الأسئلة والاستفسارات عن كلية طب الأسنان ..

[سحــوره]

المشاركة الأصلية كتبت بواسطة dr~nanoook وعليكم السلام والرحمة اهلا بك اختي ،، بالنسبة لفتح الملف .. اللي بالمستشفى الجامعي يختلف عن عيادات الاسنان ولفتح ملف بعبادات الاسنان لازم تاخدي موعد .. تروحي للعيادات بالدور الارضي عند الاستقبال وتاخدي موعد عندهم او اذا كان موعد متوفر بنفس اليوم بيكون افضل ( وغالبا مع بداية السنة الدراسية الجديدة حيكون في اماكن متوفرة باذن الله ) المستندات المطلوبه هي صورة من بطاقة الهوية والاصل واذا تحتاجي مساعدة .. اعطيني خبر وانا ما حقصر معاكِ باذن الله لاننا الطلبة اللي بالكلية نقدر نساعدكم ونجيبلكم مواعيد اقرب لفتح الملفات

الله يسعدك مرره شكرا

ان شاءالله لو احتجت اي شي حكلمك على طول

[almr7r7]

في فكرة ثانية ممكن تصيب وممكن لا

أطلب بعثات داخلية لكلية من كليات طب الأسنان الموجودة بجدة

بدل ما تعيد سنة ولا هم يحزنزن

[dr.cool]

السلام عليكم ورحمة الله وبركاتة
اولا اهنيكم بشهر رمضان المبارك واقلكم كل عام وانتم بخير
ثانيا انا طالب دفعة11 وعندي بعض الاستفسارات لو تكرمتم
1)ايش اللبس حقنا انا اتكلم عن اول يوم لاني ماني عارف ايش اللبس اللبس الطبي ولا الرسمي ولا اي شي
2)ايش المواد اللي معانا مع تعريف بسيط لكل مادة
3)كيف طريقة وضع الجدول

[hadeel a]

و عليكم السلام و رحمة الله و بركاته
http://www.skaau.com/vb/showthread.php?t=94958
هذي مواد سنه تاني .
و الجدول ينزل جاهز أمكن قبل الدراسه بأسبوع .

[Dr~NanoOok]

اهلا بك بيننا

اتفضل هذا الموضوع كمان حيفيدك
http://www.skaau.com/vb/showthread.php?t=225358

بالنسبة لـ اللبس للشباب
تعالوا اول يوم بأي شي.. بنطلون او بثوب .. واللاب كوت مهم في المعامل
والسكرب لما تتتفقوا كل الدفعة على لون يصير تشتروه

والجداول تنزل على موقع الكلية
اول لما ينزلوها راح احطها لكم على المنتدى هنا

...

وشكرًا لكـ د. هديل على الرد والمساعدة ^_^

[dr.cool]

مشكورين على الردود
بس لو سمحتو لي في سؤال نسيته
كيف طريقة المذاكرة اللي غالبية الطلاب متبعينها وانا بصراحة في السنة التحضيرية كنت اذاكر كل يوم ما عدا يوم واحد اريح فيه فهل هذي الطريقة تكفي

[Kaira]

ماشاالله تبارك الله ^^
أكيد تكفي انك تدرس كل يوم وأول بأول عشان ما تتعب في أيام الاختبارت ..
يعني لو كل يوم تقرا محاضرة بيومها يوميا انشاالله مرح تتعب =)
لأنو في دكاترة يحبو يعملو كويزات زي البايو كميستري والفيسيولوجي وكمان الأناتومي عشان أيام الــ tutorial
إلي هية أيام يجيكم فيها الدكتور ويعرض عليكم أسئلة MCQs على شكل باور بوينت وانتو تحلو معاه بس تكونو مزاكرين
عشان تقدروا تحلو =)

ماشاالله خليك كدا على طريقتك وحتى لو مو شرط مزاكرة يوميا
بس يعني تقرا كل المحاضرات إلأي أخدتها في يومها بفهم مزبوط لأنو الطب مو زي التحضيري ..
ما أحبطك بس عشان كترة المعلومات وما يمديك تزاكرها كلها يوميا
والويك اند زاكر إلي أخدتو في الأسبوع
وانشاالله مرح يكون في صعوبة عليك ^__^

أتمنى إني أكون أفدتك ..

[Dr~NanoOok]

أفضل طريقة بالنسبة ليا للمذاكرة هي

بعد ما نخلص جزئية أو chapter كامل .. أذاكره كله
أو اذا كان مره طويل.. أقسمه على قسمين .. وأذاكر كل جزء لحاله

يعني خلال الأسبوع أكون مسكت 2-3 مواد وأكون مذاكرتها

لأن المعلومات والمحاضرات مرتبطة ببعضها.. ولما تذاكر كل يوم لحالها.. ممكن تنساها
ومع ضيق الوقت ممكن ما تقدر تلحق تذاكر المذاكرة اليومية

لكن لما تكون نهاية كل فصل.. يصير تعطي لنفسك فرصة وتقدر تلحق عليها

ولأنه غالبا عندنا كويزات واختبارات دورية على طول السنة.. وقتها ما تعرف تذاكر الجزئية اليومية أو جزئية الاختبار


وهذا النظام حيكون أحسنلك لما تطلع للسنوات المتقدمة.. خاصة بثالث ورابع وضغط الدوام والعملي

[almr7r7]

المشاركة الأصلية كتبت بواسطة dr~nanoook أفضل طريقة بالنسبة ليا للمذاكرة هي بعد ما نخلص جزئية أو chapter كامل .. أذاكره كله أو اذا كان مره طويل.. أقسمه على قسمين .. وأذاكر كل جزء لحاله يعني خلال الأسبوع أكون مسكت 2-3 مواد وأكون مذاكرتها لأن المعلومات والمحاضرات مرتبطة ببعضها.. ولما تذاكر كل يوم لحالها.. ممكن تنساها ومع ضيق الوقت ممكن ما تقدر تلحق تذاكر المذاكرة اليومية لكن لما تكون نهاية كل فصل.. يصير تعطي لنفسك فرصة وتقدر تلحق عليها ولأنه غالبا عندنا كويزات واختبارات دورية على طول السنة.. وقتها ما تعرف تذاكر الجزئية اليومية أو جزئية الاختبار وهذا النظام حيكون أحسنلك لما تطلع للسنوات المتقدمة.. خاصة بثالث ورابع وضغط الدوام والعملي

+5
.......................

[Razan Kharraz]

أهليين بنات كيف حالكم ؟ وكيف رمضان معكم ؟ كل سنة وأنتم طيبين

بس حبيت أستفسر عن كم شيء عشان ما مداني أحضر الدورة ..

*دحين بالنسبة لطب الأسنان حتكون في مقابلة شخصية ولا لأ ؟ وإذا في فمتى حتكون ؟
*ومتى اختبارنا الإنجليزي ؟ وفي اختبار غيره ؟
*كيف الدوام نجي من السبت ؟ ولا بعد أسبوع من بداية الدراسة ولا كيف ؟
*ومتى نستلم بطاقاتنا ؟ ويحتاج أجيب صور شمسية تانية ؟

(( مرة شكرا )) ,, مستنية ردكم
xo