ادارة عمليات محاسبه2 تحليل كمي تحليل احصائي نقود وبنوك وفلك .. مشورتكم بليز

[sara*]

السلام عليكم

كيفكم وكيف الجداول معاكم
ابغى استشارة منكم بليز

(داخله من يوزر اختي :) )

انا هذا جدولي لتخصص اقتصاد مسار اقتصاد اعمال

ادارة عمليات
محاسبه2
تحليل كمي
تحليل احصائي
نقود وبنوك

وبضيف ماده حره

سؤالي هو انو شرايكم بحكاية تحليل كمي وتحليل احصائي سوا
صاحبتي قالتلي انو مره صعب كذا

انا باقيلي 14 ماده عالتخرج واغلبها زي مانتو عارفين مقفله بسبب تحليل كمي واحصائي
ومعدلي مره مابغاه ينزل عرفتو ولا ابغى انضغط بزياده لاني ماانتج بالضغط :/ :/

بليز افيدوني وانصحوني ايش اخد وايش احذف حتى لو غير هذول المواد

كمان شغلة

مادة فلك نازله عندنا كـ مادة حره ولا لا ؟؟؟؟


وتنصحوني احذف الكمي ولا الاحصائي؟؟؟
الله يعطيكم العافيه وانتظظظظررركم

[سمـــســـووم]

التحليل الاحصائي دروسه بشكل عام نفس دروس الاحصاء حق السنة التحضيريه مع شوية تفصيل ،،،

وعندك التحليل الكمي دروس تعتمد على رياضيات 111 تقريبا

والله يسهل لنا ولك

[أبــــرار]

كيف 14 ماده ولسا ما اخدتي تحليل احصائي و كمي =\

لانو دي المادتين متطلب لكتيييييييييييير مواد ..

في حاله وحده تخلي تحليل كمي واحصائي سوا تخففي من جدولك وتخليه 5 مواد كدا بس

لانها الاتنين تحتاج وقت غير الدورتين حقتها اللي لازم تاخديها

[sara*]

^
مواد الاقتصاد فيه شي متطلبها تحليل كمي واحصائي
وفيه مواد متطلبها اقتصاد كلي وجزءي :)

شكرا والله يعطيكم العافيه