مكتبة الشقـــري.... احذر.....

[veroo]

طبعا كلنا نعرف مكتبة الشقري اللي في عمادة شئون الطلاب

طبعا هدف فتح هذة المكتبة انها تبيع جميع الكتب التي يحتاجها الطالب وبسعر اقل من باقي المكتبات تسهيلا للطالب

المهم في كتاب
Strategies for creative problem solving

لمادة IE 201

من مواد كلية الهندسه
الكتاب هذا تبيعه المكتبة ب 170 ولاحظ ان هذا بعد الخصم
السعر الاصلي 203
حسب كلام الموظف اللي في المكتبة
طبعا اللي اخذ الماده يعرف انه ابدا مو هذا السعر الاصلي

لانه كان ينباع في قسم الهندسه الصناعيه ب حوالي 80 ريال
والظاهر انهم ماصاروا يبيعوه

طبعا لاحظتو كيف الفرق

ومن السهل اليوم ان الواحد يقول اي كلام

لكن اللي يبغى يتاكد يروح يسال في المكتبة
ويسال مكتبة المريخ تبيعه ب 100 ريال

هذا شي
الشي الثاني لاحظت في كتابين ان الكتب جودة طباعتها سيئة جدا ؟؟

والكتاب الاول : قاموس اكسفورد انجليزي - انجليزي - عربي(وهو بالمناسبة قاموس رائع اي طالب يحتاجه)
شوف كيف جودة طباعة القاموس اللي عندهم
وكيف جودة الطباعة في اي مكتبة ثانيه زي جرير او تهامه
في فرق كبير في الالوان؟؟؟

والكتاب الثاني نفس الكتاب اللي ذكرته فوق

ان ماادري اذا غلط مثلا الموظف او...
بس هذا الشي اللي حصل....

[AbO FahaD]

الصراحه الدكتور اليوم حق الديزاين عاد هالعباره الفين مره الكتاب تشتروه من فين
مكتبة الشقيري
الين حسيت ان المكتبه له؟؟
يمكن لهم نسبه

بعدين ليه تتعب حالك وتشتري جديد
انا عني باخذه من الشباب الحبايب اللي سبقوني
اذا تبي ندبر لك واحد بسعر مناسب
>>>>>>>مافيه شيء مجانا
بعدين مي حلوه تشهر بالمكتبه كذا وتتسبب في قطع رزقهم
مع ان الارزاق بيد الله
لكن مالك ومالهم

[veroo]

ما تسببت بقطع ارزاق احد

لكن اذا الواحد شاف شي سلبي لازم يقوله
واذا شاف اي شي ايجابي برضو لازم يقوله



وجميع الطلاب يثقوا في المكتبه ثقه عمياء
على اساس انها من الجامعه

فاذا صاروا هم ما احترموا الثقه لازم الواحد يبين

يعني اظن فرق 70 ريال فرق كبير جدا
وحرام الطلاب ينضحك عليهم

وبالنسبه للدكاتره ما اعتقد ان لهم اي علاقه
هم بتجيهم المعلومات ان الكتاب في المكتبة المعينه
فيقولوا للطلاب عشان يسهلوا عليهم


ولا زال انا عندي احتمال ان الموظف كان غلطان في السعر.....

[خالد]

معقول فرق شاسع بين 203 و 100

جدا ً فرق كبير

و80 ريال برضو

الصراحة ماعرف لكن حرام 203 ريال قبل سنتين كان أرخص بكثير

لكن الله يذكر الهندسة الصناعية بالخير لما كنت طالب في القسم

اشتريت كتاب الأكونمي ب 70 أو 80 ريال وهو سعر رخيص جدا ً بالنسبة للخارج

وعندهم كتب كثيرة عند السكرتيتر


لكن لو كان كلامك حقيقة المفروض تصحح المعلومة عند الدكتور أو تعطيه خبر عن اللي يصير
ومدام الكتاب متوفر يعني مالهم أي حق يرفعو السعر

لكن 203 شكل اللي يبيع لك غلطان بالسعر لانو مو معقول

[AbO FahaD]

رحت له اليوم
قال الاثنين بعد الخصم 174
بالنسبه للطباعه ترى كل الطبعات كذا الشباب قالوا لي الاوراق بتتقطع على طول
لكن مالي نيه اشتريه
الا ان جانا الدكتور بنغمه جديده وقال لازم كتاب جديد

[veroo]

انا اليوم رحت اشتريت الكتاب من مكتبة المريخ ب 100 ريال

[DES13]

معاك حق يا Veroo الغشاش مستغل الطلاب يستاهل الفضيحة

وشكرا على المعلومة
أنا رايح اليوم دار المريخ

...

[موووودي]

الله المستعان الطلاب هم اللي يروحو فيها ؟؟

[DES13]

يا Veroo ما رقيت الكتاب في مكتبة المريخ ويقلي مو موجود أصلا عندهم

مني فاهم ليش

أبغى منك رد بسرررررررررررررررررررررررررررررررررررررررعة

[veroo]

كيف يعني
انا اشتريت الكتاب امس

بس تاكد:
1- مكتبة المريخ اللي عند الاسكان رقم تلفونها6524682
2- اطلع فوق لقسم الكتب الانجليزية
3- طبعا انا اتكلم عن الكتاب الثاني اللي هو Strategies for creative problem solving
الكتاب الازرق ماينباع الا عند مكتبة الشقري بثلاثين ريال