مشكله

[Bshbosh]

السلام عليكم
وكل عام وانتم بخير >>ادري بدري
المهم بدخل بالموضوع على طول
طبعا انا بالاحصاء اسم دكتوره معينه وضغطت نفسي بالوقت عشان الدكتوره وكدا واليوم فتحت لقيت اسم الدكتوره مو هي :( حطولي سلافه بالاحصاء وكنت ابغى تغريد ولمن جيت بسوي استبدال مافي اسم دكتوره تغريد وبعرف دحين ايش اسوي لاني ما ابغى اغامر صراحتن لانو الاحصاء لازم وحده تمام وكثير قالو مايجي من الكتاب كلو من الشرح فأبغى احذف الماده ومافي ايقونه حذف
ياليت احد يفيدني :(

[الهيملي]

وعليكم السلام ورحمة الله وبركاته

وأنتي بخير

هدي على نفسك وراك متحمسة


أولا: إذا كنتي ماتعرفين تحذفين هذا فيديو يوريك الحذف






ثانيا : لا تخافي حتى لو قفلوا الحذف والإضافة بداية الدوام فيه تقريبا أسبوع ونص تقدرين تعدلين وتضيفين على كيفك .

ثالثا : ممكن يرجعون الدكتورة , ممكن تكون الدكتورة الثانية جيدة ., والإحصاء تقدري تفهميها حتى لو كنتي فالبيت والمنتدى فيه مواضيع كثييييرة تشرح لك بالحرف كيف تسوين وهذا ملف رفعته لك ألحين وراح يفيدك جدااا وأنا كنت أسحب عل الدكتور وأذاكر منها




برضوا خشي على هالمواضيع حتفيدك :

http://www.google.com.sa/cse?cx=part...271&gsc.page=1


رابعا : خشي على الأودس -التسجيل -استبدال الشعب بدون تعارضات وتقدري تبدلي الشعبة .

أخيرا : لازم تتعودي على الموضوع مو كل ترم حتلاقي الدكتورة اللي تعجبك بعض المواد ماعندها غير دكتورة واحدة .

بالتوفيق.

[Bshbosh]

^ مره شكرا يسعدك ربي واخيرا عرفت احذف
يب قالو اسهل بس بحط بدلها ثقافه لانو ماده سهله وكدا بس برضو بحذفها على الترم الجاي او السنه الجايه عشان اشوف الدكتورات التمام لانو احس اغلبهم جدد فما ابغى ينخفض المعدل
وصح نجرب وكدا بس مش بالمعدل وخصوصا مافي سكاشن زي التحضيري يعني حتى لو دكتورتي ماتعرف تشرح توهقت
ومره شكرا على المواضيع خيو

[الهيملي]

المشاركة الأصلية كتبت بواسطة bshbosh ^ مره شكرا يسعدك ربي واخيرا عرفت احذف يب قالو اسهل بس بحط بدلها ثقافه لانو ماده سهله وكدا بس برضو بحذفها على الترم الجاي او السنه الجايه عشان اشوف الدكتورات التمام لانو احس اغلبهم جدد فما ابغى ينخفض المعدل وصح نجرب وكدا بس مش بالمعدل وخصوصا مافي سكاشن زي التحضيري يعني حتى لو دكتورتي ماتعرف تشرح توهقت ومره شكرا على المواضيع خيو

ماقلت تجربين أنا قصدي تبحثين عن الدكتورة ممكن تكون جيدة وفالنهاية زي ماذكرت بعد ماتخلصين المواد العامة ماراح يكون فيه غير شعبة أو شعبتين وراح تضطرين تجربين بالمعدل .


على الرحب .