الى خبرة طلاب الطب الرجاء المساعدة الله يديكم العافية

[مخلص لله]

انا طالب مستجد في الجامعة يعني (سنة تحضيرية) وصراحة انا امنيتي كلية الطب بس دحين الشي الي محيرني انو جاني قبول في برنامج خادم الحرمين الشريفين (طب في المانيا) وبرضو انقبلت في جامعة الملك عبدالعزيز اسألكم بالله يادكاتره لو كنتو مكاني (اعوذ بالله من كلمة لو) كنتوو حتروحو المانيا ولا تدرسو هنا في الجامعة ؟ وايش الفرق بين الدراسة في المملكة و في الخارج؟
علما بان المانيا من افضل الدول في الطب؟

[د. أسامة]

ترى لو رحت لألمانيا مو معناتها إنك بتدخل الطب على طول ،

حتمر بأمور و اختبارات أصعب و أعقد من التحضيري بشكل مو طبيعي ،

فلذا استخير و استشير ،، و لو كنت طالـب مجتهد في الثانوي و درجاتك ممتازة في القدرات و التحصيلي ،، حتدخل الطب بإذن الله لو أكملت نفس الاجتهاد بنفس الظروف ،

بالتوفيق .

[مخلص لله]

المشاركة الأصلية كتبت بواسطة د. أسامة ترى لو رحت لألمانيا مو معناتها إنك بتدخل الطب على طول ، حتمر بأمور و اختبارات أصعب و أعقد من التحضيري بشكل مو طبيعي ، فلذا استخير و استشير ،، و لو كنت طالـب مجتهد في الثانوي و درجاتك ممتازة في القدرات و التحصيلي ،، حتدخل الطب بإذن الله لو أكملت نفس الاجتهاد بنفس الظروف ، بالتوفيق .

الله يديك العافية د.اسامة بس انا قصدي تنصحني ادرس هنا في جدة؟؟؟

[مراد الجنيد]

أخـي الكريم

أولا وآخرا استخير اهم شي

ثانيا : أنا ايضا جاني قبول لطب المانيا السنة الماضية بس احد المسؤولين نصحني اني اكمل هوون

وانا اشوف انو الدراسة في الخارج لاحقين عليها و اذا انت واثق من نفسك كمل هنا بجامعه المؤسس وان شالله تنقبل

بعدين اعتقد انه الدراسة بالمانيا تستوجب دراسة لغتهم اولا ، فانصحك بالاستخارة والتفكير مليا مع الاهل

والله يوفقك ويسهلك

[صديق نت]

والله أنا مثلك بالضبط ولا أدري كيف اتصرف

[surgeon]

اولا كل عام وانتم بخير


شوف اخوي من وجهة نظري...لو رحت المانيا راح تواجه صعوبات اهمها انك لازم تاخذ كورس لغة المانية لان الطب على حسب مااعرف يدرس بالاماني...هذا ع افتراض انك بتدخل طب مباشرة,,,,لانو لازم تمر ع اختبارات واظن تدرس سنه عامه.... عشان كذا لو انا مكانك راح ادرس هنا بجده

هذا قرارك اخوي ((استفتي قلبك وان افتاك الناس))

سرجون

[dr.CILIA]

أهلا اخوي
الله يختار لك الأفضل ان شاءألله
أول شيء
زي مااتفضلو الاخوان وطبعا أهم. شي انك تستخير
والشئ الثاني أنا قابلت مره خلال تدريبي طبيب امتياز كان متخرج من المانيا وسألته عن الدراسه قالي كان الموضوع ماهو بالسهل. انك أول شيء تدرس الألمانيه ولازم تزبطها تمام بعدين تبدا دراسة الطب وتجي هنا كدا على عماك وطبعا على قوله زي الاطرش في الزفه ؤماني عارف أصلا فين أروح أترجم اللي. درسته طبعا كان مرره تعبان مستواة. بالنسبه لزملأوه مو قلة فهم بس عشان اللغه

بالنسبة لي كرأي. شخصي. أدخل هنا وان شاءلله لما تخلص البكالريوس كمل برا
الله يوفقك

[طالب طب في المستقبل]

انا رأيي من رأي الاخوان اللي فوق وبعدين ترى ماتفرق معاك البكالوريس من وين اخذتها

اللي يفرق معاك البورد اوالزماله من فين اخذتها

وبالتوفيق اخوي