متى الشعب تفتح ايش الحكمة انها مغلقة حسبي الله ونعم الوكيل عليهم نظام ضايع وضيعنا معا

[احب المحاسبة]

عندكم اعداد التقارير وسلوك تنظيمي واحصاء اعمال بضفهم كلهم مغلق متى تفتح للآن مغلقة؟؟

طيب حنفضل كدا لين متى يعني ابفهم ؟؟؟؟؟

يعني نظام جديد وصعب وغريب وعديناها وكمان مقفلين علينا الشعب ومعركسين علينا المواد وشعب قليلة واغلبها مغلق وغير متاح للتسجيل قولوهم هيه ترا بدت الدراسة خلاص ايوة نسمحلكم تعاقبونا مهو ماخليتم شي ماذلتوه فينا (تخصصات , مافي تدريب , انجلش ,فيزياء او كيمياء, ومقالب في الاختبارات,وتغيير مناهج , وياعيني المحاسبة رجعونا عربي بعد ماقتنعنا وتأسسنا ) لعب فالقرارات حسبي الله ونعم الوكيل فيهم انا لله وانا اليه راجعون الله لايوفقهم الله ينتقم منهم وتجي في اولادهم المسببين لهاذي القرارات وفوقها للمغييرين لقراراتهم القديمة الي بعد مارضينا فيها ورسمنا خطتنا وحياتنا ومسرتنا واملنا عليها يجون بكل بساطة باصباع واحد اغيروها وكأننا فار تجارب عندهم مش انسان لكن الله يوريهم فيه عجايب الدنيا

اقسم بالله اذا ماحترموا نفسهم والله لا ادعي عليهم كل صلاة فالليل زودوووووووووووووها قولوهم للصبر حدوووووووود ضيعتولنا مستقبلنا !!!

كـــــــــــــــــــــــــلامي كتر اعرف بس بطلع اللي في قــلبي ولو مرة

[د/شهود]

ياعسل غير متاح دي عندنا بس متاح انهم يضيفولك ياها من الجامعه

وبالنسبه للاحصاء اليوم شفت وحده ف الشؤؤن التعليميه نفس مشكلتك وقالتلها انو غالباً بنات كتييير يحذفو احصاء اعمال ويكون الحذف والاضافه لسا عندهم مفتوح ودا الشي سار من جد لما اخدت الماده ف البدايه كانت الشعبه مليانه ف الاخير سرنا يمكن 16 بنت تقريبا.

انا عندي نفس الشي بالنسبه للتقارير واليوم كتبنا معروض لدكتورة نجاح وربك يسهل

[عبدالرحمن ال]

غير متاح للتسجيل = تروحي الجاامعه تسجليها

مغلق ممكن يسو توسيع للشعبه بس صعب

[احب المحاسبة]

طيب مغلق يعني فيها طلاب؟؟

[باور هورس]

( مغلق ) مو دائماً معناها اكتمل العدد

فيه شعب مغلقة مافيها احد

عندنا تحليل كمي 4 شعب
3 مغلق بس مافيها احد اصلا
وفاتحين وحدة بس
ومو راضين يفتحو الثانية عشان المفتوحة ما فيها الا 18 طالب

عشان كذا ما رح يفتحو شعب الا اذا كان فيه عدد
ما يبغو كل شعبة فيها 4 أنفار

اول شيء لانها رح تأخذ مكان ( قاعة )
ولانها مكلفة ماديا
لان الدكاترة ياخذو بالساعة غير الراتب الاساسي

فالجامعة ملزمة تفتح شعبة وحدة لكل مادة حتى لو ما فيها الا طالب واحد
وتزيد بزيادة العدد و وجود اعضاء هيئة التدريس

[احب المحاسبة]

الله يستر المشكلة اذا مافتحت الشعب المغلقة ماحقدر اخد 6 مواد وبالتالي حتخرج متأخر عن شعبتي :(
عسى حنفضل على دا القلق علطووووول ماكان يعملو كدا ادعولي تفتح الشعب اللي اباهــا

[Basmah.t.b]

الله يسهلك أمرك ويكتب لك اللي فيه الخير :)