تجاربكم مع الاستاذات بالتفصيل

[roro queen]

انا اخدت مع سحر الجبروني متوسطه1 جدددددددددن راااائعه ^^
وعيشه السيد تكاليف1 شرحها عادي واسئلتها مرررره سهله ^^
وحكوميه مع هبه مرررره لأ >_<

بناااااات بليز ابغا اسال عن كم وحده
كيف اقبال خاطر وفاطمه كمال وجوهره القحطاني في الشرح والواجبات والدرجات؟؟

[صمت الدنيا]

بناات اللي يقول انو هبه مو كويسه بايش مو كويسه ؟؟
الشرح ؟؟
لانو اهم شي الشرح وكيف توزيع درجاتهاا ؟؟

وكيف اسئلتهاا ؟؟

<<وينك يا استاذه انيسه ليتك مسكتي ماليه 2

[رومية]

أخذت مع الجوهرة السميستر الي راح خوفوني منها بس والله طلعت راقيه في تعاملها أخذت متوسطة 2 والاختبار الدوري الاول شوي يلخبط لازم تكوني مركزة يعني تذاكري اول بأول مو قبلها بيوم لانها تجيب من التفاصيل الي ماتخطر على بالك والثاني سهل والنهائي يعتبر سهل اخذت 85 والواجبات تسلم في موعدها وتعطيكي حقك وفي تكليف تلخيص للباب الاخير واعطتنا سؤال عليه خمس درجات بونس في الدوري التاني والنهائي البونس الاول سهل وبونس النهائي لوشاطرة حليه وبس

[ع ـبث طـفلهـ]

انا اخذت تكاليف 1 مع ريم صقر مايحتااااج مرررررررررررررررررره توووب تظلب منكم بحث كل بنتين مع بعض بس

حكوميه مع هبه مرررره لا اول شيء تجي نص شرحها ناسيته وعصبيه بس تنافخ وتصحيحه اهبل قد ماتقدرو ابعدوو عنها الواجبات اللي ماتجيب تنقصها واللي تجيب ماتاخذ لو ربع درجه

مالية شركات قد اخذتها مع نسمه كل شيء تماااااام بس بالنهااائي اغلب البنات انصدموو بالدرجاات انا كنت داخله الاختبار ناقصه 4 درجات بس وعالنهائي لقيت نفسي طايره اكثر من 13 درجه بالهواء والاختبار كان جدا تافه ونفس اسئلة الدوريات ان كان ظلمتنا الله فوووق

اقتصاد كلي اخذته من لمياء ششه مررررره تعجبني هالانسانه

قد اخذت مع عفاف عايد وسناء باهلال وانا ادرس انتساب وكااانو مرررره رووعه بعد ماحولت انتظام ماجربتهم

اخذت مع الحاجه الامام بالتحليل الكمي رووووووووووووووووووووعه اما نقود وبنوك مايمدحونها

متوسطه مع سحر مرررررررررررررررره رووعه هالانسانه بكل شيء قمه والمذاكره من المحاضرات

هذاا اللي عندي والله يوفقنا جميييييييييييييع

[رومية]

بنات امانة كيف عيشة السيد في منشأت انا عارفة الاستاذة دي بكل المواد اهرب منها دحين طلعتلي
في البخت انا اسأل منشأت عملي ولا نظري يعني يمديني افهما نفسي اكيد محأعتمد على الاستاذة

[جلكسي]

منشات مادة طويلة . كلها قيود لازم تنحفظ .. انا اخذتها مع سحر حلوة المادة معاها . بس ركزي في القيود لانها تلخبط وتتشابه .
الي تسال عن فاطمة كمال : جدا رائعة في الشرح وتفهم واختباراتها حلوة وتعطيكي واجبات وتسلم في موعدها . والاستاذة مرة حبوبة . وقلبها على البنات

الجوهرة : راقية ورائعة حتى لو خبصتي في اختباراتك يكفي انك تفهمي معاها مو زي دكاترة اسئلتهم سهلة ومايعرفو يفهمو . وشوفي مين يفهمك .

[ريمانة]

تكاليف 1 اخذتها مع ريم صقر الله يسعدها مررة المادة ممتعة معها توزيعها 25 دوري 25 نصفي 10 تكليف بحث كل بنتين مع بعض اختباراتها جدااا وااضحة وسهلة والمذاكرة من ورقها وبسس
------
متوسطة 1 مع عيشة الله يستر عليها هالادمية المادة غلسسه وهي زودتها توزيعها 25 دوري 30 نصفي<< اظن ناسية
ولسه ماختبرت نهائي.. الله يعين
------
نقود وبنوك مع حاجة المادة الصراحة مو مرة بس هي الا غصب تبينا عباقره فيها توزيعها 20 دوري 30 نصفي 10 واجبات ومناقشة في اوراق بس جد اللي ياخذ معها لااااااااازم يكتب كلاااامها كل الاختبارات تجي منه والنهائي للامانة جداا وااضح لانه موحد مع عفاف
-------
مالية شركات مع سحر مهراان توزيعها 25 دوري 25 نصفي المادة حلوة والمنهج قليل
------
انا ناوية اخذ تكاليف 2 مع اقبال خاطر شرايكم فيها ؟؟ شعبتها هي اللي ناسبتني

[LAYAN89]

روميه انا نفس حالتكي مني عارفة اخذ منشآت مع عيشة ولا حمدية

بس شكلي خلااص راح اخليها مع حمدية

[LAYAN89]

حتى زكوية وربي محتارة راوية ولا صباح الغامدي

ع عالعموم اكمل تجاربي مع الاستاذات

===

محاسبة 1 و2 ريم صقر شرحها حلوةيعني تفهم أسئلتها حلوة

متوسطة 1 سحر الجبروني رآئعة والله مرة تعجبني اسئلتها روووعة

متوسطة 2 الجوهرة القحطاني حبيتها والله تفهم كويسسسس وأسئلتها من سهل الى متوسط

تكاليف 1 عيشة السيد << نو كومنت كنت أفهم نفسي بنفسي

تكاليف 2 فاطمة كمال وماحبيتها بصراحة ابدا اول مرة واخر مرة آخذ معاها

ادارية اقبال عسولة وأسئلتها حلوة لكن المشكلة بس بتوزيه الدرجات يعني تعطيكي 3 او 4 اسئلة كل سؤال عليه 5 او 6 او 7 او 8 درجات :) يعني ممكن تروح عليكي درجة السؤال كله لو مانتبهتي وحليتي صح لكن عموما المادة حلوة ولسى مااختبرت النهائي معاها

نظم معلومات مع اماال عوض عسولة وأسئلتها حلوة لكن ظلمتني في النهائي كثير نقصتني تقريبا 4 درجات بس برضو درجتي حلوه معاها

وبس تعبت

بليز احد يساعدنا بخصوص زكوية راوية ولاصباح؟؟

ومنشآت عيشة السيد ولا حمدية؟

[صمت الدنيا]

عبث طفله ممكن بس توضحين اكثر عن ا/ هبه كيف ؟؟
يعني ادا ع العصبيه مع نفسها وتصحيحها انا اساساا لازم اروح اشوف اوراق اختباري عشان اعرف اخطائي الا ادا اعرف اخطائي ودرجتي ع قد اخطائي مااشيل هم التصحيح انا ,,
بس اسئلتها من شرحهاا ؟؟ والا لف ودوران ؟؟ والمنهج نكتب معها او ملزمه ننزلهاا او ايش ؟؟

سووري بس تخرج انا ما ابغى اضيع معدلي عشان استاذه لانو الشعبة الثانيه مع اقبال وانا اخدت معها ادارية وما حبيتهاا