تم تحويلي من الرياض الى هنا احتاج مساعده

[الدكتور مروان]

تحيااتي لكي من جديد اختي العزيزه
انا اللي فهمته منك
انو الجامعه انسحبت تراخيص اعترافها وماصارت معترفه وانتم درستم فيها
ووصلتي لسنه تالته صح؟
ولمن لغو الاعتراف الجامعه حولتك وعادلت الشهاده بطريقتها وغيرتلك القسم
بس انا حسألك سؤال
انتي مستعده تدرسي سنه بلتخصص الجديد وبعدين يختبروكي على السنين كلها
وتضمني فيها النجاح ماعنه اختبار الكروك او بمعني الاختبار اللي راح يعادلولك فيها كل موادك حيكون اختبار تعقيدي ومو مسهل عشان تجيبي فيه فوق ال 60
انا مستغرب من نظام التعليم العالي
يعني يضيعو عليكم السنين بغباء منهم
سنه تحضيريه والحين سنتك في القسم الجديد وبعدين تختبري ولو نجحتي حتطلعي سنه رابع يعني خمس سنين تكوني دارسه قبل ماتوصلي سنه رابع ولمن توصلي سنه رابع يبغالك كمان تلات سنين صارو تمنيه سنين بس عشان تدرسي بغلطة وزارة التعليم العالي
وسنة الامتياز صارو تسعه وتستني ست اشهر او فتره لين تختبري اختبار الهيئه وتنتظري لين ترجعلك الرخصه يعني اغلاط التعليم العالي راح تنحسب من عمركم هذا اذا انتي منك حابه تدرسي او تكملي بكلية الطب
او اذا حابه تكملي شوفي السنين كلها اللي حتكون دراسه
انا انصحك بشي تقدمي طلب للوزاره او لاي جهة رسميه يحولو مكان دراستك من جامعة عبد العزيز لكلية ابن سينا تحويل اجباري
لانو حرام تروح السنين اللي تعبتي فيها على الفاااضي
انتي حابه تدرسي في العلوم الطبيه الاساسيه؟
تحياتي ليكي واسف لو كلامي كان معقد بس حرام اللي صار معااكي
انا زعلان لان راحت عليا سنة تحضيري بلغه الروسيه فما بالك لمن اضيع تلات سنين حنجلط وقتها
اسف لاطاله

[الدكتور مروان]

وعلى فكره القسم هدا على حسب علمي جديد بلسعوديه يعني انتم تقريبا تعتبرو من الدفعات الاولى في القسم هذاا

[بشائر الفرح =)]

أهلاً أختي ,

الدكاتره م قصروا الله يعطيهم العافيه

وهذا موضوع عن قسم العلوم الطبيه الأساسيه حيفيدك بإذن الله

http://www.skaau.com/vb/showthread.php?t=595149

وفقك الله ويسر أمرك ,

[SARAH.A.A]

د.مروان يسلمو ماقصرت ويعطيك الف عافيه

بالنسبه انو حيضيعوا عمري وكدا والله مالي يد يعني اش اعمل !! وهما ماقدروا يدخلوني على طول طب ماني عارفه ليش بس ماقصروا بالنسبه للمعادلة قالوا طالما عندك مواد بتتعادل حنعادل لك كل حاجه وان شاء الله يصير خير

والرقم الجامعي اللي ادوني مكون من 7 ارقام ومو راضي يخش معايا مو عارفه ليه !! حستنى لين ما تبدا السنه واروح استفسر مزبوط من عندهم

[SARAH.A.A]

المشاركة الأصلية كتبت بواسطة بشائر الفرح =) أهلاً أختي , الدكاتره م قصروا الله يعطيهم العافيه وهذا موضوع عن قسم العلوم الطبيه الأساسيه حيفيدك بإذن الله http://www.skaau.com/vb/showthread.php?t=595149 وفقك الله ويسر أمرك ,

يعطيكي الف عافيه اختي موضوع اكثر من كافي ماقصرتي

[سجو الحياة]

ياقلبي عليكي انتي زي بنت عمي بس هيا مو راضية تبغى طب ما تبفى غيرو وجامعة سعود تقول لازم تعيدو تحضيري وبعدين ازا جبتو معدل تروحو طب انا انصحكي تروحي المعرفة بدل ما تدرسي دا التخصص والي اعرفو انو الوزارة حطت المعرفة من ضمن الخيارات المفروض انو لو حولوكي يدخلوكي طب مو علوم طبية اساسية

[Eradah A]

سلام ساره كيفك

انا من الكليه العالميه ووضعي مثل وضعك بالضبط وفي مستوى خامس وانقبلت في جامعة الملك عبدالعزيزونفس تخصصك وموعاجبني موضوع الاختبار وخايفه منه وموعارفه وش اسوي ومن جد محتاره فانتي ايش راح تسوين

[بيو كيميائية ^_^]

نصيحة لا ترضي بهالتخصص

يعني كنتِ طب ودرستي 3 سنوات

ترضين بعلوم أساسية

ولا أحد يخدعك ويقول فيه وظايف كثيرة وظايفها محدودة جدًا جدًا جدًا

إحنا في السعودية مو برا عشان أقول لك كملي فيها

أول حاجة شوفي كم مركز أبحاث عندنا ؟؟ وكم ياخذون وراح ياخذون طبعًا الأعلى فالأقل

ويبدون الماستر على البكالوريوس

والمعيدية لازم معدلات معينة وماراح يخذون كل الدفعة طبعًا

بعكس لما تكملي طب بتتوظفين بإذن الله

وأصلًا مدري ليه فتحوا هالتخصص وإحنا ماعندنا أصلًا وظايف بحثية

شوفي جامعة غير وكملي طب

لا تدخلي شيء مجهول