◄████▓▒░░~ بنااااااااااات عدد ساعاتي 8 في الأودس .. ~░░▒▓███ ‏

[د/أسمــــاء]

اولا / السلام عليكم ورحمه الله وبركاته..

تانيا /انا نزل ليا الجدول على الاودس انصدمت مراا انو عدد ساعاتي 8 بس

مرا غريبة مع اني اذكر انو ادنى شئ 12 ساعة

والمصيبة انو في مادة اضافوها من عندهم امن وسلامة

مايصير كدا انا لمن عبيت ورقة الحذف والاضافة بس اضفت

فيزياء 2
فيزياء 3
رياضيات 2
عربي 1
ثقافة 1
سيرة النبوية
علوم قران

لا تستغربوا مني لاني ناوية احول بعد ترم ان شاء الله لتخصص تاني
حراام كدا طيب اوكي فيزياء 3 مو مشكلة عادي
بس 3 لوحدها بدون 2 صعبة
ما ابغى الصعب 3 ابغى 2 اول

وانا قبل ما اعبي الورق كلمت المشرفة اني ما ابغى معامل ابدا لا فيزياء ولا كيمياء ولا امن وسلامة

وهدا جدولي
انا اصلا ماعندي جدول على الاودس من اول >> قبل ما رحت للمشرفة طبعا فما صار حذف على الورقة



يمكن عشان لسا ماوسعوا الشعب صار عندي 8 ساعات مو ؟؟

طيب .. لمن اروح للمشرفة عشان احذف امن وسلامة حتحذفها ليا ولاخلاص

لاني سمعت انو يوم السبت مافي تعدييييل صح الكلام

مع اني عبيت الورقة يوم التلوت تاني اسبوع .. واليوم نزلو الجدول
للمعلومية انا في الفيصلية
ردوا OK
وبـــــــــــس
سوري على الاطالــــــــــــــــــــة

[آحتآجك]

راجعيهم وشوفي وان شاء الله يكون مفتوح الحذف والاضافه بسس روحي من بدرري

[LeLou]

أنا السيميستر إللي فات رحت نزلت جدولي ثاني أسبوع يوم السبت..
فإن شاء الله يرضوا..

ثاني شي إنتي تبغي تحولي على أي تخصص..
لأنك لو تبغي تحولي المواد إللي منزلتها ما تنفع ترى..

ثالث شي إنتي في الفيصلية؟!

رابع شي،، لمعلوماتك فيزياء 203 أسهل من 202 هذا من وجهة نظري و من وجهة نظر الأغلبية..
202 أساسيات كهرباء و مغناطيسية فيها دش و هرج و قوانين و يبغالها فهم مزبوط و لا ما راح تمشي..
أما 203 صح كمان يبغالها فهم بس تتكلم عن الديناميكا عمومًا،، حركة الموائع و الموجات و الحركة التوافقيه البسيطة و الصوت و البصريات و الغازات..
يمكن إنتي سبحان الله تشوفي 202 أسهل،، أنا كانت بالنسبة ليا أصعب بسبب الدكتورة الله يهديها..

بالتوفيق يا عسل||~

[$chocolate$]

8 ساعات مرأا ماتخارج قليلة

شوفي الأمن والسلامة جدددن سسهلة وبسيطة وأنا أخذتها بالعربي

وتجيبي فيها الفل مارك بإذن اللّـﮧ

لكن لو إنتي ناويا تحولي لتخصص تأني مو فِيّ العلوم

فـ حاولي تأخدي مواد حرة مَ‘ـَُنّ نفس القسم اللي تبي تحوليلو

أو مواد عامة بحيث إنو ساعاتك تزيد شويتين وماتنضعطي بعدين

والله يسسهلك ويوفقك ••

[Pr!ncess]

{ أضيف على كلام البنات
رآجعي الشؤون واتركيك من المرشدآت , مرمطه ع الفاضي وبدون فايده
الله يوفقك ~

[~..candy..~]

اذا انتي قدمتي الورقه من الاسبوع اللي راح اكيد بتسويلك
وروحي الشؤون يحذفو الاسبوع الجاي اذك بعد فتره تقريبا ثلاث اسابيع في حذف من عند الوكيله

[د/أسمــــاء]

شكرا لكم بنااات
انا رحت السبت وتعدل لــ 12 سااعة >>>سوري تاخرت في الرد النت عبيييط

الف شكر لكم نورتوني