فزعتكم يابنااات جده

[الشكرلله]

امانه اللي تعرف عن دورات كلية دار الحكمه او تعرف احد جرب يقولي لان ال3000 كثيره علي بس ماهو مشكله اذا بجتاز بعدها الاستيب وربي جاني منه حاله نفسيه حتى في نومي صرت اعاني منه لان مستوى الانقليزي عند ضعيف

[خلوده1]

والله أنا عني ما اضمن هاذي الدورات مع انه في عضوه في المنتدى تمدح فيها .. بس انا هاذي المره قبل الاختبار اتطلعت على جميع القواعد المكتوبه في النشره وذاكرتها بنفسي .. والقطع ماذاكرتهاا ولا حتى السماعي .. هاذي اكثرها جات من الاسئله المكرره

اتمنى لك التوفيق اختي ..

[ALHARBIII]

نصيحة اختي دورات ستيب بتفيد فقط في القواعد

لكن معظم الاسئلة اللي بالاختبار قطع و عليها اسئلة
يعني تحتاج حفظ كلمات كثيرة
حاولي تحفظي كلمات كثيرة من الان للاختبار القادم
و قبل الاختبار بشهر خوذي كورس قواعد عند معلمة خاصة او معهد او دورة في قدرات
و اوعدك ان شاء الله بتجيبين الدرجات المطلوبة و اكثر

[CPIS_Student]

3000 دورة استعداد ل step
مبلغ جداً مبالغ فيه !!!!!
انا اختبرت IELTS وهو اختبار انقليزي بريطاني ومعترف بشهادته عالميا
يقدمه المركز الثقافي البريطاني بجده وهم المسؤولين عن الاختبار
قيمة الاختبار 850
وقيمة الدورة للإستعداد للإختبار 1200
الاختبار ليس اختياري
هو عبارة عن اربعة اجزاء
Reading, writing ,speaking and listening
وهذا رابط الموقع فيه عنوانهم وارقامهم وكل المعلومات عن الاختبار

[CPIS_Student]

رابط الموقع
http://www.britishcouncil.org/ar/me-...contact-us.htm
بالتوفيق جميعا

[CPIS_Student]

ملاحظه مهمه يغفل عنها الكثير
الدورات فقط تساعدك في تصور كيف ممكن تجي الأسئلة
الدورات ما تساعد في تحسين مستوى اللغه

[CPIS_Student]

الدورات ليست كورس عشان تساعد في تحسين اللغه
عشان كذا اقترح عليك اذا كنتي حاسة نفسك ضعيفه
حاولي تدرسي وتحفظي كلمات وتقرأي كثير قبل دخول الاختبار

[CPIS_Student]

اتمنى اكون افدتك
واذا كانت عندك كتب الانقليزي اللي درسناها في السنه التحضرية جداً مفيده أدرسي منها
والنت مليان كذلك
بالتوفيق

[جوجو (^-*)]

السلام عليكم ...أنا بصراحة دخلت هاذي الدورة على كلام الناس الي كان كاتبين بس موزي مامدحوها .
أنا أقوالكي عن تجربتي أنا مالحقت الامن أول أسبوع أخر يوم لاني مادريت الا متاخر وعلى كلام الي كانت كاتبه في المنتدى بس مو على قد مدحها بس تراجع القواعد الانجليزي كلها وتديكي أوراق قطع كثيره وتقول تدربي عليها وترجمي الكلمات وحاولي تعرفي كلمات كثيرة وتديكي كمان أوراق قواعد تخليكي تختبري نفسك فيه بس بعدين تحلها معاكي وتقولك ليش أختارنا هاذا ومخترنا هاذا وكمان 3 محاضرات أو 4 أدتنا سماعي أختبار وهي كانت تقول دربك نفسكم كمان شي الوحيد الي أستفدته أنه تقول في الاختبار ماتقري كل القطعه بس سطر الاول من كل برقراف واذا مره ماأمداكم الوقت أختارو الاجابات نفس الحرف يعني ياكلها c أو b مثلن بس متى نتاكد أنه أستفدنا أذا طلعت نتيجتي باذن الله راح أقوالكم كم جبت اذا نزلت عشان نشوف صح كان لها فايده ولا بالتوفيق .
أيوه في شي كمان في أخر يومين أدتنا أختبار زي الي يجي وكانت تحسب بالوقت يعني كانت تعيشينا جو الاختبار

[الشكرلله]

الله يوفقكم جميع ويحقق لكل واحد مرااده ..........والف شكر والله انكم كفو