" الجدول + الدكاترة + عدد الساعات = كنفيوز "

[Lil Doll]

السلام عليكم ورحمة الله وبركاته ~

اول مره احط موضوع هنا . .

المهم انا دحين مستوى خامس
ومن اول مقررة ايش بنزل بالجدول

ابغاكم تقولولي ايش رايكم فيه وعدد الساعات مناسبة ولا في تأخير
وغير كدا لو تدوني اسماء دكاترة كويسين اكون شاكرة لكم


bioc 312 + cheme 202 + bio 222 + isls 201 +
وبااخذ معاهم مصطلحات طبية

3+4+2+1+3= 13
> عدد الساعات

ساعدو من في الارض يساعدكم من في السماء =(
> باللهي مااحزن =(

[R-Kh]

وعليكم السلام ورحمة الله وبركاتة
...
Bio222
لو لقيتي احد غير د.صباح خدي معاه
د.صباح اي نعم طيبة وتعاملها راقي لابعد حد
بس عيبها انو تعيد الاختبار للغائبات بنفس الاسئلة !
وطبعا اللي يختبروا اول ينظلموا واللي يختبروا بعدين كلهم فل مارك
وميزتها انها تجيب سؤال بونس بـ 5 درجات
...
والفاينال يكون موحد لكل الدكتورات
واحنا شعبتها ما قلتنا انو في رسومات
وطبعا جا سؤال رسومات بـ 10 درجات
ود.سناء ترك و د.فريال بلغوا بناتهم بالرسومات وكدا
...
انصحك بـ د.سناء او د.فريال ولو ما ناسبتك شعبهم
اتوكلي على الله وخدي مع د.صباح
...
بالتوفيق
..
:)

[Dr-Bro0r]

bioc 312 مع د.كريمة وابعدي عن د.وديعة
chem202 خذيها عند د.فاطمة محجوب
ممممممممم واذا ما اخذتي عربي المستوى الثاني نزليه او نزلي اي مادة اختيارية او حرة بثلاث ساعات ,,
وبالتوفيق

[Lil Doll]

^

اممم خلصت العربي
بس افكر اخد مادة بـ 3 ساعات

وشكرا عالمساعدة ماتقصرو

(=

[DNA..~]

bioc 312 + cheme 202 + bio 222 + isls 201 + وبااخذ معاهم مصطلحات طبية 3+4+2+1+3= 13 > عدد الساعات

عدد ساعاتك حيكون 14 مو 13 لأن المصطلحات بساعتين مو ساعه ^__^

و ماقصروا البنات من ناحية الدكتورات :)

good luck

[batbot]

بس احس عدد الساعات قليل
الا اذا انتي ناوية تزيدي ترم

[Lil Doll]

^

يب انا احسها قليلة كمان لووول
عشان كدا بضيف غير عضوية

dna

مدري مين قلي انها ساعه
بس كويس عشان تزيد الساعات ونتخرج بدري

لووووووووووول