لطلاب التعليم عن بعد معلومات مهمه

[جردينيا]

السلام عليكم ورحمة الله وبركاته
حبيت اتكلم عن الدوره التاهليه الي سوها لطالبات التعليم عن بعد والي كانت مررررررررررررررره فاااضيه كنا بنتين بعدين جات بنت وبعدها جو بنتين انا ابغى اعرف هل هما دول بس الي مقدمين في التعليم عن بعد ولا في بنات تانين بس ماجو الدوره لو في وماجيتو لازم اقلكم انو كان لازم تحضرو كنتو هتلاقو اجوبه لكل اسئلتكم بس انا هقلكم ايش صار فيها
شرحولنا كيف نستخدم نظام الايميس والسنترا وقالو لسه السنترا مافي محضرات بس ياريت نبدء احنا نزاكر لانفسنا عشان نكسب وقت وقالو لنا انو كان مفروض يرسلو لنا مسجات على موبيلاتنا تعرفنا موعد الدوره بس النظام كان عطلان وانو لو صار في دورات بعد كده راح يرسلو على موبيلاتنا يطبعا شرحو بلتفصيل كيف نستخدم نظام الايميس وهو الي هنلاقي عليه منهجنا وواجبتنا واختبرات دوريه من الاساتذه والسنترا هوا الي هنحضر عليه المحضرات والواجبات الي تجينا مره مهمه لانو عليها درجات ولازم نحلها هيكون جنب الواجب موعد محدد للحل والاخبارت برضو قالو كلام كتير يبغالو شرح طويل
بس المهم ياريت طالبات التعليم عن بعد كلنا نتعرف على بعض لانو اعتقد عددنا مايتعدى العشرين فخلينا كلنا نتعرف وراح نستفيد من بعض
وانا عندي سؤال هوا السنه الي فاتت طبقو نظام التعليم عن بعد ولا دي اول سنه ؟؟؟
وكمان واحد تاني :في اي مجال انو نحول لانتظام او حتى كانن في مجال انو نحول انتظام؟
ياريت تتفاعلو معايا والي تبغني نتعرف على بعض ترسلي مسج على الخاص عشان اضيفها في ايميلي....
وصح الدورات مستمره لحد يوم الاربعاء

وشكــــــــــــــــــــــــــرا...

[تالا جدة]

اخوي مسجل في التعليم عن بعد وحاولت ادخل في السنترا والايميس برقمه الجامعي لكن ماقدرت..

مادري اختي اذا قدرتي انك تفتحي الصفحة وتشوفي جدولك خبريني وارسلي رابط الموقع

شكرا لك

[ع ـطر]

..

جردينيا

انتِ خطه ب ؟
هل موادكم مثل مواد الانتساب

مهارات اتصال
تنمية مهارات التفكير
احصاء نظري
تحليل احصائي
انجليزي 1

؟؟؟

..

[footn1]

المشاركة الأصلية كتبت بواسطة جردينيا السلام عليكم ورحمة الله وبركاته شرحولنا كيف نستخدم نظام الايميس والسنترا وقالو لسه السنترا مافي محضرات بس ياريت نبدء احنا نزاكر لانفسنا عشان نكسب وقت وقالو لنا انو كان مفروض يرسلو لنا مسجات على موبيلاتنا تعرفنا موعد الدوره بس النظام كان عطلانوشكــــــــــــــــــــــــــرا...

استفسار
متا راح تكون المحاضرات اسبوع او شهر كم
كيف نبدى نذاكر كان سجلنا انتساب احسن
ما فى اى اعلان عن دورات لا فى موقع الجامعه ولا جولات كيف عرفتو

[بوبتي]

اخت جردينيا خوفتيني وبعدين وش هالدورات خلاص انا ببكي كل يوم اكتشف شي يخوف انا جدولي نزل بس ما ني عارفه كيف ادخل على الانظمه وش فايدة السي دي اللي اعطونا اياه وبعدين بدت المحاضرات حقتنا ولا لسه ردي باسرع وقت

[آحساس دلوعه]

الحين فيه محاضره ,,

حاولو تدخلوو ,,’


بس آنا إيميس مايفتح معاي ,,
ماادري السبب من عندي والا من عندهم ..,,’ :(

[بوبتي]

اموت واعرف كيف تعرفون اوقات المحاضرات

[آحساس دلوعه]

المشاركة الأصلية كتبت بواسطة بوبتي اموت واعرف كيف تعرفون اوقات المحاضرات

بوبتي ,, من نظام السنترا ,,’

بس من الساعه 2:30 وآنا في المحاضره لحد قبل شوي ومافي حد دخل وشرح لنا ,,’

[جردينيا]

هاي
اخت عطر انا خطه ب بس المواد الي قلتيها ماعندي ولا ماده منها مره مختلفه موادي
اخت فتون المحضارات هتكون على نظام السنترا الي حضرتو في الجامعه هادي دوره تدريبيه على كيفية استخدام نظام السنترا والايميس هيا مستمره الي يوم الاربعاء وبعدين مسوين اعلان عن الدوره في مقوع الجامعه في عمادة التعلين عن بعد
وياخت بوبتي لاتخافي مافي شي زي ماقلت فوق الدورات دي بس عشان نعرف كيف نستخدم النظامين دول والسي دي ده مجرد سي دي تعريفي بس هوا يعرفك كيف تفتحي الانظمه وتستخدميها
وماواعيد المحضرات تنزل كل يوم على نظام الاسنترا غير انها طبعا موجوده في الجدول الي في الاودس
وشكرا على تفاعلكم وبلتوفيق للجميع

[ع ـطر]

..

جردينيا طيب ايش موادك ؟
؟؟

..