الجو خطير والأمطار على طريق جدة - المدينة شديدة

[نمر من النمور]

سلام عليكم


بالمختصر المفيد

أي أحد حيمشي المدينة الآن أو يعرف أحد حيمشي الآن

ينتظر شويتين


الطريق ممطر مرة والرعود شديدة ... والسيارات واقفة على جنب لعدم وضوح الرؤوية




كان معكم

عدنان حمد الحمادي




ترى الموضوع صدق



والجو في جدة كل أبوه غيوم وسما برتقالية

شكلها اليوم مطر مطر


اللهم حوالينا ولا علينا

[samya]

والله من جد الجو دحين خيااال السما برتقالية حاسة الاجواء رائعة
يارب تمطر وجعلها مطرة خير

[.,.نيــــــــــــــــــــران.,.]

بجد الجو خياااااااال

ياليت احد يطاوعني يخرجني دحين :(

سبحان الذي سبح الرعد بحمده والملائكة من خيفته

[MISS EZ3AG]

<- مسنتره بالشباك بنت أبوها هههههههههههههههههههههه أشوا محد بالشارع ويطالعني وانا اتهنى بالجوووو الجمييييل ولا بتصير فيها قبايل
ابي اتمشى ابي البحرررررررر .. نيرانوه إذا لقيتي أحد يوديكي مريني

[د. أسامة]

مـآ شـآء الله تبارك الله ،

الحمد لله رب العـآلمين ، مطـر و موسـم حج ،

الحمد لله ، الحمد لله ، الحمد لله .

[أنثى المفاجآت]

اجواااء خياااليه

والحين اسمع صووووت رعد اللهم اسقنا الغيث يا ارحم الرحمين

و اجعلها امطار خير و بركه في المدينه و جميع انحاء المملكه اللهم آميييين

[.,.نيــــــــــــــــــــران.,.]

اه يااروجة ياليت

روحي حتطلع من نفسي

اللي عندي نايمين ، في احد ينام في جو زي كذه؟؟
كأنه بسم الله علينا طول السنة مشتيين !!

[د. أسامة]

و الله الوالد بيمـر في خط المدينـة الآن ،

خوفتــوووووووونـي ، أدعــوا له ما يصير له شئء :( .

[MISS EZ3AG]

ايوا نسيت اشرحلكم سبب المطر <- ضفي بالله
السبب إنه في فصل الشتاء بتهب علينا ضغوط جويه وكتل هوائيه قادمه من مرتفع البحر المتوسط (رياح شماليه غربيه) والمرتفع الأفريقي (رياح جنوبيه غربيه)
وبتصطدم بالمرتفعات الغربية (إقليم عسير) وبيحصل اللي قاعدين بتشوفوه ذحين بالمدينة وجده ..
وسلامتكم

[.,.نيــــــــــــــــــــران.,.]

^
^

اكيد مايحتاج جغرافيا :)

يسلمو ع المعلومة