حولت اخيرا وابغى مساعدتكم بسرررررررررعه

[so0oma]

السلام عليكم
بنات باركولي حولت اقتصاد منزلي ولله الحمد
بس دحين ابغى اسوي جدولي وسؤالي لكم يا حلوين
اقدر ادرس
مدخل اقتصاد وارشاد والتوجية والفنون الاسلامية واسس تغذية واختيار وتنفيذ المفروشات واداره الموارد البشرية كلهم سوا ولا بتكون صعبة علي
بأنتظاركم

[cinnabon]

اول شي مبرووووك على التحويل

تاني شي افضل انو تختاري بين فنون ولا بين مفروشات ما افضل انك تاخديهم مع بعض لانو الاتنين كولهم فيهم شغل وبالزات الفنون يبغالو رواقة

اما بالنسبة لاسس تغزية وادارة حفظ

اما المدخل زي ما قولت للاخت الدمعة الحزينة

انو مافي استازة معينة ليها

حتجيكي 7 استازات مختلفين من كل تخصص حتعرفك على التخصص عشان لما تبغي تختاري التخصص ما توهي
وكمان حتطلب منك كل استازة واجب تعملي وكمان الحضور فيها مهم عشان علي درجات

وطبعن هدي المادة مافيها اختبار الا بس في النهائي حيعطوكي 7 ملازم وانتي تزاكيريها

والاسئلة تجي فيها اختياري

ان شاء الله اكون افدتك :)

[ساكنه في بيتنا]

وعليكم السلام و رحمه الله وبركاته


طيب الحمد لله ,, مبروك التحويل و اهلا بيكي في كليتنا المكركبه

المواد لو تقدري عليها الله يقويكي


بس انا بالنسبه ليا كتير .. وكنت حاحذف المفروشات و الاسس لانو كفايه عليا حفظ مادتين ( الارشاد و الاداره ) و شغل الفنون و واجبات المدخل ..

[so0oma]

شكرا على المعلومات وجزاكم الله خيرا وشكلي ماراح انزل مفروشات طيب اسس تغذية كيف سهلة ولا صعبة وتعتمد على الحفظ؟

[noona]

اسعمي حبيبتي انا كمان زيك محولة وكنت اتمنى انزل المواد كلها عشان ارتاح واخلص بسرعه
بس فكرت فيها من ناحية ثانيه
انو لو اخذتها كلها حضغط على نفسي واكيد ماحقدر اعطي كل مادة حقها في المذاكره لاني بحوس من كثرتها
وبالاخير ماحستفيد شي الا انه معدلي حينزل ولا اقدر اختار التخصص اللي ابغاه
لانو حسب ماسالت في الكليه قالولي تقدري تختاري التخصص اللي تبغيه على حسب معدلك

فاستخرت والبنات ماقصروا في المنتدى ساعدوني
واكتفيت باربع مواد هذا الترم واربعه الترم الثاني

هذا رايي وانتي برضوا فكري واستخيري

[noona]

حبيبتي بس اذا انتي محوله من الاداب لا تنسي مادة الاحصاء وراكي وراكي
حتى لو اخذتيه حتاخذيه ثاني
والله من جد قهر
بس ايش نسوي حكم القوي على الضعيف

[cinnabon]

المشاركة الأصلية كتبت بواسطة so0oma شكرا على المعلومات وجزاكم الله خيرا وشكلي ماراح انزل مفروشات طيب اسس تغذية كيف سهلة ولا صعبة وتعتمد على الحفظ؟

المادة دي تعتبر وسط بس مو صعبة كتير وهيه تلخبط شوية
بس لو كنت بتزاكري اول باول حتمشي معاكي
وطبعن تعتمد على الحفظ

[ساكنه في بيتنا]

المشاركة الأصلية كتبت بواسطة so0oma شكرا على المعلومات وجزاكم الله خيرا وشكلي ماراح انزل مفروشات طيب اسس تغذية كيف سهلة ولا صعبة وتعتمد على الحفظ؟

الماده دي حفظ مع قليل من الفهم

كلها عن البروتينات و الكربوهيدرات و الاملاح المعدنيه و الدهون و الماء .. وطبعا فيها مركبات و مصطلحات بالانقلش .. ومسائل سهلللله عن النسبه الدهون و الكربوهيدرات و البروتينات و كدا ..

حلوه لو ذاكرتيها على اساس انك تستفيدي مو تحفظي عشان الاختبار ويبغالها مذاكره اول باول عشان لا تتلخبطي و تنسي ...