استفسار لو سمحتو ,,,

[ترسي المحبوبة]

\

,

السلام عليكم ورحمة الله وبركاته ,,


بعد اذنكم كان عندي استفسار ,,,

اولاً : متى موعد التحويل الخارجي ؟,,

ثانيا: ماهيا الشروط الذي يجب توفرها للتحويل ؟؟ وهل اذا حولت راح يرجعوني سنة اولى مرة تانية ولا راح يعملولي معادلة واطلع سنة تانية ؟؟ ,,,


ومشكورين جميعاً ,,


ورمضان مبارك ,,,

’

\

[مجتهد2]

مو واضح سؤالك

[ترسي المحبوبة]

قصدي اخوي

موعد التحويل الخارجي يعني انا في جامعة خارج المملكه وافكر ان شاءلله احول لجامعة الملك عبد العزيز متى يبدأ التحويل ؟؟

وايش هيا شروط التحويل عشان اقدر احول ؟؟

ومشكور اخوي جزاك الله خير ,,,

[المتفائلة]

وعليكم السلام ورحمة الله وبركاته

حياكِ الله عزيزتي
ورمضان مبارك علينا وعليكم


بالنسبه للتحويل فهو انتهى
هذا الرابط لازم تتابعيه أول بأول
علشان منه تعرفي الوقت وكمان اولا لازم تقدمي منه

هنا

وبالنسبه للمواد
فطبعا اللي اخذتيه ماتعيديه لكن أهم شي ان المنهج يكون مثل بعض


الله يوفقك يارب

[ترسي المحبوبة]

اهليين بالمتفائله

تسلمي ياقلبي و الله ,, ربي يجزاك خير ياارب

بس معليش انا ضغط على الرابط بس مهو راضي يشتغل ,,

وبعد اذنك سؤال تاني

دحين بما انو التحويل انتهى متى راح يفتحوه تاني ؟؟ ولا استنى لمن ادرس سنة تانية في جامعتي وبعدين راح اقدر احول لجامعة الملك عبدالعزيز ؟؟


ومشكورة والله ماتقصري ,,,

ورمضان مبارك :)