من أمن العقاب أساء الأدب ( صوره )

[dre]

السلام عليكم يا حلويين
كيفكم وكيف الاختبارات معاكم ..
وكيف حال المتخرجين والمتخرجات d:d:d:


زمان ما كتبت موضوع
وبصراحه مع زحمة الاعضاء ,وإختفاء بعض الاعضاء,
وزحمة الدراسه ما سرت اكتب كتير

عموما ندخل في الموضوع
اليوم وانا ماشي عالجامعه , وبالزبط في السليمانيه جمب ماكدونالدز
لقيت منظر ( طبعا مو جديد ) لكن من جد يبينلكم قد ايش إحنا ناس نظاميين


_

_

_

_

_

_

_

_

_

طبعا يا جماعه هدا دوار صغير وقدام باب ماكدونالدز على طول.
بس العجيب في الموضوع انو كان ماشي قدامي عادي وطلع
الرصيف عااادي ووقف فوقو مره عادي .. وراح دخل ماكدونالز عااادي

ومع إني نادرا استخدم الكاميرا
وما قد صورت بالكاميرا ( منظر في جده )
لكن حبيت اصور السياره على الماشي
وانزلها ليكم





سلام

[بدرالبدر]

هلابك والله

ماشاء الله اعتقد لو تدخل داخل جمجمته تحصل الخلايا حقته ماشيه بدوون نظام اصلاً

ادع لهم بالشفاء العاجل ..

والله حقهم اسحب ابو السيارة واعلقها باقرب اشارة عبرة للبقية

شيء يقهر |:

الله يعينك على هالاشكال :::::::

[فااارس]

جات عليه يعني !!

كل شئ عندنا بلا نظام,

[سوسا]

وييييييييييي


يا قوة وجهو


امكن هوه اللي عامل الرصيف كمان علشان يوقف عليه وقت ما يبغى تجي منو برضو




يسلمو على الصوره الفله

[dre]

بدر ... اصلا مافي عقل خلقه
والمضحك في الموضوع انو مركز الشرطه مرره قريب ههههه
قال ايش مركز شرطه

فكرتني مره كان وينيت مرمي جمب بيتنا مكسسسسر
وعليه رقم شركه .. وقعد كم يوم واقف قدام البيت وحالتو بالبلى
رحت دقيت على الرقم وسألت الشركه ليش موقفه عند البيت
قالولي : فيييين لقيتها السياره دي مسروقه وبلغنا عنها
قلتلهم : كيف بلغتو عنها وجمبنا قرييب مركز شرطه وكل
يوم سياره شرطه تمر من قدام البيت ؟؟

ههههههههه شي غريب

___________________

فارس : صح كلامك والله

___________________

سوسا: اشبو اصلا عندو وجه

[UMAR]

ماادري اشوف انه عاادي
ماغلط على احد ولا ظايق احد
(وجهة نظر)

[بنت الغالي]

الحمدلله سبحان الله الله اكبر لااله الا الله

[dre]

Umar
وحده من الاتنين
يا انت صاحب السياره
يا انت دايما تسوي زيو

ادا من جد شايفها شي عادي
وانت جامعي كمان ..تبقى مصيبه

[italy boy]

ياسيدي وانت بتمشي بشوراع جده العزيزه
غمض عيونك
ووسع صدرك
وكبر راسك


مشكورdre

[UMAR]

المشاركة الأصلية كتبت بواسطة dre umar وحده من الاتنين يا انت صاحب السياره يا انت دايما تسوي زيو ادا من جد شايفها شي عادي وانت جامعي كمان ..تبقى مصيبه

لا حبيبي لاني صاحب السياره ولا اعرفه ولا شفتها قبل كذا
بعدين انا قلتلك هذي وجهة نظري الشخصيه بتقبلها ما بتقبلها هذا شيء راجعلك
يعني ماششفته غلط على احد ولا ازعج احد
((وجهة نظر لا أقل ولا اكثر))