نتيجة معاملتي بالهيئة الصحية لاصدار بطاقة التصنيف = تعليم عن بعد

[حلم ماضي]

السلام عليكم
بكل اسف عندي خبر محزن
ان الهيئه السعودية للتخصصات الصحية لاتعطي تصنيف صحي للتعليم عن بعد

بالرغم ان باللائحه مكتوب ان تمنح للتعليم عن بعد في تخصص الادارة الصحية وهالشئ مكتوب باللائحه وارفقته مع طلبي

ف قبل شهر قدمت طلب للبطاقة فرع الخبر
وتم ارسال طلبي للرياض وعطوني رقم معامله لاتابع معهم

واليوم كانت النتيجه وهي نأسف فقد تم تعديل اللائحه ولايتم منح التصنيف للتعليم عن بعد

بالرغم انه طالب مثلي متخرج وقبل اشهر تم اصدار له البطاقه
مدري ليه وش الفائده من تغيير اللائحه
ولا بعد
اخذوا مبلغ 500 ريال عشان عرض الطلب
ولا اعرف اذا يرجعوها لي او لا

بالرغم ان الجامعه ماعليها كلام
النظام ذاته معترف به في التعليم العالي ومدرج في الخدمة المدنية

ولان تخصصنا صحي يعتبر ومن ضمن السلم الصحي التابع لوزارة الصحه

اي مستشفى نقدم عليه اكيد يطلبواا بطاقة تصنيف صحي
ومثل ماخبرتكم مالنا تصنيف

الموظفين مالهم علاقه بالشئ هذا
المسؤوليه بيد المسؤولين الكبار في الهيئة الصحية بالرياض

مدري والله ايش اعمل صراحه

قلت اخبركم بالامر هذا لان انتو مثل تخصصي

زميلاتي تخرجوا الترم الماضي وهم من جده راحوا لفرع جده ماعطوهم مجال
قلت لها روحي الرياض
قالت لي اتصلت وقالوا مالنا شئ
قلت لها انا قدمت وانتظر
بحكم ان طالب قبلنا قدم وعنده البطاقة
واكيد اذا بيعمل تجديد لها مايكون له تجديد والله اعلم

السر في تعديل اللائحه ماعرفه
ليه مايعترفوا بالنظام هذا ايضا ماعرف ولا اريد اعرف

الامل بالله كبير
ولعل الله يحدث بعد ذلك امرا

[منصور السهيمي]

وين كنتي طول هالمدة ما خذيتي التصنيف ؟؟؟

[حلم ماضي]

????????????
متخرجه الصيف الماضي
والقرار ان لنا تصنيف ماكان موجود

التصنيف للانتساب والانتظام
التعليم عن بعد نزل قرار ومن ثم تم الغاؤه

الاهم من سؤالك هذا
ان الهدف من فتح الموضوع ان الطلبه والطالبات تعرف القرار هذا وتحاول ان تتابع

[منصور السهيمي]

طيب ايش الفرق بين اﻻنتساب والتعليم عن بعد علما بأن التعليم عن بعد اقرب للانتظام ..غريب ؟؟!!
كل شي في البلد ماشي بالعكس ، عموما في برنامج ماجستير بنفس التخصص في الرياض جامعة الملك سعود 3 ايام باﻻسبوع بما فيها ويكند . حاولي تسجلي فيه السنة ذي

[حلم ماضي]

ان شاءا لله يارب اسجل وادرس ماستر افضل لي