فكرة لدراسة الأحياء تخليكي تجيبي من 25 الى 30 ان شاء الله ..

[AL-F9F9]

بسم الله الرحمن الرحيم

السلام عليكم و رحمة الله و بركاته ..

هذي خطة بسيطة للبنات اللي عندهم اختبار الاحياء يوم الاربعاء من الساعة 11 الى 1 الظهر ان شاء الله

انا اختبرت الاختبار حق الاحياء يوم السبت مع الاولاد و كنت متأكد من أغلب اجاباتي و الحمد لله و يمكن مافي الا كم فقرة ماني متأكد منها و حليتها من فهمي للسلايدات

و هذي هيا الخطة المقترحة ..

الاثنين عندكم اختبار انقليشي اللي هو بكرة ان شاء الله :)

فيكون يوم الاثنين ( بقية الوقت بعد اختبار الانقليشي ) مزاكرة السلايدات شبتر 1 و 2 و ازا تقدروا شبتر 3 ..

و يوم الثلاثاء نصه يكون تكمله شبتر 3 و 4 .. و يكون كدا خلصنا من السلايدات ..

( ملاحظة : مو لازم تكون المزاكرة فهم و حفظ كلي .. يعني اهم شيء تفهموا و تحفظوا الأغلب بشكل عام )

نص اليوم الثاني حق الثلاثاء .. يكون مزاكرة تاااامه للتريننق 1 و 2

يعني حتى الاسئلة اللي ما تفهموها او تحسوا انها صعبة شوية ( و كتير من الاسئلة في التريننق تكون من بين اسطر السلايدات اللي ما تركزوا عليها كتير ) حاولوا تربطوا بين السؤال و الاجابة و حفظ و بس :)

يعني الاختبار عشان نجيب درجات عالية مو لازم نفهم مرررة كتير .. الفهم بعدين اقروا كتب الاحياء و افهموا ههههههههههههـ

و يوم الاربعاء صلاة الفجر تخلص الساعة 6 و نص تقريبا .. يعني من 7 الفجر الى 11 الصباح في اربعة ساعات فاضية

الاربع ساعات تزاكروا فيها الـ 120 سؤال تنحفظ صمممم زي الاسم .. لأني لاحظت في نموذجي انه اكتر من 15 سؤال كان من الـ 120 سؤال

يعني ازا حفظتوهم في الصباح راح تكون عالقة في راصكم للاختبار ان شاء الله

و المهم اكتر شيء انكم تناموا الثلاثاء في الليل بدري .. الساعة 11 او 12 بالكتييييير في الليل

و ان شاء الله 25 الى 30 في الاختبار بإذن الله

و هذا رابط للأخت D.Aroma ..

http://www.skaau.com/vb/showthread.php?t=471996

حاطه في المرفقات السلايدات مختصرة بعد حذف الصور .. يعني مرررة قليلة صارت السلايدات و اسهل و احسن .. لأن الصور في الاختبار فقط من الصور اللي في الـ 120 سؤال ( على حسب اللي لاحظته من اختبارات العيال اصحابي )

و هذا رابط التريننق 1 و 2 من موضوع للأخت Sora_ و من تعب الاخ عزوز كمانا

http://www.skaau.com/vb/showthread.php?t=470653

و الـ 120 سؤال تلاقوها في موقع الدكتور نزار :)

والله يوفقكم لكل خير يااااارب و اول ما تلاقوا الورقة قولوا الحمد لله سواء كانت الاسئلة صعبة ولا سهله .. لأن هذا قدر الله مهما يكون والله يبارك للحامدين :)

دعواتكم ..

و شكرياااااا

:)

ملاحظة مهمة : في اسئلة ممكن تجيكم من خارج كل اللي قلت لكم عليه فوق .. بس ما تتجاوز الـ 5 اسئلة بالكتير

يعني هيا تعتمد على الفهم من السلايدات .. بس برضه مو صعبة ان شاء الله :)

و يكون يعني تحتمل احتمالين صح ممكن .. بس لما تراجعي كويس و تفتكري المعلومة من السلايد تلاقي انه وحدة بس منهم صح

زي مثلا يسأل سؤال و يقول .. ايش اللي يصير في النواتج اللي تمر في جهاز جولجي من طرفه الاول لطرفه التاني ؟؟؟
و الاجوبة .. تحليل .. هضم .. اعادة تدوير .. تغيير .. و زي كدا يعني و انتي تشوفي الاجابة الاحسن و من السلايدات تفهمي :)

ربنا يوفقكم و يسعدكم و احنا كمانا ياااارب :)

[Al Jood]

الله يعطييييييك الف الف الف عافيه ،،

انا اليوم بخلص الانقلش بدري ان شاء الله وابدأ امسك الاحياء

يسلموو فصفص ؛) ،،

لك دعوه بظهر الغيب تصير اكبر مهندس في الدنيا ؛)

[wloolaa]

مشكوووووووور الله يعطيك العافيه ياخوي
ويجعله من موازين حسناتك

وابي اسئلك يعني عدد الرسمات الي تنحفظ اربعه صح ؟

واذا جاء في راسي دفرنه زياده وجيت اذاكر رسمات السلايدات اذاكر مسمياتها فقط ولا ايش بالضبط ينحفظ من الرسمه مادامه راح يجي الشؤال على هيئة اختياري

إن شاء الله تكون فهمت علي لانو كلامي داخل من هنا وخارج من هناك

[لوتي الطويرقي]

الله يجزاك كل خير
وفالك الفل مارك في الكيماء يارب

[AL-F9F9]

المشاركة الأصلية كتبت بواسطة al jood الله يعطييييييك الف الف الف عافيه ،، انا اليوم بخلص الانقلش بدري ان شاء الله وابدأ امسك الاحياء يسلموو فصفص ؛) ،، لك دعوه بظهر الغيب تصير اكبر مهندس في الدنيا ؛)

الله يعافيكي يا الجود :)

انا خرجت من الاختبار فرحان الحمد لله انه عدى على خير .. و حبيت افرحكم و اخرج الاحباط من صدوركم .. و ربنا يوفقكم و الـ 30 من نصيبكم ياااارب

آآآمين يآآآآرب .. الله يرضى عليكي :)

[AL-F9F9]

المشاركة الأصلية كتبت بواسطة wloolaa مشكوووووووور الله يعطيك العافيه ياخوي ويجعله من موازين حسناتك وابي اسئلك يعني عدد الرسمات الي تنحفظ اربعه صح ؟ واذا جاء في راسي دفرنه زياده وجيت اذاكر رسمات السلايدات اذاكر مسمياتها فقط ولا ايش بالضبط ينحفظ من الرسمه مادامه راح يجي الشؤال على هيئة اختياري إن شاء الله تكون فهمت علي لانو كلامي داخل من هنا وخارج من هناك

حياكي الله ولوولاا هههههـ

آآآمين يآآآرب

انا نموذجي جاتني الرسمه اللي هيا حق الرابطة الهيدروجينيه اللي في الـ 120 سؤال نفسها بنفس الاجوبة اللي في الاختيارات :)

و لما خرجت لقيت واحد صاحبي من نموذج ثاني عنده رسمه نزع الموية واللي عن طريقه يتم تكوين البوليمرز و برضه هدا السؤال موجود في الـ 120 سؤال بالنص مع السرمه :)

فأكيد النموذجين الباقيين الرسمتين الباقيتين ان شاء الله :)

والله ازا تبغي تزاكري الرسمات اللي في السلايدات خليها اخر شيء بعد ما تزاكري كل اللي كتبته فوق .. و هو راح يجيكي اختيار .. يعني يمكن يكون في عنصر في الرسمه فاضي و يقلك ايش هوا .. او الرسمه دي حق ايش ؟ زي حق نزع جزيء ماء اللي في الـ 120 سؤال :)

و ربنا يوفقك و يسعدك كلك همة ههههههههههههـ

:)

[ζ͡ 07͡الـہـزهـہرانہے:]

بنات ذاكروا السلايدات احسن لكمــ واذا ماقدرتوا عليها كلها خذوا الباب الرابع حق الخلايا الحيوانية والنباتية تراااه اهم شي واكثر الاسئلة منه بالتوفيق ان شاء الله

[AL-F9F9]

ملاحظة مهمة : في اسئلة ممكن تجيكم من خارج كل اللي قلت لكم عليه فوق .. بس ما تتجاوز الـ 5 اسئلة بالكتير

يعني هيا تعتمد على الفهم من السلايدات .. بس برضه مو صعبة ان شاء الله :)

و يكون يعني تحتمل احتمالين صح ممكن .. بس لما تراجعي كويس و تفتكري المعلومة من السلايد تلاقي انه وحدة بس منهم صح

زي مثلا يسأل سؤال و يقول .. ايش اللي يصير في النواتج اللي تمر في جهاز جولجي من طرفه الاول لطرفه التاني ؟؟؟
و الاجوبة .. تحليل .. هضم .. اعادة تدوير .. تغيير .. و زي كدا يعني و انتي تشوفي الاجابة الاحسن و من السلايدات تفهمي :)

ربنا يوفقكم و يسعدكم و احنا كمانا ياااارب :)

[.special.]

^
عجبتني العنقليشي xD
يعطيك العافيه خيوو مآقصرت
انا ولله الحمد خلصت مابقيلي غير نص شابتر 3
واغلب الـ 120 حفظتها

<- طبعا لاني ماسكتو من الاسبوع اللي فات من الخوف هههههههـ

وربي على قد ماكنت خايفه منو احس الحمدلله مرا سهل بعد ذاكرت السلايدز
حتى التريننيق والـ 120 حتحسو وانتو تذاكروها انها مراجعه ماتحتاج منكم وقت ابداااا ..

بالتوفيق للكل يآرب الفل مآرك
وبالتوفيق لك انتا كمان في الكيميا ^^

[AL-F9F9]

المشاركة الأصلية كتبت بواسطة .special. ^ عجبتني العنقليشي xd يعطيك العافيه خيوو مآقصرت انا ولله الحمد خلصت مابقيلي غير نص شابتر 3 واغلب الـ 120 حفظتها <- طبعا لاني ماسكتو من الاسبوع اللي فات من الخوف هههههههـ وربي على قد ماكنت خايفه منو احس الحمدلله مرا سهل بعد ذاكرت السلايدز حتى التريننيق والـ 120 حتحسو وانتو تذاكروها انها مراجعه ماتحتاج منكم وقت ابداااا .. بالتوفيق للكل يآرب الفل مآرك وبالتوفيق لك انتا كمان في الكيميا ^^

هههههههههـ انا علشان ما عندي انقليشي دحين فجالس اتونس هههههههههـ

تمام عليكي ما شاء الله تبارك الله ربنا يحفزك يا بنتي

هيا عاد بمستواكي لازم الـ 30 ان شاء الله :)

و انتبي ع الملاحظة المهمة اللي دوبي اضفتها للموضوع في اخر شيء .. عشان هيا تكملة الـ 30 ان شاء الله

بالتوفيق و عسى ربنا يوفقك عشان تـ ( فولو يور دريم ) بسهوله

:)