يلاا ادخل واكتب ايش اللي صاار ؟

[..ريما..]

المشاركة الأصلية كتبت بواسطة meeroo اول يوم مرررة مو حلو وما حيتنسي ابدا لانو طبعا كلو من بدايتو لنهايتو وانا تاايهة ماني عارفه شي والشمس ياسلاااام شوي ولا احلى والاختبار كان جييد ..اممم وبس meeroo

يلاااا يااعمري رااح تتعودين على الشمس وإن شاء الله تتعرفين على بنت تكون عون لك


دمتي

[thekrayat]

يعطيك العافيه

[3aloo]

ام احم احم انا والله كذا كنت مستغربة المبى والبنات والجو وفجأة الاختبار واو قطعوا التأمل ياهو نيوتن انت المهم وانا وصحبتي مرا موعارفين المباني وكل مانوقف سيارة يتجمعوا البنات وتروح علينا هع هع وفي النهاية قررنا نجري وراها وشي والله ولا احسن فيلم اكشن والاختبار الحمدلله ماادري طبعن الحل كيف بس مشي مشي ....وبث
عالية

[..ريما..]

المشاركة الأصلية كتبت بواسطة 3aloo ام احم احم انا والله كذا كنت مستغربة المبى والبنات والجو وفجأة الاختبار واو قطعوا التأمل ياهو نيوتن انت المهم وانا وصحبتي مرا موعارفين المباني وكل مانوقف سيارة يتجمعوا البنات وتروح علينا هع هع وفي النهاية قررنا نجري وراها وشي والله ولا احسن فيلم اكشن والاختبار الحمدلله ماادري طبعن الحل كيف بس مشي مشي ....وبث عالية

ههههههههه كلنا البنات كذا محد حل

مااافي وحده قبلتها قالت حليت


دمتي

[fahoooode]

طيب يصير احنا الأولاد نقول

لانى انا عوتقي بالجامعة وكان يومى الإول حافل بالأنشطة الأكشنية

ماأخرب التشويق اذا يصير الاولاد يقولوا قولوا

[® βutteяfly aηgel«~.]

هههههههههههههههههههه اما اللي كانت بتصدمها السيااره رهيبه_ الحمدلله على سلامتك _
اما انا قصتي قصه
اول اختبار الانجليزي كان رايح فامه كنت حختار d وهو اصلا مافي جواب d من الاسااس >> من زود الشتاره بعيد عنكم
والليسننق كانهم فاتحين اف ام ان كان فهمت كلمه بس سويت حادي بادي

واول يوم درااسه كان كااااااااااااااااي
كنت ادور على مبنى ومنى عارفه فينه سالت بنات كانوا معايا في الكلاس اللي قبله قالتلي امشي ورانا
قلت ورانا ورانا
هيا تمشي وانا وراها
بعدين شفتها ركبت القولف كار هيا صحباتها وما كفا راحت وسابتني
هيا راحت من هنا وانا ابكي من هنا
<<<جرحت احاسيسها

لا يريتها جات على كذا بعد ما وصلت الكلاس دخلت لقيت البورد كله كلام انجليزي وهذه اول محاضره احضرها وعلى اساس انها ريضيات خخخ
حطيت شنطتي وبكييييييييت خخخخ
بعدين خلصت ابغى اخرج من الجامعه

وهنا الكارثه ..
نسيت ايت بوابه دخلت منها
ههههههههههههههههه
بس بالقوه افتكرتها رجعت البيت نمت يومين خخخخ
وطبعا كانت نفسيتي مييح
وان شاءالله اتاقلم واحفظ المباني وما احتاج لاحد خخخ
يعطيكي العافيه يااقمر عالموضوع الروعه زي صحبتو

[..ريما..]

المشاركة الأصلية كتبت بواسطة fahoooode طيب يصير احنا الأولاد نقول لانى انا عوتقي بالجامعة وكان يومى الإول حافل بالأنشطة الأكشنية ماأخرب التشويق اذا يصير الاولاد يقولوا قولوا

اكييييييييييد تفضل