كيف كان اختبار bio 202 =)

[M!SS Lara]

بسم الله الرحمن الرحيم

حسيت بهم كبير انزاح عني بعد ماخرجت من أمتحانه ..
والوقت كويس كفى تمام لانو مافي شئ نحدده ونغمق فيه..

..


الأختيارات كانت سهله جدا جدا الحمدلله
الفراغات .. في أشياء شوي ماعرفتلها وان شاء الله يكون الي خمنته صحيح..
حتى سؤال صلي في ثلاث أسماء أشياء < حلوة أشياء
هههههههههههه كانت كلمات اول مره اسمع فيها ..
بس ان شاء اللله خير وينفع التخمين حقي ...
وانتو كيف أختباركم وطبايعكم عنه .. =) ؟؟
تشوفه سهل ولا صعب ولا وسط ؟؟
انا اشوفه وسط يميل للصعوبه ...

[حضن الغريب]

جدا يميل للصعوبة
حليت بس مو قد ماذاكرت
تعبت في المذاكرة وتعبت كمان في الحل
الله بيعين ويوفق الجميع ياااااااااارب
مصدومة بس خلاص

[غـ؛ـربآـهٌ]

آختبآرر صعب =@
يستهبلون هم وذآ الاسئله ؟!
مدرري متى بيتعدلون ؟! ..

[bishoo]

مووو بالسوووء اللي أتووقعته .. يعني جاء أحسن مما توقعت ..

الفراغات في يمكن تلاتة بالتخمييين .. والـ صلي إن شاء الله يكون صح بس شاكة في اتنين ..
والإختيآري .. وماأدراكي مالإختياري ..
حليت إن شاء الله بس مقهوورررة من سؤالين اخترت الاجابات الصح وبعدين شطبتها وحطيت الغلط ..
وتخيلي في سؤال البنات يقولوا كان في رسمة عنب .. انا ماششفت الرسمة .. وفهمت السؤال على انو في نبته الجهة اليسار اطول من اليمين .. قلت لييش مهم حاطين آكسون .. آخرتها مدري اش اختررت لآني شطبت وشطبت وشطبت اللين قلت آمين .. قهر قهر .. بس الحمدلله
بس زي ماقلتلك بشكل عام انا توقعته أسوء من كدا

[وفاء جدة]

بصراحة الاختبار احلى من الاول احسه مفهوم شوي مع انه فيه اسئلة تلخبط
وان شاء الله الدرجات تكون حلوة....

[الحياه نايس]

الاختبار بشكل عام كان وسط
بس ابا اعرف اش هيا اجابة السؤال حق الهرمون اللي في العنب اللي يكون في جهه اكبر من الثانيه

[الشيمآء]

السلآم عليكم ..

بنآت كآن فيه سؤآل في نموزج A ..
which of the following is NOT a mechanoreceptor !!

ممكن اللي فآكرة الاختيآرات اللي كآنت موجودة تقولهـآ !!

[M!SS Lara]

خيتوو الحياة نايس ...
الهرمون بتاع رسمة العنب هو هرمون gibberellins( الجيبرالين )..

...
أختي الشيماء ..
جواب السؤال هو bud of tongue ( حلمات اللسان)..
لانو المستقبلات الحسيه الي باللسان والأنف هي مستقبلات كيميائية وترتبط بجزئات معينه ..
عشان كده في المستقبلات الحسية باللسان في للطعم الحامض او المر او المالح ..الخ مش كلهم سوا لانو كل واحد يرتبط بجزيئات كيميائية معينه ..
بس لو جينا لخيار وهي عن الأذن والتوازن .. فدي عملية فبزيائية فنقدر نقول انها ميكانيكيه مش كيميائية ...

[الشيمآء]

مرحبــآ لآرآ ..

تيب ممكن لو فآكرة الخيآرآت تحطيهــآ !!
مرآ مو فآكرة شو اخترت :/

[بنت كيوت على طول]

بصراحة الاختبار كان سهل والحمد لله وفيه اشياء شوية تلخبط
وهذا الشي طبيعي عشان يفرقون بين الي مذاكرة مزبوط والي لا