سؤال مهم عن التغزية

[روووني]

هاي بنات ...

الحمد الله انقبلت تغزية وابغ اسالكم عن القسم حلو ولا لا؟؟؟

وابغ اسال فيه امكانية اني احول حاسب بعد ترم لو جبت معدل عالي يعني لوما عجبني القسم ولا لا؟؟؟

وايش رايكم في دي المواد...واخدها مع مين

عربي 1
ثقافة 1
علم نفس عام
اسس تغزية
وكمان ابغ مادة سهلة اقدر ارفع فيها معدلي..

وثانكس...

سوري كتبت من معرف اختي

[[:مريــم:]]

انتي مسار اداري ولا علمي

[روووني]

علمي .........

[cinnabon]

المشاركة الأصلية كتبت بواسطة روووني هاي بنات ... الحمد الله انقبلت تغزية وابغ اسالكم عن القسم حلو ولا لا؟؟؟ وابغ اسال فيه امكانية اني احول حاسب بعد ترم لو جبت معدل عالي يعني لوما عجبني القسم ولا لا؟؟؟ وايش رايكم في دي المواد...واخدها مع مين عربي 1 ثقافة 1 علم نفس عام اسس تغزية وكمان ابغ مادة سهلة اقدر ارفع فيها معدلي.. وثانكس... سوري كتبت من معرف اختي

هلا خيتو شوفي دا رابط للموضوع يفيدك

http://www.skaau.com/vb/showthread.php?t=80596

والتغزية عمومن حلوة والكل دي الايام رااغب فيهااا

بالنسبة للتحويل للحاااسب والله ما عندي فكرااا بس زي منتي عااارفا الحااسب يطلبوو في معدل مررا عالي

وبالنسبة للموااد حاولي تااخدييها ع حسب مهو محطووط في الخطة

وعلم نفس عاام ماتعطيها غير استازة هيفااء هزازي

واسس تغزية انا اخدتها مع الدكتورة هاالة خطااب بس مدام نازلة مع دكتورة امل عبد الرازق خدييها لا يغرك انها عصييبية بس هياا مررة طيباا

اما الثقاافة انا اشووف مايحتااج لييها تنقية بس ازا في صباح العرفي خدي معاها

العربي انا اخدتو مع استازة وفااء الجحدلي شرحهااا مررة ممتاز ماشاء الله وكانت تعطيينا تدريباات وتحلها معانا

[روووني]

تسلمي سينابون الله يعطيك العافية...

طيب امل عبد الرازق شرحها حلو ولا لا؟؟؟ وهيفاء هزازي كويسة ولا لا؟؟؟

وانت ايش رايك بالجدول يعني حلو ولا لا؟؟؟ لاني ابغ ارفع معدلي

المواد الي انا مختارتها سهلة ولا صعبة؟؟؟

وكمان ياليت لو تقترحي علي مادة كدا سهلة ترفع معدلي لاني اخترت بس اربعة مواد وانا ابغ خمسة...

وثانكس فيري متش...

[cinnabon]

انا اخدت مع امل كمياء حيوية وكمان باخد معاها بحث وشرحها ماشاء الله كويس

بس دوبي شفت الجدول انها محتطي وحتعطي هاالة وعتااب

حاولي تسالي عن عتاب بلاشي من هالة <<<< متعقديين منها :s

و استازة هيفاء هزازي تفهم ودايمن حتسمعييها تحكيكي عن اولادها

بس ترى المادة كتابها كبير ودش كلام وما ينفع تزاكري فيها رؤووس اقلام لازم تقري كل الكتاب

لانها تجييب اسئلة من بيين السطوور وانا اخدت معاها a

واسس تغزية يبغاالها مزااكراا اول باول لانك لو راكمتييها حتتخلبط المعلومات ع بعضها

بالنسبة للجدول عمومن جيد

وازا تبي مادة شوفي مدخل اقتصاد منزلي مادة مافيها اختباار الا في النهاااية وباقي الترم تاخدي درجات ع الحضور والواجبات الي تعمليها

[jojetta]

أهلين روني،
آسفة بس نفسي أسأل البنات عن استاذة في مادة العربي 1 استاذه حسناء القحطاني كيف شرحها واختباراتها ؟

اتمنى تفيدونا،

شكرا روني:)

[روووني]

خدي راحتك عادي....

وانا قبل شوية طلعلي عربي 1 مع سارة بادحدح وحابة اعرف يعني هي كويسة ولا لا؟؟؟
وطلعتلي مادة احياء دقيقة وابغ اعرف حلوة دي المادة ولا لا؟؟؟ واخدها مع مين ؟؟؟ وتناسب مع جدولي ولا لا؟؟؟

وشكرا بنات.........

[cinnabon]

المشاركة الأصلية كتبت بواسطة روووني خدي راحتك عادي.... وانا قبل شوية طلعلي عربي 1 مع سارة بادحدح وحابة اعرف يعني هي كويسة ولا لا؟؟؟ وطلعتلي مادة احياء دقيقة وابغ اعرف حلوة دي المادة ولا لا؟؟؟ واخدها مع مين ؟؟؟ وتناسب مع جدولي ولا لا؟؟؟ وشكرا بنات.........

هلاااا روووني شووفي في المرفقااات المفرووض تااخدييها دا السمستر

وانا ما انصحك تلعب فييها

لانو لو اخدتي كييفك ما حتتخرجي ودا الكلام داايمن اقوولووو لانو نحنا عندنا معااامل

وفي معايا بنات من دفعتي حيتخرجوا بعدي بسبب انهم ما يمشوا ع الخطة

وبالنسبة لمادة الاحياء ما تعطيها غير استازة رباب مدني وحتحبي التغزية منها
ماشاء الله انساانة فااهمة وشاااطرة بس انا ما اخدت المادة معاها اخدتها مع استازة تانية

وبالنسبة للعربي ترى اسئلة الاختبار موحدة بس اهم شرح الاستازة وانا ما عندي فكرا عن دولا الاستازتين لانو دايمن بيتغيرواا الاساااتزة

[روووني]

طيب مشكورة سينابون

شورك وهداية الله >>>>>> سرقتها من المسلسلات الخليجية ههههههه

طيب تعرفي استازة كويسة لمادة كيمياء عضوية ولا لا؟؟؟

ومرة شكرا....