اختبار غريب ادارة مـــعـــاصـــرة Bus 438

[AL-GTHAMI 007]

السلام عليكم ورحمة الله وبركاته

كـــيـــف اخـــتــــبــــار ادارة مـــعـــاصـــرة Bus 438 عــــنــــد الــــدكــــتـــور عــــلـــي الـــقـــحـــطـــانـي


طريقة الاختبار مقالي

جاب سبعة اسئلة و اختار خمسة

كل سؤال يتكون من ( أ ) و ( ب )

كل فقرة عليها عشر درجات =====> الله يستر

بصراحة الاختبار عن نفس صعب و اتمنا اعدي المادة ولو بـــ 60 والله راضي

وشكراء

[& ســـاري &]

سواها فيكم ..


الله يستر منه هالدكتور ..


المتعارف فيه .. بأن طلاب الإنتساب تكون أسئلتهم خيارت وصح وخطأ . (( أختيار من متعدد )) .

[موظف وطالب]

اختبارين ياشباب مهوب اختبار واحد

يوم الثلاثاء كان اختبار قيادة وابتكار

ويوم الخميس كان دراسات ادارية معاصره

صراحة انا انفجعت يوم شفت الاختبار مقالي اول مره يمر علي اختبار زي كذا

وحبيت اتأكد من الدكتور على يوم الخميس وانا اسلم له ورقة اختبار قيادة وابتكار

وقلت له يوم الخميس نفس الشي قالي اي

المشكله اننا شيبنا خلاص وربي انى احفظ التعريف واطلع شوي وارجع ابي اتذكره ما اذكر

الي يقدر يحفظ تمشي اموره يجيب درجه زينه

عموما الدكتور ازين شي فيه انه بإذن الله مااحد يسقط عنده

هذه كلامه دايم

وربي يوفق الجميع

وانا اشوف ان الاختبار متوسط مهوب صعب ولا سهل و الاسئله من المنهج

بس طريقه الاسئلة جديدة

ماتعودنا عليها

[& ســـاري &]

آحنا نبي نرفع المعدل .. نبي نجيب درجات زينه ..


انا ما دخلت صيفي .. إلا عشان ارفع المعدل ..


لو داري ما دخلت صيفي

[AL-GTHAMI 007]

احنا ما اخذنا صيفي الا نبي نرفع المعدل
وفعلا المنهج سهل
المشكلة علي الحفظ مذكرة اكثر من 80 ورقة وكلها نقاط ايش تحفظ وايش تخلي ..

ان شاء الله ننجح في المادة يارب

[ابو الوليد م]

والله يااخواني عن نفسي ارى الاختبار من افضل الاختبارات التي مرت علي في الجامعة

بس اللي ذاكر المادة بتركيز لمرة واحدة راح يجيب مائة بالراحة

انا كنت مقصر في المذاكرة بحكم انها اخر اختبار والنفسية مضروبة

بس الحمدلله عدت على خير

مبروك للجميع النجاح

[& ســـاري &]

آبشركم يا شباب ..

جبت .. 83 بالقيادة والإبتكار ..وآنا كنت متوقع 60


ما قصر الدكتور .. / والله يعطيه آلف عافية ..

[خالد السهم]

الله يوفقك