استفتاء الرجاء الدخول للاهميه

[مدخلة بيانات]

السلام عليكم ورحمة الله وبركاته
ماهو رئيك في الفتاة التي تلبس الحجاب الشرعي من عبائه على الراس وجونتيات وشرابات وماهي نظرتك لها


رائيكم يهمني لمساعدتي في بحثي

جزاكم الله خير اخواني

[dre]

موضوع جميل وحساس في نفس الوقت
واكيد راح تشوفي اجابات متضاربه

رأيي بصراحه بالفتاة اللي تلبس جونتيات وشراب انها (متشدده)
وانا لو ابغا اتزوج ما افكر اني ارتبط بفتاة في نظري (متشدده)
قد ما يكون ذنب البنت , ممكن اهلها متشددين بزياده

انا متأكد انو في شباب وبنات في المنتدى قد يعارضوني لانو
في احد عندهم كدا .. لكن انا قلت رأيي وبكل صراحه
وعمرو ما كان معنى الحجاب انو ما يبان من البنت ضفرها حتى

والسلام ختام

[أبوطارق]

موضوع رائع وأتمنى لك التوفيق في بحثك ..
عباءه الرأس أراها من الأمور المهمه . ولا أضنني سأرتبط في فتاه لاتلبس عباءه الرأس . حتى وإن إرتبطت في فتاه لاتلبسها سأحاول إقناعها بضروره لبس عباءه الرأس فقط ..
أما جونتيات والشرابات فأنا ضد لبسها وأرى من يلبسها نوعاً ما بأنها رجعيه . !
ودي وباقات وردي

[AbO FahaD]

عباءة الراس من الاشياء المهمة جدا في نظري

الجونتيات ليست بتلك الدرجة من الاهمية

[قلب البحار]

طبعا عباءة الرأس مهمة ومهمة جدا ,,
لو كانت البنت تلبس الجونتيات دا شي راجعلها وهيا حرة المهم العباءة

[سوار العسل]

مالفرق بين عباءة الرأس و الكتف ؟

[:. مآء السمآء .:]

غروور حبيبتي .. دري ماقال عباية الراس

قال الجونتيات

لا تعصبين خيتوو

مالفرق بين عباءة الرأس و الكتف ؟

سوار .. الفرق بين انواع عبايات الكتف اكبر من الفرق بين عباية الكتف والراس

[سوار العسل]

ايوة يا همس الله يسعدك هذا اللي بقوله ، يعني أنا ألبس عباية كتف و فيها كل شروط الحجاب الشرعي فضفاض ماهو خفيف و يبين تفاصيل الجسم ، ماهي لباس زينة ما فيها أي ألوان أو تطريز ، خلاص بعنّس يعني !

بعدين ترى يا أخوات الله لا يشغلنا إلا في طاعته ، أشغلتونا و أشغلتوا أنفسكم بهالأسئلة ، هل يحترم الشاب السعودي الملاك الطاهر العلّامة الجهبذ الفتاة التي تاكل بيدها اليمين و إلا اليسار ، هل يحترم الفتاة اللي تعطس و ماتقول الحمدلله و هل يحترم ما أدري وشو ، عساه ما احترم ! و حنا تفصيل حسب الطلب ، دمية بين يديه ، مالنا شغله إلا رأيه ! ، و الي ما يحترمك أعطيه بالـ........، إن احترمك لنفسك كان بها و إن لم، سكان الكرة الأرضية ترى ستة مليار ونص . ما نلقى واحد في هالكون الفسيح يحترمنا لأنفسنا .

[:. مآء السمآء .:]

المشاركة الأصلية كتبت بواسطة سوار العسل ايوة يا همس الله يسعدك هذا اللي بقوله ، يعني أنا ألبس عباية كتف و فيها كل شروط الحجاب الشرعي فضفاض ماهو خفيف و يبين تفاصيل الجسم ، ماهي لباس زينة ما فيها أي ألوان أو تطريز ، خلاص بعنّس يعني ! بعدين ترى يا أخوات الله لا يشغلنا إلا في طاعته ، أشغلتونا و أشغلتوا أنفسكم بهالأسئلة ، هل يحترم الشاب السعودي الملاك الطاهر العلّامة الجهبذ الفتاة التي تاكل بيدها اليمين و إلا اليسار ، هل يحترم الفتاة اللي تعطس و ماتقول الحمدلله و هل يحترم ما أدري وشو ، عساه ما احترم ! و حنا تفصيل حسب الطلب ، دمية بين يديه ، مالنا شغله إلا رأيه ! ، و الي ما يحترمك أعطيه بالـ........، إن احترمك لنفسك كان بها و إن لم، سكان الكرة الأرضية ترى ستة مليار ونص . ما نلقى واحد في هالكون الفسيح يحترمنا لأنفسنا .

تماام عليك سواري هذا قصدي

بالنسبه للاسئله والاراء على قولك .. يمكن لكثرة العوانس في البلد وعزوف الشباب عن الزواج

ضاقت فيهم الاسباب وقاموا يدورون على اسباب لا تمت للموضوع بصله

ولا موضوع الحجاب الاسلامي مو موضوع لطرح النقاش فيه اذا كان يعجبه او مايعجبه او يحترمه

ممكن يكون مايعجبه بس لازم يحترمني لاني انا الصح وهو الغلط..

مااعتقد انه في شاب عاقل غيور على اهله يرفض هذا الشي

ممكن صح نختلف على مسألة الجونتيات او الشراريب بس برضه لازم يحترمها

؛؛

[dre]

المشاركة الأصلية كتبت بواسطة همس الغلا غروور حبيبتي .. دري ماقال عباية الراس قال الجونتيات لا تعصبين خيتوو سوار .. الفرق بين انواع عبايات الكتف اكبر من الفرق بين عباية الكتف والراس

همس هوا فين رد ( غرور ) ؟؟؟
مني شايفو ..