+*+*+بصراحه لكِ +*+*+ارجوا الرد

[تهاني]

السلام عليكم ورحمة الله

انا عندي فضول جدا وحابه اعرف

اش الاشياء الي تزعلك من اخوك او ابوك او زوجك وتكدر خاطرك
بدون ما هو يشعر او يحس فيك وانت معذبه نفسك
انا مريت بهذه الشي وحابه اعرف انتو زيي
وهذا المشاكل احنا نشوفها تافه بس صعبه نكتم الزعل وهم مايدرون او مالهم ذنب
واحيانا تكون كلمه على الطاير بس تطلع قويه وتزعل وهو ما يدري بس لو فكرتي تلاقيه معذور جدا لانه مايدر

وانت ايضا اش الاشيا الى تزعلك من اختك او امك اوزوجتك بدون ماتحس فيك



عشان نلاقي حل للطرفين ارجو الرد وباذن الله نلاقي الحل

[نضال]

اهلين تهاني .. لك فترة غايبه و ما نشوف مواضيعك ..


اعتقد كتاب ( رجال من المريخ نساء من الزهرة ) يحل جزئية كبيرة من دا الموضوع ..

انتوا الحريم طبعكم تحبوا ( القرقرة ) .. بمعنى انكم تدوروا على احد يسمع لكم و بس .. و احنا الرجال نتعامل مع الكلام اللي يطلع منكم بطريقة 24 .. ( طريقة دفاعيه ) فنحاول اننا نوجد التبريرات و الدفاع عن موقفنا و دا الشي يخليكم تولعوا زياده .. و احنا نستميت في الدفاع اكتر لين تولع حريقة


بصراحة شغله وارده .. دايما الاحظ ان الشخص المقابل زعلان و شايل في نفسه و انا ( زي الاطرش في الزفة و اخر من يعلم ) ...

انا عن نفسي ما ازعل الا اذا استدعى الموضوع الزعل .. و لو زعلت فأول شي راح احرص اني اسوي اني ارسل اشارات الزعل اللي تفهم البني ادميه اللي معايه ان المستخدم دا زعلان و ما اوقف دي الاشارات اللين ما الاقي عباره ( جاري الارضاء )

و اسف على الاطاله

[Biba]

زي ما قال نضال ....
كتاب ( الرجال من المريخ، النساء من الزهرة )
للمؤلف ( د. جون جراي )
كتاب جداً جداً رائع ومفيد
وانصح أي رجل أو امرأة إنهم يشتروه
تلاقوه في مكتبة جرير مترجم للعربي

[NeMo]

ماعرف بس ناس قالولي الكتاب دا مجرد (و ر ق)

انصحكم بشي احب اسميه بملخص كتاب........بس للاسف ماعندنا في السعودية

[نضال]

ههههههههههههههههههههههههههههههههههههههههه

قتلتيني ضحك ..

ايوة هوا في الواقع جرير بتبيعنا ورق .. الكتب دي تحصلوا فكرتها في 12 صفحة بالكتير .. و الـ 300 ورقة الاضافيه مجرد تكرار للفكرة الاساسيه و عرضها بطرق مختلفه .. من فين ادنك يا جحا ؟؟ ( من هنا --------------< ) لاحظوا السهم المعكوس

نيمو تصدقي انا اول مرة اسمع بالملخصات دي ؟


مين قلك عليها ؟

[Biba]

فيه كتاب تاني اسمو ( التواصل رغم اختلافاتنا )
للمؤلفة ( د. سوزان ديلينجر )
برضو من اصدارات جرير - مترجم
238 صفحة
وأنا اشوف إنو دا الكتاب احلى من الكتاب الأولاني
هوا يتكلم عن نظام الاشكال الهندسية النفسية -----> لا تقولوا كلام فاضي وخزعبلات... ترى من جد
ويقسم شخصيات الناس لخمسة اقسام
ويقلك ايش هي ايجابيات كل شخصية وايش سلبياتها وكيف تتعامل معاها...... الخ

من تجاربي الشخصية..... اشوف إنو دا الكتاب فادني مرة كتير
انتوا روحوا اشتروه واقروه....... وادعولي

[نضال]

قلبناه موضوع كتب ..

للمتخرجين من الجامعه انصح بشراء كتاب ماجستير ادارة اعمال في يوم واحد ...

كتاب لزيز يتكلم عن الاداره بشكل مبسط و لجميع التخصصات

و إن شاء الله اشتري الكتاب اللي بتتكلم عنه بيبا في اقرب فرصة