عربية الملكة --------> عشان نضال

[نضال]

تُحذف المشاركتين الاخيرة من الموضوع




يظهر انه كان فيه خلل في فهمي للموضوع يا جماعه .. انا كنت احسب انه العربية مافيها الا الخزعبلات حقت الاهالي .. ( فوفل حق بعض الناس ) و ريالات فضة و الحاجات دي ..

بس بما انه الموضوع فيه هدايا للعروسة , فانا بدات اتفهم ليش الناس تصر عليها ..

بس برضه فكرة حلوة الواحد يقدمها في كرتون

[قلب المحيط]

انا من رأيي العربيه هذي تكريم من العريس او هديه رمزيه للعروسه واللي موجود جوى العربيه مو تفاهات كلها راح تستفيد منها
وبعدين لما الواحد يحطها في بيته راح تكون ذكرىحلوه للطرفين

وبعدين احب اوضح حاجه مهمه انه مو كل اهل (ابها) من النوع اللي ذكره الاخ ثامر واسمحلي اقلك بالغت شويه لان المهور محدده واصبح ممنوع منع باااااات انك تزيد على المحدد والعشره الاف اللي ذكرتها داخله ضمن المهرهذا شيء
اما الشيء الثاني فالكسوه اللي انت قلتها برضوا كانت زمان اما الان اذا حب يعطي امها وابوها بس الباقي لا
والحزام والرشرش العروسه تشتريه من مهرها مو العريس اللي يجيبه وهذا المتعارف عليه واكيد لكل حاله شواذ يمكن اللي صار لصاحبك حاله استثنائيه

وبعدين يانضال ايش فيها اذا خسرت عشان خطيبتك عاااااااااادي وبعدين لا تشتري لها حيالله عربيه ولا تنسى العطورات مو اي شيء

[triples]

نضاااااااااااااااااااااال


بصراحه ماكنت اعرف انك خفيف دم


اما بالنسبه لعربيه الملكه انا اشوفها موضه قدييييييييييمه ومالها داعي


تحياتي

وتحيه خاصه لنضال

[طالب انتساب]

غريب امركم وعجيب ..
ارحم ايام ابويه وأباؤكم وجدي واجدادكم ..
يا باشا انت وهو اللي مالو اول مالو تاني ، وازا العولمة اثرت عليكم وكبرتوا على تراثكم وعاداتكم الحلوة . فأسمحوا لي ان اقول لكم اني باقي على العهد على عهد ابويه وجدي . يا باشا هدا تراث وعادة حلوة . وانا اشوف اللي مو قدها ويقدرها لا يسويها مهو مجبور .
لا تسوي شيء انت مو مقتنع فيه ، اما كلام الناس فأنساه ازا جبت عربية راح يقولوا عربية من جنبها وازا ما جبت راح يقولوا ما جاب يعني في كلتا الحالتين راح تسمع كلام ..
وبعدين تعال انت وهو وقولوا لي ايش يعني عربية بـ 4000 او 5000 ريال ؟؟ العربية اللي راح تشتريها وتحطها في بيتك هي احلى زكرى تبقى ، والله لو سويت جوازك في افخم قصر وعزمت امة محمد وصرفت 100000ريال بعد كم سنة او كم شهر راح ينسوه الناس وراح تنساه انت ..
وزي ما قال حبيبنا ( ليدر ) :

يا أخي مادام حاجه تفرح العروسه ... وإنت عندك قدره ماديه .. وما تخالف الشرع أو العادات أو التقاليد .. مو مشكله

على العهد باقي .. الله يرحم ايام زمان ..

ودمتم ،،،

[Biba]

شكراً لكل اللي شاركوا معانا واتحفونا بآرائهم
كان في المؤيد والمعارض
ولكن في النهاية...... اختلاف الرأي لا يفسد للود قضية
وأنا من المؤيدين لعربية الملكة بشرط.....
( أن لا تكون باهظة الثمن )

والموضوع لا زال مفتوح للمشاركة وابداْ الرأي

[ليدر أستوديو هبقات]

وبعدين تعال انت وهو وقولوا لي ايش يعني عربية بـ 4000 او 5000 ريال ؟؟ العربية اللي راح تشتريها وتحطها في بيتك هي احلى زكرى تبقى ، والله لو سويت جوازك في افخم قصر وعزمت امة محمد وصرفت 100000ريال بعد كم سنة او كم شهر راح ينسوه الناس وراح تنساه انت ..

والله درر

عسل ينأط

[نضال]

تربيلس :)

الف شكر على تحيتك :) و يا سيدي انت اللي شكلك مزاجك اليوم 24 قيراط و مروق :) إن شاء الله دايما


اول شي ..

القصة اللي قالها ثامر مأساة .. انا اعرف واحد اتزوج بنفس التكاليف بنت عمه و طلقها بعد شهرين ! مشي الحال ..

تاني شي ..

قلب المحيط .. انا على فهمي ان العربية ما ينحط فيها لا هدايا ولا خراط .. كله ( فوفل ) و ريالات فضة و اشياء زينه .. دا اللي كنت اعرفه و بما ان الموضوع ماهو مجرد شكل هنا يختلف الوضع طبعا ..

اما بالنسبه لطالب انتساب ..

الموضوع ابدا ماهو ثورة على عادات ولا تقاليد ... بالعكس شكل العربية لزيز بين الناس و دا زي ما انت قلت من تراثنا .. لكن الاعتراض على السعر المبالغ فيه في مقابل انو انت كـ عريس وراك فرش بيت و وراك حاجات اهم ...

بس في النهاية شكلنا حنرفع الراية البيضه

[Biba]

المشاركة الأصلية كتبت بواسطة نضال انا اشوف انها مجرد شكليات .. اجيب عربية شاهي احسن لي

ممكن ليش لأ
في عربيات شاهي على قولك جداً حلوة وفخمة
ممكن تشتريها وتزينها وكل حاجة على إنها عربية الملكة
بعدين إن شاء الله بعد الجواز استخدموها للضيافة
فكرة جميلة جداً......
العربية حقت خالي كانت عربية شاهي........

[Biba]

المشاركة الأصلية كتبت بواسطة Mr.THAMER صورة للعريس << ======= مين زينه التمساح جوال اخر موديل <<=========== تعرفها اللي حط

حلوة ..... عجبتني
بس ما نشوفها كتير دي الأيام

[Biba]

المشاركة الأصلية كتبت بواسطة Mr.THAMER بس شفتوا . . . ولا ش فيه فايده غير صحن الحلاوه يا اخون اللي راح يخطب قريب . . . اهم حاجه تسويها . . . اول مرة ترحلهم بعد الملكه . . . خليها تنزل لك صحن الحلاوه . . . لا اوصيك خلص امها . . . بالنسبه ليا . . . خليتها تنزلهافي اول مرتين . . . قلتلها لاحد ياكل منه . . . وهيا ما صدقت خبر , , اللين ما خلصته

ههههههههههههههههههههه
بالعافية يا اخويا