تقيمي للدكتورات والمواد :)

[amj.mus]

.: السلام عليكم ورحمة الله وبركاته :.

المستوى الثالث

أحياء 202 (حليمه النهاري)

الدكتوره الله يسعدها طيوبه مره واخلاقها مره حلوه اسالتها سهله وتساعد في الدرجات.
الماده سهله وبالعربي ومكرره من الثانوي .
.................
كيمياء حيويه عامه (امل حسنين)
الدكتوره شرحها مره كويس تفهم وتخرجك من المحاضره وانتي فاهمه كل شي اسالتها حلوه وسهله وتساعد كثير في الدرجات اختباراتها كثير بس دا الشي في مصلحتنا لانو ندخل النهائي واحنا مذاكرين المنهج كلو.
الماده بالانجليزي سهله تتكلم عن الكربوهبدرات والدهون والبروتين والسكريات بشكل عام .
.................
ثقافه اسلاميه 1 (حواء هوساوي)
الدكتوره على قد مدح البنات لها بس حسيتها جدا عاديه واخر دكتوره تخلص المنهج من كثر هرجها اسالتها يبغالها مذاكره كويسه.
.................
امن وسلامة مختبرات (نجلاء اياز)
الدكتوره طيوبه اسالتها حلوه بس شرحها مو مره تقرا من الكتاب وصوتها منخفض جداا و تتأخر في تصحيح الاختبارات مررره يعني ممكن تدخلي النهاي وانتي ما اخذتي درجة الدوري التاني.
الماده بالعربي وسهله .
.................

المستوى الرابع

كيمياء عامه 202 (سعيده المحياوي)
الدكتوره خوفوني البنات منها وكنت ححذف الماده بس الحمدلله كملت معاها واخذت درجه حلوه شرحه حلو وتفهم اسالتها على قد شرحها وتحب البنت اللي معاها في المحاضره صاحه ماندمت الني اخذت معاها.
الماده بالانجليزي صعبه شوي يبغالها مذاكره وفهم وشرح كويس
.................
انزيمات (ايناس دانيال)
الدكتوره شرحها حلو بس اسالتها صعبه شوي اخلاقها ما عجبتني مره وماتساعد في الدرجات وتصحيحها دقيق.
الماده بالانجليزي سهله بس يبغالها مذاكره اول باول.
.................
ايض 1 (أمل حسنيين)
الدكتوره شرحها مره كويس تفهم وتخرجك من المحاضره وانتي فاهمه كل شي اسالتها حلوه وسهله وتساعد كثير في الدرجات اختباراتها كثير بس دا الشي في مصلحتنا لانو ندخل النهائي واحنا مذاكرين المنهج كلو.
الماده بالانجليزي يبغالها فهم وحفظ في نفس الوقت تتكام عن ايض الكربوهيدرات والدهون.
.................
ثقافه اسلاميه 2 (شمائل الرفاعي)
الدكتوره شرحها حلو واساتها حلوه وتحاول تساعد البنات.
الماده سهله تتكلم عن الرسل والقران
.................
معمل كيمياء 281
اسوء معمل الحمدلله عدى على خير يبغالوا تركيز واستاذات يساعدوا .
.................
مصطلحات (الفت)
الدكتوره للاسف تقاعدت كانت مرره كويس اسالتها حلوه وتضمني معاها a+ ان شاء الله .
الماده سهله ومفيده في التخصص .

الصيفي

سموم (ايناس دانيال)
الدكتوره شرحها حلو بس اسالتها صعبه شوي اخلاقها ما عجبتني مره وماتساعد في الدرجات وتصحيحها دقيق.
الماده حلوه وبالعربي بس دسمه والدكتوره الله يهديها ما حذفت لنا شي رغم انو اخذتها غي الصيف.
.................
عربي 1(ناديه فلاته)
الدكتوره شرحها مره ممتاز واخلاقه مره حلوه اسالتها كانت سهله واعطتنا بونس 10 درجات
الماده سهله وكل المعلومات مكرره من الثانوي
.................
ثقافه 3(سناء عابد)
الدكتوره مشاء الله عليها شرح واخلاق واسالتها حلوه دايما تحكينا قصص حلوه .
الماده حلوه تتكلم عن الزواج والطلاق والعمل التطوعي ولامر بالمعروف والنهي عن المنكر.
.................

المستوى الخامس

ثقافه 4 (نسيبه الجفري)
الدكتوره مرره عسل شرحها حلو احسها مخلصه في تدريسها .
الماده اسهل ثقافه اسلاميه درستها تتكلم عن المهنه .
.................
بيولجي خليه ( منى الشريف )
الدكتوره صراحه مره ماعجبتني ماتشرح كويس واسالتها كلها مقاليه .
الماده بالعربي و دسسسسمه جدا ويبغالها حفظ اول باول ودكتوره كويسه .
.................
تغذيه (امل حسنيين )
الدكتوره شرحها مره كويس تفهم وتخرجك من المحاضره وانتي فاهمه كل شي اسالتها حلوه وسهله وتساعد كثير في الدرجات اختباراتها كثير بس دا الشي في مصلحتنا لانو ندخل النهائي واحنا مذاكرين المنهج كلو.
الماده بالانجليزي مرره حبيتها سهله ومفيده حتستفيدي منها وحتغري عادات كثير في غذائك .
.................
ايض 2 (نجلاء اياز)
الدكتوره طيوبه اسالتها حلوه بس شرحها مو مره تقرا من الكتاب وصوتها منخفض جداا و تتأخر في تصحيح الاختبارات مررره يعني ممكن تدخلي النهاي وانتي ما اخذتي درجة الدوري التاني.
الماده بالانجليزي اصعب واطول من ايض 1 تتكلم عن ايض البروتينات .
.................
مهارات وكتابة تقارير فنيه (منال السيد)
الدكتوره الله يسعدها طييييبه واسالتها سهله وتساعد وشرحها حلو .
الماده بالانجليزي سهله وتفيد في بحث التخرج .
.................
معمل احياء 281
اسهل من معمل الكيمياء بكثثثير .
.................
كيمياء حيويه غير عضويه (جهاد يوسف)
الدكتوره مره كويسه اسالتها على قد شرحها يعني صعبه شوي .
الماده بالانجليزي يبغالها مذاكره اول باول تتكلم عن العناصر وتاثيرها في الجسم .

بالتوفيق للجميع وان شاء الله اكون افدتكم
ورايي بالدكتوره يختلف من بنت لبنت وممكن تكون الدكتوره تغير اسلوبها فلا تعتمدوا على كلامي كثير