتك بالتوفيق ^_^


بنوته ..
لما تتخصي أول يوم حيكون غالبا في جوله تعريفية عن التخصصات بعدين بتحطو الرغبات ..
تاني يوم أو تالت يوم بالكتير بتنزل التخصصات ..
وغالبا كل واحد حسب رغبته إلا إذا اتعبى قسم ..
قسم التغذيه ما افتيلك في الدكتورات لكن رئيس القسم دكتور ونعرفه وجدا طيب ..

بالتوفيق ^_^

[JuStice]

.

السلام عليكم ,

يعطيك العافية أخويا محمد على الوقت اللي بتبذله في مساعدتنا ..

كنت أبغا أسألك عن التدريبات الصيفية كيف نظامها بالزبط ؟ كيف أسجل فيها وفين ومتى وهل فيها رسوم ولا مجانية من الكلية ؟

وكم مدتها ؟ وهل أقدر آخدها الصيف الجاي دا ولا ما ينفع عشاني لسا سنة تانية ؟

وجزاك الله كل خير

.