ساعدوني في التحويل

[kim]

سلام ....

انا حابة احول لكلية التصاميم والفنون وابغى احول بس موراضي يجي معايا في الادوس
طيب لو اروح العمادة في كلية التصاميم والفنون راح يحولوني
انا معدلي 3.15 اخاف ما انقبل انا في السلميانية تخصصي احياء

ياريت تجاوبوني لاني مرة مستعجلة قبل مايقفل التحويل

[الوردة التركية]

اللـــــــــــــــــــــه واكبر اللحين 48 مشاهدة ولا حدا رد
انـــــــــــــــــا كمان خاطري احول بس يقبلوا انتساب ؟
ادا يقبلوا كم المعدل؟

[Rouba]

حبيبتي ( kim) أنا برضوا بأحول بس لكلية ثانية ، لما فتحت التحويل في الأودس موجود من ضمن الاختيارات : التحويل الى كلية التصاميم والفنون مسار أدبي
اذا ما رضي معاك ترى اللي عندنا مهم عمادة ، اللي عندنا فقط شؤون ، العمادة المسؤولة عن الفروع في حي الفيصلية

أما اختي ( الوردة التركية )
مافي انتسااب لأن المواد أغلبها عملي

ان شاء الله أكون أفدتكم :)

[arwa ab]

روحو الفيصلية مركز القبول و التسجيل هناك يفيدوكم
انا الترم اللي فات قدمت ورقت تحويل يدوي
الترم دا ما اعرف

[meno-chan]

ان شاء الله تشيكي عالمنتدى

حاسه فيك والله <روحي بس


انا كنت احياء و درست سنه في السليمانيه و لا حولوني الا بطلوع الروح زي عادة الجامعه

انتي روحي عمادة القبول و التسجيل اللي في السليمانيه
قولي ابغا احول

على فكره انا لمن حولوني كان زي معدلك تقريبا

هي حتعطيك ورقه اظن و توديها لفرع الفيصليه لان هناك عمادة القبول و التسجيل حقت كلية الرحاب

اضغطي عليهم و حاولي

و يارب يحولوكي حبيبتي

بالتوفيق

[meno-chan]

مافي انتساب في كليتنا
كلها عملي