هل الي يدخل كلية الطب يضمن انه راح يكون طبيب

[~Me~]

السلام عليكم ورحمة الله وبركاته

واحد من اصحابي يبغى كلية الطب

بس هوا خايف من شي

إنه إذا انقبل فيها في الأخير يحطوه مثلاً تشريح ولا أشعة ومدري ايش < مالي في الطب

هل وقت التسكين يقدر يضمن إنه راح يكون طب جراحه مثلاً أو طبيب نساء وولادة

ولا فيه منافسه بعد المنافسة حقت الطب !!

أتمنى تفيدوني لأن الطالب ما شاء الله عليه مجتهد حتى ما عنده وقت يدخل المنتدى

[~Me~]

بعد دخولي موقع الجامعه

شفتهم حاطين الطب قسمين قسم العلوم الطبية الأساسية

وقسم العلوم السريرية < هذا الي يبغاه

و يبغى يكون يعني دكتور يتبع الكادر حق الدكاتره ( يعني راتب عالي )

وما يبغى يكون في العلوم الطبية الاساسية هل يقدر يضمن هالشي ؟

[A.A.Y]

وعليكم السلام ورحمة الله وبركاته ..

فيه تخصصات طبية كثيرة, وحسب معرفتي الشخصية عندك :

- طب وجراحة .
- طب أسنان .
- صيدلة .
- العلوم الطبية التطبيقية ( علاج طبيعي, أشعة, طب طوارئ, طب مختبرات ) .

وفيه تخصصين جديدة ( صحة فم وأسنان - مساعد طبيب أسنان ) .

[أسرار سامي♥]

السلام عليكم الظاهر انه ما عنده فكره عن طريقة التسكين
في حال قبلوه في كلية الطب بإذن الله يضمن انه يسير طبيب
بعد مايخلص ال7 سنين في كلية الطب
يتخصص " نساء و ولاده , أشعه , جراحه , عظام "
وهو يختار مافي شي اسمه يحطوه
تخصص علوم طبيه أساسيه أول سنه يدرسوا ع طلاب الطب
و يتخرج باحث
وٌ خليه يشد حيله و يتوكل على الله سبحانه
وُ ان شاء الله يضمن انه ينقبل في كلية الطب ()
و في حالة ما قبلوه في كلية العلوم الطبيه التطبيقيه يتخرج أخصائِي
لكن له تعامل مع المرضى وله عياده "عكس العلوم الطبيه الأساسيه"
والله الموفق

[~Me~]

^ يعطيكي العافيا

هوا يبغى جراحه او نساء وولادة

يعني مافي منافسه عليها ؟

لاني لما سألت طلاب كلية الهندسه بحكم إني أبغاها

قالولي تنقبل هندسه عامه

وتدرس سنه وبعدين تنافس كهربائية و ميكانيكيه يعني مره ثانيه زي المنافسه على الكليات

[Mirinoxd]

< أمما عاد الهندسة كذا :(

بالنسبة للطب لا, لانو كل الطلاب يدرسوا طب عام لين يخلصو 7 سنوات
بعدين هو اذا حب يكمل ف التخصص الي يبغاه يتخصص سواء هنا ولا خارج المملكة

[~Me~]

المشاركة الأصلية كتبت بواسطة mirinoxd < أمما عاد الهندسة كذا :( بالنسبة للطب لا, لانو كل الطلاب يدرسوا طب عام لين يخلصو 7 سنوات بعدين هو اذا حب يكمل ف التخصص الي يبغاه يتخصص سواء هنا ولا خارج المملكة

أوكي مشكوره ما قصرتي