مهم لبنات قسم الاحياء

[ɠɛɳɛɫίϲЅ]

السلام عليكم يابناااااات

بنت انا ابغا اسالكم انتو من جدكم تبغو تدرسو بالعربي ؟؟
ماراح يفيدناااااا
اذا في نفس الجامعه ونفس المواد بس احنا بالعربي والسليمانيه بالانقلش مانقدر نحولهم لانو بالعربي
فمابالكم بالوظاااااااااااااايف حيشوتونا من الباب

سألتنا استاذة البيوك 371 تبغو عربي ولا انقلش
البنات قالو عربي عشان نجيب درجات ومني عارفه ايش
طيب والنتيجه في الاخر ولا شي

البنات اللي حيطلعو من السليمانيه نفس التخصص ومعدل اقل من معدل بنت الفيصليه
بيكونو احسن لانهم يدرسو بالانقلش

بنااااااااات بليييييييييييييييييييييييييييييييييييييييييييييييز اصحو
مرا ماينفع كذا


ايش اسوي في نفسي انا

[طالبه جامعيه..]

بالعربي افضل بكثيييييييير اسمها نفهم الي ندرسه وراح تكون المصطلحات بالانجلش

وتقولي نستفيد اكثر لو بالانجلش ممكن اعرف الفايدة الي تقصديها ؟

وما بيفرق في الوظايف درستي بالعربي او الانجلش اللغه غييير ودراسة المنهج انجلش غير

[ع ـآشقة الصمت]

ياحبيبتي نحنا مو فاضيين نترجم ونحفظ و........ووو نتعب نفسسسنآ ع الفاضي

اي وظيفة اللي لازم نكون دآرسين بالانجليزي

هي المصطلحات مهمة و راح ندلاسها بالانجليزي


و على قولة طالبة جامعية نفهم نستمتع بالدرآسة مو يكون الكلاس ممل ...

ع العموم لو حابة تدرسي بالإنجليزي تقدري تحولي ع السليمآنية

موفقة يآقلببي

[ذكرى الاحلام]

ياقلبي انتي مين الي قالك الكلام دا ان الي بيدرس انجلش يكون احسن
بالنسبه للتوظيف طيب اسألي الدكتورات
وشوفي ايش يقولوا انا زيك ما اعرف ..لكن انا اعرف انو ما تقدري تتوظفي الا لما تكملي الماجستير بعد التخرج
انا عن نفسي اهم شي اني افهم المنهج تمام في البكالوريوس
طبعا لانها عربي والمصطلحات انجلش وفي
الماجستير لو كملت رح تكون انجلش اتوقع او اكيد يعني رح تكوني فاهمه الدراسه بالانجلش كمان
والله اعلم..

[ɠɛɳɛɫίϲЅ]

هوا صح لما ندرسو بالعربي يكون اسهل ونفهم كل حاجه بسهوله
مو زي لما يكون انقليزي نتعب فيه

بس انا صحبتي اتخصصت معايا في الفيصليه احياء
طلبت تحويل للسليمانيه لانها مستوى خامس وبعدو تتخصص في شعبه وهيا حابه الجينيوم وتباه
وهنا في الفيصليه زي ماتعرفو لسا مافتحوه طيب

تعرفو قالولها مانقدر نحولك لانك مو دارسه زي بنات السليمانيه بالانقلش فما تتساوو
تبي تحولي نعادلك المواد اللي زيهم وترجعي تدرسي من جديد
ايش المواد اللي زيهم ثقافه وعربي بس !!!!!!!

لكن براحتكم
بس من جد شي يقهر انو يفرقو بيننا واحنا في نفس التخصص ونفس المواد
اللهم اللغه اللي بتفرق

[جيزان]

والله انا معاكي الدراسه بالانجلش افضل من العربي ,, وبعدين على الاقل نتخرج ونحن عندنا لغه
وماشاءالله اكثركم يبي يتخصص هندسه وراثيه وعارفين التخصص كله انجلش
يعني اذا الحين درسنا عربي وبعدين اخذنا معدلات 5 من 5 بحكم انه عربي وبعد سنه ونص نتخصص ,, واكيد التخصص مثل الهندسه راح يكون انجلش
ووقتها نحن خلاص متعودين ع العربي ونرجع نعيد نفس مأساه التحضيري ونتفاجأ وننصدم لانه كل شي انقلب انجلش

وطبعا عارفين تخصصات العلوم مستقبلها مو مضمون يعني لازم نكمل ماستر ,, اذا جينا بنكمل ماستر لازم قبلها اختبار توفل ,, كيف ندخل الاختبار ونحن لنا 3 سنين عن الانجلش
يعني نحن الحين للأسف لحد الحين نظام كليه مو جامعه

وانا حاولت انقل السليمانيه عشان هالنظام بس يقولولي موزونك مااوصل 80

وانا معاكم انه المنهج لماده الاحياء 202 مررررررررة كثير وصعب حفظه بالانجلش
يعني عربي القوة اجل كيف بالانجلش
يعني اشوف لو انهم يحذفوا كم شابتر عشان المنهج يصير قليل شوي ونذاكر من السلايدات مثل بنات السليمانيه ,, لانه الكتاب شوي صعب

[fatoom sweety]

الله يعيننا :(

[ج’ـدآويهـ آنتيكهـ~]

والله اليوم انتبهت من بنت انو الدراسه بالسليمانيه بالانجلس وعندنا بالعربي

بس جلست افكر فيها حلوو لنا من ناحيه نفهم ايش درسناه ونعرف المصطلحات بالانجلش وهذا المهم عشان يكون عندنا المام بالمعلومات لمن نتخرج من خلال المصطلحات البسيطه هذي

ومو حلوو من نايحه اولا ليش يفرقون بينا وبين الفرع التاني المفروض كلنا سسسسسسسوى
وثانيا هما بيتعبو الحين اكثر مننا لانو بالانجلش والنهايه مابيفرق بينا وبينهم في المعدلات يعني مابيتغير شيء فيناا

ليش هذا التفريق ماعرف !!!!!!!!!!!!!!!
وفكرت اني ادرس هندسه وراثيه بس قالوة بالفيصليه مافي وطيب يعني .... لو فتحوه بيكون بالعربي مثلا ..
طببببببببعا بالانجلش وراح يصعب علينا اكيد لانو كنا ندرس بالعربي والسليمانيه راح يستمتعو فيه لانهم تعودو

يعني يوم لك ويوم عليك والله يعيييين

[hanone]

انا معاك قلبآ وقالبآ . اذا ماتعلمنا الحين متى نبغى نتعلم
كل شي في حياتنا صار انقلش الجوال الكمبيوتر في المطاعم والاسواق
اللي مايتعلم انجليزي هو الخسران لانها اللغة العالميه وتستخدميها في كل مكان في العالم وفي اي دوله
لانها ثاني لغة عالميه
ومتطلب لاي وظيفة صحية ..
اللغة العربيه على عيني وعلى راسي لكن لازم نتطور يعني مو معقوله خلاص
المفروض ينزلون قرار ان كل مواد التخصص ندرسها بالانجليزي


وكمان اذا نقدر نكلم رئيسه القسم تكلم الدكتورات يخلوا انجليزي اساسي في الماده بنسبة50% على الاقل

مو معقوله في قسم الاحياء اللي يدرسوا بالانقلش ويخبروا بالانقلش بس د.سوزان و د. ندى ادريس

المفروض الكل .

اما في الوظايف لو جات تسوي مقابلة شخصيه وسألوا بالانقلش مح تعرفي تردي ؟!
وكمان اغلب العينات والتحاليل كلها بالانقلش
والسي في اللي حيطلبوه منك بالانقلش
يعني لو سووا مفاضله بين وحده عندها الانقلش تمام ووحده ماعندها راح يوظفوا اللي عندها اللغه
لانها هي اساس في كل الوظايف


ان شاء الله يتغير السستم قبل مااتخرج

[ذكرى الاحلام]

انا رأيي من رأيك يا hanone لازم نكلم رئيسة القسم ونعرف ايش راح يكون

مستقبلنا لو درسنا عربي والفرق الي ممكن رح يكون بيننا وبين بنات السليمانيه