الحفل الختامي لأنشطة الطالبات ...لايفوووتكم

[نسووومة]

السلام عليكم ورحمة الله وبركاته

كيفكم يابنوتات ... أنا أحس نفسي سرت سفيرة الجامعة هنا ... ماشاءالله عليا أول بأول بأقولكم عالحاجات الحلوة اللي بالجامعة ... شفتو كيف عشان احبكم وابغاكم تنبسطو وتستفيدو ...ومن جد الجامعة فيها حاجات حلوة ...

يلا مااطول عليكم ,.. وشوفوا الصورة منها تعرفو المضمون ^_^

يلا عاد بانتظاااااااااااااااااااركم ... لازم تجو ترى دايما الحفلة الختاميه للجامعه تكون الـ واااااو ...

وان شاءالله السنه دي تكون حلوة باين عليها كده من البدايه ....


تحياتي لكم ياحلوات

[Naser]

هلا أختي نسوومة

يعطيك العافية على الخبر
وإن شاء الله عضواتنا يحضرو الحفل و يكتبو تقرير مفصل


إستمتعو :)

أدمن

[نسووومة]

أهلا بيك اخويا

نورت الموضوع ^_^

ياريت والله لو نعمل تقرير بالصور كمان <<<<حنفرش

ان شاءالله يكون حلوو .. ويحضروه البنوتات ...

تسلم على جيّتك وردك :)

[!!توصي شيء!!]

نفسي أحضــره بس للأسف مسافره لأهلي ،،

يالله ،، خيرها بغيرها ،،

يسلمو يا قمر على الإعلان الحلووو ،،
.
.
أختك
!!توصي شيء!!

[نسووومة]

يلا ان شاءالله تنبسطي عند اهلك

اهم شي انك تنبسطي سواءا هنا ولاهناك ^_^

والعفو ياقلبي ...

شكرا لردك :)

[روح البنفسج]

يلا ان شاء الله نشووووفكم بكرا

[نسووومة]

ان شاءالله ياقلبي

[سعودية]

سلاااااااااااام
زي كل سنة تسوي جامعتنا جامعة الملك عبد العزيز بجدة حفل ختامي لأنشطة طالبات اللجان وهذي السنة كان الحفل أمس الخميس 10/5/1429هـ وكلمة حلو أو رائع أو جميل قليل فيه بالمرة
من بدايته كان متألق ورائع في ترتيبه وتنظيم الحضور
اُفتُتح بمسيرة طالبات اللجان وبدأ الحفل بتلاوة آيات من القرآن الكريم ثم بعد ذلك كلمة عميدة شطر الطالبات وبعدها جاءت الفقرات ورا بعض ومن ضمنها فقرة برنامج "عالم مضحك" اللي فطسني من الضحك هههههه وبالأخص فقرة أم عصمان ههههههههههههههه وكان يتخلل الحفل الإستعراض "الإستعراض" كان شيء ثاني كان هو الأروع وأكيد اللي محليه القائدة *ســــــــــــــــــــارونا* الإستعراض طلع بعد الله ع إيدينها واللي معها غير بالمرة عن السنة اللي راحت بكل شي بالحركات والملابس والتنظيم يسعدها ربي قولوا آمين..بصراحه أنا أحبها مرة وأتمنى أشترك معها الترم الجاي .....وطبعا في الأخير كان تكريم أستاذات وطالبات اللجان
وأحب أشكر كل من ساعد وعاون في ظهور الحفل على هذ الشكل اللي ماتحسفت إني حضرته أبد أبد بالعكس تحمست للسنة الجايه من الحين <<هههههههههه

[نسووومة]

هلا بك اختي سعودية

فعلا كان الحفل راااااااااااائع بمعنى الكلمة

هذا ثالث حفل ختامي احضره بس كلمة حق اقولها انه أحلى حفل

كان منظم وراقي والعروض الرياضيه متعوب عليها وسارة ماشاءالله عليها كل سنه تبدع أكتر بس السنه الجايه ياخساره راح تتخرج بس ان شاءالله تيجي تساعد في التدريب او تشتغل بالجامعه ..

مرة تسلمي ياحلوة على مرورك وتعليقك ... وان شاءالله السنه الجيه يكون احلى واحلى :)

[سعودية]

مرة تسلمي ياحلوة على مرورك وتعليقك<<لا العفو أنا لمى قريت الموضوع تذكرت الوناسه في الحفل وتحمست ودخلت أكتب أنا بنفسي التقرير
وسارة ماشاءالله عليها كل سنه تبدع أكتر<<<<
بس السنه الجايه ياخساره راح تتخرج <<<<
بس ان شاءالله تيجي تساعد في التدريب او تشتغل بالجامعه ..<<<<أن شاء الله يااااااااارب

سلاااااااااااااام ياعسل