مبنى الرحاب :(

[beshoo-92]

مرآآحب بنوتآت ..
كيفكم آن شآلله تكونو بآحسن حآل ..
بفضفض لكم عن اللي سار لي اليوم وبخش ف آلموضوع ع طوول ,,
طبعا رحت اليوم لكليتنا الموقرة ف الرحاب عشان اعرف الموقع
مآبغا الفلف يوم السبت ,,
وسألت عن كلية التربيه ليييين ماوصلت لها ,, دخلت المكان الجميل المرتب
اللي هوا المبنى الجديد ,, سألت الأمن هنا التربيه الخاصه ,, قالت لي لأ هذا المبنى الجديد للأقتصاد المنزلي ,
التربيه الخاصه ف المبنى القديم آنا وجهي سار كذا >> كان عندي امل انو المبنى الجديد لنا

ووصفتلي فين المبنى القديم في بينهم شآرع يعني هوا مو بعيد عنو مرة بس لازم بالسيارة ,,
المهم رحت قلت ابغا اشوف المكان اللي راح ندرس فيه ..
اول مادخلت كنت حطلع انفجعت قلت شكلو في عمال لانو مو مرتب مرة مغبر ومخربط لوول
بس بعدين شفت كم وحدة اطمنت طلعو استاذات
وشكلهم اول مرة يداومو لانهم حايسين وحدة منهم قاعده توصف لتانيه ف الجوال ..
سحبت رجولي وخرجت مآشفتها كلها طبعا من جنب الباب قعدت اطالع ..
صرآحه مرة مايهيئ اول ماتدخلي كآنها سآحة مدرسه..
مآاعرف اذا في سآحات خلفيه كبيرة تحسسكـ آنكـ ف كليه
بس مااعتقد صغيرة آصلآ اللي يشوفها من برا يقول مدرسه
بس الفرق انو اللوحه مكتوب عليها جامعة الملك عبدالعزيز قسم الفنون ..
ووبس هذا اللي صار معايا اليوم والله يعيننا ع الدوام فيه .

[دوم رافعة راسي]

الله يعننا يارب

[طموح سآره]

شكرا ..
جهزتي لنا الصدمه من بدري ههههههههه

عشان ما ننفجع مرا وحددة

[مكعباات عبودي]

ما ادري اذا كان هو نفس المبنى اللي شفته او لا
المبنى شفته من برى لاصق في مجمع مدارس ابتدائي ومتوسط وثانوي وتخيلوا الزحمه اللي بتصير هنااك فالصباح و فالظهر والشوارع جدا ضيقه زي اللي فالحواري يعني مو رئيسي
والمبنى من برااا زي المدرسه وصغير مرااااا
يلا ترا حلو المبنى الصغير نحس كاننا بمدرسه وفيها الفه اكثر ونعرف بعض اكثر <<تواسي نفسها خخخ

[حربية]

لا تقولي

[حربية]

اســتـــغـــفـــــر الله الــعــظـيـــــــم ،، اســتـــغـــفـــــر الله الــعــظـيـــــــم ،، اســتـــغـــفـــــر الله الــعــظـيـــــــم

[reem.z.a]

الله يبشرك بالخير

[اوقات فرح]

الله يقدم الخير يارب
انا الي شفته نفس الي شافته مكعبات لاصق فيه مجمع ابتدائي ومتوسط
وكان مكتوب جامعة الملك عبدالعزيز كلية الاقتصصاد المنزلي
بس مش عارفه اذا هو نفس الي شفتيه ولا لا
مادخلت جوه انا
على كل حال الخيره فيما اختاره الله ماحد يدري وين النافع

[نور الـكون]

الله المستعان

والحمد الله على كل حال

[beshoo-92]

الا هوا نفسه مكتوب الاقتصاد المنزلي مدري الفنون .. بس آنا سآلت الاستاذة اللي كانت موجودة قالت لي ايوا هنا التربيه الخاصه ورآح يداومو الطالبات من يوم السبت .. وآلله يعيننا من جد