استفسار عن التصميم الداخلي و الرسم

[asma.]

انا طالبة سنة تحضيرية و ابغا اعرف ايش الوظايف الممكنة لهدول القسمين يعني كل ما اقول لاحد يا يقلي ما رح تلاقي وظيفة يا انك لازم تخلي عملك خاص و تشتغلي على نفسك و


الصراحة ما ابغا عمل خاص لانو اساسا مو طموحي هي مجرد هواية عندي الرسم و احسو ممتع حتى مو فارق معي الراتب بس ابغا وظيفة ما تكون مملة و بس قعدت مكتب و كتابة و مدري ايش يعني حتى فكرت بالطب لانو فيه


حركة بس مو عشان احبو بس ما اتوقع انو حجيب نسبة تدخلني طب فا ياريت تعطوني امثلة على الوظايف بعد التخرج او حتى تقترحو على وظايف ما تكون مكتبية و فيها حركة

[asma.]

فوق 190 مشاهدة ولا رد

[ايام الحياة]

مرحبا ^_^

بصراحة ماعندي فكرة غير انو الوحدة ممكن تفتح عملها الخاص
لكن
في موضوع للاستفسارات ممكن لو حطيتي سؤالك فيه حدا يجاوبك

اسفة ممكن ماافدتك كثير بس ماحبيت اني اترك الموضوع بدون رد

[7abeeba]

اي قسمين ياقلبي عندنا في الكية 3 اقسام

[asma.]

المشاركة الأصلية كتبت بواسطة 7abeeba اي قسمين ياقلبي عندنا في الكية 3 اقسام

طيب انا ابغا اتخصص في واحد من هدول الاتنين بس !

[Kenda]

كلية التصاميم والفنون فيها / تصميم داخلي - تصميم ازياء - رسم فنون

و التصميم الداخلي كمان موجود بكلية الاقتصاد المنزلي للعلمي بس ..

ك وظيفة برأيي التصميم الداخلي دايما متجدد لانك حتقابلي زباين بأذواق مختلفة و تشتغلي وتقدري تطوري حالك سواء عمل خاص او مع شركة

ادخلي قسم تحبيه و تقدري تبدعي فيه .. الوظيفة و الرزق خليها على الله

[saharphtg]

حسب مشاهدتي و استفساراتي و ليس دراستي في قسم رسم و فنون ..
التخصص دا غالبا نهايتك فيه عمل خاص .. و يخدم بزياده الي ناويه على مشروع
اعماله و دراسته متنوعة و تستفيدي مو كله رسم


التصميم الداخلي مستقبله حلو ماشاء الله .. و حتشتغلي كانك مهندسة في مكتب
و ممكن بعدين تفتحي شغلك خاص بعد ما تاخدي الخبرة اتوقع